ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಕೊಂಕ್ಣಿ ಫುಲಯ್, ಕೊಂಕ್ಣಿ ಪಾಲಯ್, ಕೊಂಕ್ಣಿ ಸದಾಂಚ್ ಬಾಳ್ವೊಂಕ್ ಜಾಯ್.
ಕೊಂಕ್ಣಿ ಅಭಿಯಾನ್ ಸಮಿತಿ ಮ್ಹಳ್ಯಾರ್ ಕಿತೆಂ?
ಕುವೆಯ್ಟ್ಚಾ ಕೊಂಕ್ಣಿ ಅಭಿಯಾನ್ ಸಮಿತಿನ್ ಹ್ಯಾ ವರ್ಸಾಚಾ ತಾಂಚಾ ಅಭಿಯಾನಾಕ್ ’ಮಿತ್ರ್’ ಪತ್ರಾಕ್ ವಿಂಚ್ಲ್ಲಿ ಖಬಾರ್ ಆಮ್ಚಾ ಹುಮೆದಿಕ್ ನವ್ಯೊ ಝರಿ ಫುಟಂವ್ಕ್ ಸಕ್ಲಿ.
ಖಂಡಿತ್ ಜಾವ್ನ್ ಹ್ಯಾ ಅಭಿಯಾನಾಚಾ ವಾವ್ರಾನಿಮ್ತಿಂ ಆಮ್ಚಾ ಖಾಂದ್ಯಾರ್ ಆಸ್ಚೆಂ ವ್ಹೊಜೆಂ ಇಲ್ಲೆಂ ಹಳು ಜಾಂವ್ಕ್ ಸಕ್ತೆಲೆಂ ಮ್ಹಣ್ ಆಮಿಂ ಲೆಕ್ತಾಂವ್ ಆನಿಂ ತುಮ್ಚಾ ಬರ್ಯಾ ಮನಾಕ್ ದೇವ್ ಬರೆಂ ಕರುಂ ಮ್ಹಣ್ತಾಂವ್.
- ಸಾಂಗಾತಿ ಮೀಡಿಯಾ ಆನಿಂ ಮಿತ್ರ್ ಮಂಡಳಿ, ಮಂಗ್ಳುರ್
"ಮ್ಹಾಕಾ ವರ್ತೊ ಸೊಂತೊಸ್ ಭೊಗ್ತಾ ಕುವೆಯ್ಟಾಚಾ ಕೊಂಕ್ಣಿ ಬರವ್ಪ್ಯಾಂನಿ ಸಾಂಗಾತಾ ಮೆಳೊನ್ ಆಜ್; ಎಕಾ ವರ್ಸಾಧಿಂ ಪರತ್ ನವೊ ಉಸ್ವಾಸ್ ಅನಿ ಅತ್ಮೊ ಘೆತ್ಲೆಲ್ಯಾ ಮಿತ್ರ್ ಪತ್ರಾಕ್ ಆಧಾರ್ ಜಾಂವ್ಚಾ ಇರಾಧ್ಯಾನ್ ಕುವೆಯ್ಟಾಂತ್ ಅಭಿಯಾನ್ ಚಲಯ್ತಾತ್ ಮ್ಹಳ್ಳೆಂ ಆಯ್ಕೊನ್. ಹೊಚ್ ವಿಚಾರ್ ಏಕ್ ಸೂತ್ರ್ ಜಾವ್ನ್ ಮುಕಾರ್ ಕೊಂಕ್ಣಿ ಪತ್ರಾಚೆರ್ ಅರ್ಥಿಕ್ ಬರೆಂಪಣ್ ಜಾವ್ನ್ ಕೊಂಕ್ಣಿ ಭಾಸೆಕ್ ಬರೆಂಪಣ್ ಜಾಂವ್ದಿ ಮ್ಹಳ್ಳೆಂ ಮ್ಹಜೆಂ ಖಾಲ್ತೆಂ ಮಾಗ್ಣೆಂ ಜಾವ್ನಾಸಾ. ದೇವ್ ಬರೆಂ ಕರುಂ"
- ಜೆಮ್ಮಾ ಪಡೀಲ್, ದುಭಾಯ್
ಮೊಗಾಳ್ ಕೊಂಕ್ಣಿ ಮೊಗಿಂನೊ, ಕೊಂಕ್ಣಿ ಭಾಸ್ ಆನಿ ಸಂಸ್ಕೃತಿ ಜಿವಿ ದವ್ರುಂಕ್ ಆಮ್ಚಿಂ ಕೊಂಕ್ಣಿ ಪತ್ರಾಂ ಜಿವಾಳ್ ಆಸೊಂಕ್ಜಾಯ್. ಕೊಂಕ್ಣಿ ಪತ್ರಾಂಚಿ ಆಯ್ಚಿ ಪರಿಸ್ಥಿತಿ ಸಮ್ಜೊನ್ ಸ್ವಂತ್ ಖುಶೆನ್ ಕೊಂಕ್ಣಿ ಪತ್ರಾಂ ಖಾತಿರ್ ವರ್ಗಣಿ ಜಮವ್ನ್ ಪತ್ರಾಂಚಿ ಅರ್ಥಿಕ್ ಸ್ಥಿತಿ ಘಟ್ ಕರುಂಕ್ ತುಮಿ ಕರ್ಚೊ ವಾವ್ರ್ ಹೊಗ್ಳಿಕೆಕ್ ಫಾವೊ.
ಎಕಾಚ್ ವರ್ಸಾನ್ "ಮಿತ್ರ್" ಪತ್ರಾನ್ ಕೊಂಕ್ಣಿ ಪತ್ರಿಕೋದ್ಯಮಾಂತ್ ನವೆಸಾಂವ್ ಹಾಡ್ಲ್ಲೆಂ ಸ್ವಶ್ಟ್ ದಿಸ್ತಾ ಆನಿ ಅಸಲ್ಯಾ ಪತ್ರಾಕ್ ವರ್ಗಣಿ ಜಮವ್ನ್ ಘಟಾಯ್ ದೀಂವ್ಕ್ ತುಮಿ ಮುಖಾರ್ ಸರ್ತಾನಾ ಹ್ಯಾ ತುಮ್ಚಾ ವಾವ್ರಾಕ್ ಸರ್ವ್ ಬರೆಂ ಮಾಗ್ತಾಂ. ಕೊಂಕ್ಣಿ ಪತ್ರಾಂ ಖಾತಿರ್ ವರ್ಗಣಿ ಜಮಯ್ತಾನಾ ತೆಂಯ್ ಗಲ್ಪಾಂತ್ ಅಸಲೊ ವಾವ್ರ್ ಕರ್ತಾನಾ ಸಬಾರ್ ಥರಾಂಚೊ ಅಡ್ಕಳಿ ಆನಿ ಅಣ್ಕಾಣೆಂ ಸೊಸಿಜಾಯ್ ಪಡ್ತಾ. ಹಾಚಿ ಪರ್ವಾ ಕರಿನಾಸ್ತಾನಾ ಕೊಕ್ಣಿ ಭಾಶೆ ಖಾತಿರ್ ತುಮಿ ಕಾಡ್ಚೆಂ ಮೆಟ್ ಪಳೆತಾನಾ ತುಮ್ಚಾ ಪಂಗ್ಡಾಚೊ ಅಭಿಮಾನ್ ಭೊಗ್ತಾ. ಸರ್ವ್ ಬರೆಂಪಣ್ ತುಮ್ಕಾಂ ಲಾಬೊಂ ಮ್ಹಣ್ ಮಾಗ್ತಾಂ ಆನಿ ತುಮ್ಚೊ ಇರಾದೊ ಸುಫಳ್ ಜಾಂವ್ದಿ ಮ್ಹಣ್ ಆಶೆತಾಂ ತುಮ್ಚೊ ಅಭಿಮಾನಿ
- ಆಂಡ್ರ್ಯೂ ಎಲ್ ಡಿ" ಕೂನ್ಹಾ, ಶಾರ್ಜಾ.
ಏಕ್ ಉಲೊ
ಕುವೆಯ್ಟಾಂತ್ಲಿ ಕೊಂಕ್ಣಿ ಅಭಿಯಾನ್ ಸಮಿತಿ
ಪೆಟೊಂವ್ದಿ ಕಾಳ್ಜಾಂನಿ ಕೊಂಕ್ಣೆಚೊ ವಾತಿ
ವಾವುರ್ಯಾಂ ಮೆಳವ್ನ್ ಹಾತಾಕ್ ಹಾತಿಂ
ವಾವ್ರಾಡಿ ಕೊಂಕ್ಣೆಚೆ ಸರ್ವ್ ಸಾಂಗಾತಿ
- ಸಿಜ್ಯೆಸ್ ತಾಕೊಡೆ, ಖತಾರ್
ಮ್ಹಜಾ ಕಾಳ್ಜಾನ್ ವೊಪುನ್ ಘೆತ್ಲ್ಲೆಪ್ರಕಾರ್ ಆಯ್ಚಾ ಕಾಳಾರ್ ಜರ್ತರ್, ಖರ್ಯಾಮನಾಚೊ ಕೊಂಕ್ಣಿ ವಾವ್ರ್ ಜಾತಾ ತರ್ ತೊ ಫಕತ್ ಗಲ್ಫಾಂತ್ ಮಾತ್ರ್. ಪ್ರಸ್ತುತ್ ಕೊಂಕ್ಣಿ ಪತ್ರಾಂಚಿ ಪರಿಗತ್ ಹಾಂವ್ ಸಾರ್ಕೆಂ ಸಮ್ಜಲಾಂ ದೆಕುನ್ ತುಮಿ ಸುರ್ವಾತ್ ಕೆಲ್ಲಿ ಕೊಂಕ್ಣಿ ಅಭಿಯಾನ್ ಸಮಿತಿ ಖಂಡಿತ್ ಜಾವ್ನ್ ಮಾಯ್ಗಾಂವ್ಚಾ ಕೊಂಕ್ಣಿ ಪತ್ರಿಕೋಧ್ಯಮಾಕ್ ಬರೊಚ್ ಪಾಟಿಂಬೊ ದೀಂವ್ಕ್ ಸಕ್ತಲೊ ಮ್ಹಳ್ಳೊ ಭರ್ವಸೊ ಮ್ಹಜೊ. ತುಮ್ಕಾಂ ಸರ್ವಾಂಕ್ ಉಲ್ಲಾಸ್ ಪಾಟಯ್ತಾಂ.
- ಮಿಕ್ಮ್ಯಾಕ್ಸ್, ಮಂಗ್ಳುರ್
ಮಂಗ್ಳುರ್ ಮ್ಹಾಕಾ ತುಮ್ಚಾ ಕೊಂಕ್ಣಿ ಅಭಿಯಾನ್ ಸಮಿತಿಚಾ ಎಕಾ ಸಾಂದ್ಯಾನ್ ತುಮ್ಚಾ ಕೊಂಕ್ಣಿ ಅಭಿಯಾನ್ ಸಮಿತಿವಿಶ್ಯಾಂತ್ ಸಾಂಗ್ಲಾಂಸ್ತಾಂ, ಹೊ ತುಮ್ಚೊ ವಾವ್ರ್ ನಿಜಾಯ್ಕೀ ಬರೊಚ್. ತುಮ್ಕಾಂ ಸರ್ವಾಂಕ್ ತುಮ್ಚಾ ಹ್ಯಾ ಅಭಿಯಾನಾಕ್ ಜಯ್ತ್ ಮಾಗ್ತಾಂ ಆನಿಂ ದೇವ್ ತುಮ್ಕಾಂ ಕೊಂಕ್ಣಿ ವಾವ್ರ್ ಕರ್ಚಾಕ್ ಹ್ಯಾಚ್ ಸ್ಪಿರಿತಾನ್ ದವರುಂ ಮ್ಹಣ್ ಮಾಗ್ತಾಂ
- ಆಸ್ಟಿನ್ ಪ್ರಭು, ಅಮೇರಿಕಾ
ಮೊಗಾಚಾ ಕೊಂಕ್ಣಿ ಅಭಿಯಾನ್ ಸಮಿತಿಚಾ ಸಾಂದ್ಯಾಂಕ್, ತುಮ್ಚಾ ಹ್ಯಾ ವರ್ಸಾಚಾ ಕೊಂಕ್ಣಿ ಅಭಿಯಾನಾಕ್ ಜಯ್ತ್ ಮಾಗ್ತಾಂ. ತಶೆಂಚ್ ಮ್ಹಜೊ ಸಂಪೂರ್ಣ್ ಪಾಟಿಂಬೊ ಭಾಸಾಯ್ತಾಂ. ತುಮಿಂ ತುಮ್ಚೊ ವೇಳ್, ಮಿನತ್ ಆನಿಂ ಪೊಯ್ಶೆ ಕೊಂಕ್ಣೆಖಾತಿರ್ ಘಾಲುನ್ ಕೊಂಕ್ಣೆಕ್ ಪ್ರಚಾರ್ ಕರ್ಚೆವಿಶ್ಯಾಂತ್ಲಿ ಖಬಾರ್ ಆಮ್ಕಾಂ ಆಸಾ ಆನಿಂ ಹ್ಯಾ ಖಾತಿರ್ ಆಮಿಂ ನಿಜಾಯ್ಕೀ ಸಂತೊಸ್ ಪಾವ್ತಾಂವ್. ತುಮ್ಚೆಂ ಮಿಸಾಂವ್ಯೀ ಮ್ಹಜಾ ಚಿಂತ್ಪಾಕ್ ಪಾಟಿಂಬೊ ದಿತಾ, ಆನಿಂ ತೆಂ ಚಿಂತಾಪ್ ಜಾವ್ನಾಸಾ;
ಕಸೊ ಏಕ್ ಪರ್ಗಟ್ಣಾರ್ ಕೊಂಕ್ಣಿ ಬುಕಾಂಕ್ ವಿಖುನ್ ಜಿಯೆತ್? ಕಾಂಯ್ ಕೊಂಕ್ಣೆಚಾ ಬರವ್ಪ್ಯಾಕ್ ಆಪ್ಲ್ಯಾ ಮಿನತೆಚೊ ಫಳ್ ಲಾಭತ್? ಕಶೆಂ ಕೊಂಕ್ಣೆಚೆಂ ಸಾಹಿತ್ಯಾಚಾ, ಭಾಸೆಚಾ, ವಾಡಾವಳೆಕ್ ಆಮಿಂ ಪಾಟಿಂಬೊ ದಿವ್ಯೆತ್?. ತುಮ್ಕಾಂ ಉಲ್ಲಾಸ್ ಫಾವೊ ಆನಿಂ ತುಮ್ಚಾ ಮಿಸಾಂವಾಕ್ ಜಯ್ತ್ ಮಾಗ್ತಾಂ
- ಹೇಮಾಚಾರ್ಯ, ದುಭಾಯ್
ಮೊಗಾಳ್ ಕೊಂಕ್ಣಿ ಭಾಶೆಚಾ ಅಭಿಮಾನಿಂಕ್, ಕೊಂಕ್ಣಿ ಬರವ್ಪಿ, ಕೊಂಕ್ಣಿ ವಾಚ್ಪಿ, ತಶೆಂ ಕೊಂಕ್ಣಿ ಪತ್ರಾಂ - ಹ್ಯಾ ತೀನ್ ಬಳ್ವಂತ್ ಸಹ್ತ್ಯಾಂವಿಣೆಂ ಕೊಂಕ್ಣಿ ಪತ್ರ್ಗಾರಿಕೆಚೆಂ ತಾರುಂ, ಆಯ್ಚ್ಯಾ ಜಾಗತೀಕರಣ್ ಆನಿಂ ಭುಂಯ್ಗೋಳಿಕರಣಾಚ್ಯಾ ದರ್ಯಾಂತ್ ಶಾಬೀತಾಯೆನ್ ಪಯ್ಣ್ ಕರುಂಕ್ ಸಕ್ಚೆವಿಶಿಂ ಸವಾಲಾಂಚಿಂ ಝಾಂಟಾಂ ಆಮ್ಕಾಂ ರೆಂವೊಡ್ ಘಾಲುಂಕ್ ಪುರೊ.
ಅಸಲ್ಯಾ ಎಕಾ ಗೊಂದೊಳಾ ಮಧೆಂಯ್ ಖೆವಾದೆಚಾ ಪಿಡೆನ್ ಆಮ್ಚಿ ಕೊಂಕ್ಣಿ ಆವಯ್ ಉಸ್ಮಡ್ತಾನಾ, ತಿಕಾ ಭುಜಾವಣ್ ದಿತಾಂ, ತಿಕಾ ಬರಿ ಕರ್ತಾಂ, ತಿಕಾ ಮೊರೊಂಕ್ ಸೊಡಿನಾ - ಮ್ಹಳ್ಳ್ಯಾ ಪಿಶೆಪಣಾಚೆಂ ತರಿಪುಣ್ ಕೊಂಕಣಿಚ್ಯಾ ಮಾಯಾಮೊಗಾಚೆಂ ಹಟ್ ಪೊಟ್ಲುನ್ ತುಮಿ ಜೆಂ ಅಭಿಯಾನ್ ಹ್ಯಾ ಆಧಿಂ ಕೆಲಾಂ ಆನಿಂ ಆತಾಂ ಕರುಂಕ್ ಭಾಯ್ರ್ ಸರ್ಲ್ಯಾತ್, ತಸಲ್ಯಾ ಎಕಾ ವಾವ್ರಾಕ್ ತುಮ್ಕಾಂ ಸಲಾಮ್ ಮಾರುಂಕ್ಯ್ ಹಾಂವ್ ಭೋವ್ ಲ್ಹಾನ್ ಮ್ಹಣ್ ಮ್ಹಾಕಾ ಭೊಗ್ತಾ.
ತುಮ್ಚೆಂ ಅಭಿಯಾನ್ ಯಶಸ್ವಿ ಜಾಂವ್ ಆನಿಂ ಕೊಂಕಣಿಚ್ಯಾ ಖಜಾನಾಂತ್ ಫಾಲ್ಯಾಂ ಸಕಾಳಿಂ ಕಿತೇಂಯ್ ಯೆವೆಂ ಆಯ್ಲೆಂ ತರ್ ತುಮ್ಕಾಂ ಹ್ಯಾ ಕಾಮಾಖಾತಿರ್ ತಾಂತ್ಲೊ ಥೊಡೊ ವಾಂಟೊ ಮೆಳೊಂ ಅಶೆಂ ಹಾಂವ್ ಬಾಳ್ಗಿತಾಂ. ಬರೆಂ ಮಾಗೊನ್
- ಮೆಲ್ವಿನ್ ರೊಡ್ರಿಗಸ್, ದುಭಾಯ್ ( ಕೊಂಕಣಿ ಕವಿ )
ನವೆಂಬರ್ 6
ಮಾಂಯ್ಗಾವಾಂತ್ ಸಯ್ತ್ ಇತ್ಲ್ಯಾ ಹುಮೆದಿನ್ ಕೊಂಕ್ಣೆಚೊ ವಾವ್ರ್ ಜಾಂವ್ಚೊ ಆಮ್ಕಾಂ ಕಳಿತ್ ನಾ, ತರ್ಯೀ ಹ್ಯಾ ಖಾಡಿಚಾ ಗಾಂವಾಂತ್ ಸಯ್ತ್, ಕೊಂಕ್ಣೆಚೆಂ ಕಾಮ್ ಇತ್ಲ್ಯಾ ಉರ್ಭೆನ್ ಆನಿಂ ಮಾಯಾಮೊಗಾನ್ ಕರುಂಕ್ ಮುಖಾರ್ ಆಯಿಲ್ಲ್ಯಾ ಕೊಂಕ್ಣಿ ಅಭಿಯಾನ್ ಸಮಿತಿಚಾ ಹರ್ಯೆಕಾ ಸಾಂದ್ಯಾಂಕ್ ಆಮ್ಚೆ ರಾಸ್ ರಾಸ್ ಉಲ್ಲಾಸ್.
- ಬೆಳ್ಳೆವಿಶನ್ ಗ್ಲೋಬಲ್ ಪಂಗಡ್
ಮೊಗಾಚಾ ಕೊಂಕ್ಣಿ ಅಭಿಯಾನ್ ಸಮಿತಿಚಾ ಸರ್ವ್ ಸಾಂದ್ಯಾಂಕ್, ತುಮ್ಚಾ ಮಿಸಾಂವಾಂತ್ ಕೊಂಕ್ಣೆಚೆಂ ನಂದನ್ ಜಾಂವ್, ಕೊಂಕ್ಣಿ ಭಾಸ್ ಸದಾಂಕಾಳ್ ಫುಲೊಂದಿ, ಹೆರಾಂಕ್ ಆಪ್ಲೊ ಸುವಾದ್ ಪಾಟಂವ್ದಿ ಆನಿಂ ಸಂಸಾರ್ಭರ್ ವಿಸ್ತಾರೊಂದಿ ಮ್ಹಣ್ ಮಾಗ್ತಾಂವ್.
- ಮ್ಯಾಂಗಲೋರಿಯನ್ ಡೋಟ್ ಕೋಮ್ ಪಂಗಡ್
ಕೊಂಕ್ಣಿ ಅಭಿಯಾನ್ ಸಮಿತಿಚಾ ವಾವ್ರಾಕ್ ಕೊಂಕ್ಣಿ ಸಂಸಾರಾನ್ ವಳ್ಕೊನ್ ಘೆಂವ್ಚಿ ಭೋವ್ ಗರ್ಜ್ ಆಸಾ, ಕಿತ್ಯಾಕ್ ಮ್ಹಳ್ಯಾರ್ ಆಧ್ಲ್ಯಾ ವರ್ಸಾ ಸುರ್ವಾತ್ ಜಾಲ್ಲ್ಯಾ ಹ್ಯಾ ಅಭಿಯಾನಾನ್ ಕೊಂಕ್ಣೆಕ್ ನವಿ ದಿಶಾ ದಿಲ್ಯಾ ತೆಂ ಖಂಡಿತ್. ಫಕತ್ ದೋನ್ ಮಯ್ನ್ಯಾಂ ಭಿತರ್ ದೇಡ್ ಲಾಕ್ ರುಪ್ಯಾಂಚೊ ವರ್ಗಣ್ಯೊ ಎಕ್ಟಾಂಯ್ ಕರುನ್ ಕೊಂಕ್ಣಿ ಪತ್ರಾಂಕ್ ದಿಲ್ಲೊ ಪಾಟಿಂಬೊ ಹೊಗ್ಳಿಕೆಕ್ ಫಾವೊ. ಕೊಂಕ್ಣಿ ಅಭಿಯಾನ್ ಸಮಿತಿಚಾ ಹ್ಯಾ ವರ್ಸಾಚಾ ಅಭಿಯಾನಾಕ್ ಜಯ್ತ್ ಮಾಗ್ತಾಂ ತಶೆಂಚ್ ಹಾಚಾ ಹುಮೆದಿವಂತ್, ಕಾರ್ಭಾರಿ ಮುಖೆಲ್ಯಾಂಕ್ ತಾಂಚಾ ಬರ್ಯಾ ಮನಾಕ್ ಅರ್ಗಾಂ ದಿತಾಂ.
’ಜೈ ಕೊಂಕಣಿ’
- ಲಾರೆನ್ಸ್ ಕುವೆಲೊ, ಸಂಪಾದಕ್ - ದಿವೊ
ಕೊಂಕ್ಣಿ ಅಭಿಯಾನ್ ಸಮಿತಿಚಾ ವಾವ್ರಾಕ್ ಸರ್ವ್ ಬರೆಂ ಆನಿ ಜಯ್ತ್ ಮಾಗ್ತಾಂ.
- ಡೊಲ್ಫಿ ಕಾಸ್ಸಿಯಾ, ಸಂಪಾದಕ್ - ಝೆಲೊ, ಕುರೊವ್ - ಮಂಗ್ಳುರ್
ಕೊಂಕ್ಣಿ ಅಭಿಯಾನ್ ಸಮಿತಿಚಾ ಆಧ್ಲ್ಯಾ ವರ್ಸಾಚಾ ಕಾಮಾಂಚಿ ದೇಕ್ ಘೆವ್ನ್ ಹ್ಯಾ ವರ್ಸಾಚಾ ತಾಂಚಾ ಅಭಿಯಾನಾಕ್ ಆಮ್ಚೊಯ್ ಪಾಟಿಂಬೊ ದೀಂವ್ಕ್ ಮ್ಹಾಕಾ ಭೋವ್ ಸಂತೊಸ್ ಜಾತಾ. ತುಮ್ಚೆಸವೆಂ ಕಾಮ್ ಕರುಂಕ್ ಆಮಿಂಯ್ ಹ್ಯಾ ಪಾವ್ಟಿಂ ದುಭಾಯಾಂತ್ ಕೊಂಕ್ಣೆಚೆಂ ಅಭಿಯಾನ್ ಚಲಯ್ತೆಲ್ಯಾಂವ್. ತುಮ್ಚಾ ಅಭಿಯಾನಾಚಾ ವಾವ್ರಾಕ್ ಜಯ್ತ್ ಮಾಗ್ತಾಂ. - ಮಾಯ್ಭಾಸ್ ಡೋಟ್ ಕೋಮ್ ಪಂಗಡ್ ಕೊಂಕ್ಣಿ ಅಭಿಯಾನ್ ಸಮಿತಿಚಾ ವಾವ್ರಾಕ್ ಬರೆಂ ಮಾಗ್ತಾಂ
- ಮಾ|ಬಾ|ರೊನಾಲ್ಡ್ ಡಿ’ಸೋಜ್ - ಸಹ-ನಿರ್ದೇಶಕ್, ವೈ,ಎಸ್.ಎಮ್ - ಮಂಗ್ಳುರ್
ಕೊಂಕ್ಣಿ ಭಾಸ್ ಆನಿ ಸಂಸ್ಕ್ರತಿ ಆಳ್ವೊನ್ ವೆಚಿ ಭಿರಾಂತ್ ದೊಸ್ಚ್ಯಾ ಆಯ್ಚ್ಯಾ ಸಂದಿಗ್ಧ್ ಕಾಳಾರೀ, ಸಾತ್ ದರ್ಯಾಂ ಬಾಯ್ರ್ ಮಾತ್ಯೆ ಮೊಗಾನ್ ಮಾಯ್ ಭಾಸೆಚಾ ವಾವ್ರಾಕ್ ಲಾಗ್ಲ್ಲ್ಯಾ " ಕೊಂಕ್ಣಿ ಅಭಿಯಾನ್ ಸಮಿತಿ " ಚಾ ಸರ್ವ್ ಕಾರ್ಬಾರ್ಯಾಂಕ್ ಬರೆಂ ಮಾಗ್ತಾಂ ಆನಿ ಯೇಂವ್ಕ್ ಆಸ್ಚ್ಯಾ ದಿಸಾಂನಿ ತಾಂಚೆ ನಿಸ್ವಾರ್ತಿ ಅನಿ ಪ್ರಾಮಾಣಿಕ್ ಮಿನತೆನ್ ಕೊಂಕ್ಣಿ ಮಾಯೆಚೆ ದೀಸ್ ಬರೆ ಜಾಂವ್ ಮ್ಹಣ್ ಮಾಗ್ತಾಂ.
- ಎಚ್ಚೆಮ್ ಪೆರ್ನಾಳ್, ಮುಂಬಯ್.
ಕೊಂಕ್ಣಿ ಅಭಿಯಾನ್ ಸಮಿತಿಚಾ ವಾವ್ರಾಕ್ ಲಗ್ತಿ ಜಾಲ್ಲಿಂ ಲೇಖನಾಂ
ಕೊಂಕ್ಣಿ ಅಭಿಯಾನ್ ಸಮಿತಿಕ್ ಮ್ಹಳ್ಯಾರ್ ಕಿತೆಂ?
ಕೊಂಕ್ಣಿ ಭಾಸೆಚಿ ತಶೆಂಚ್ ಕೊಂಕ್ಣಿ ಪತ್ರಾಂಚಿ ಆಯ್ಚಿ ಪರಿಗತ್ - ಲೇಖನ್
ಸ್ಪಿರಿತಾಚೊ ವಾವ್ರ್ ಖಂಡಿತ್ ಫಳ್ ದಿತಾ - ಲೇಖನ್
ಕೊಂಕ್ಣಿ ಅಭಿಯಾನ್ ಸಮಿತಿಚೊ ಎದೊಳ್ಚೊ ವಾವ್ರ್
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications