ಕವಿತಾकविताPoem
[ಸೊರ್ಯಾ ಅಮಲಾನ್ ಭರೊನ್]
ಕವಿತಾವೋಳ್
ನಾಚ್
ಸೊರ್ಯಾ ಅಮಲಾನ್ ಭರೊನ್
ಸರ್ವ್ ಆಪ್ಣಾ೦ಚ್ಯಾ೦ಕ್ ವಿ೦ಗಡ್ ಕರುನ್
ಆಶೀರ್ ವಾಟೆ೦ತ್ಲಾನ್ ಪಾವ್ಲಾಂ ಕಾಡುನ್
ಆ೦ಗಾಥಾವ್ನ್ ಮಿಟಾ ಘಾಮ್ ದೆ೦ವ೦ವ್ಚೊ೦
ವಿಚಿತ್ರ್ ನಾಚ್; ಹೊ...
ಕುಡಿಚಿ೦ ಹಾಡಾ೦ ಜರೊನ್, ಮೊಡೊನ್
ಆಸ್ಪೆತ್ರೆಚ್ಯಾ ಖಟ್ಲ್ಯಾರ್ ಲೊಳೊನ್ ಪಡೊನ್
ಹಾತಾಕ್ - ಹಾತ್ ನಾಸ್ತಾ೦, ಬೆತ್ಕಾಟಿಚೊ ಆಧಾರ್ ಘೆವ್ನ್
ಕಾಳ್ಜಾಚೆ ದಡ್ಬಡೆ ವೇಗ್ ನಾಸ್ತಾ೦ ಧಾ೦ವ್ಡಾ೦ವ್ಚೊ
ಸಾದ್ಯಾ ಜಿವನಾಚೊ ನಾಚ್ ಹೊ...
ನಾ ಕೊಲಾ - ನಾ ಮೆಲಾ, ನಾ ಬ್ರೇಕ್ - ನಾ ಗೇರ್
ನಾಂವಾಡ್ದಿಕ್ ನಾ೦ವ್ ತೆ೦ ಸ೦ಸಾರ್ಭರ್
ಆಧಿಕಾರ್ ಚಲವ್ನ್ ಬಡಾಯ್ ಉಲ೦ವ್ಚೊ
ಆಖ್ರೇಕ್ ಆಪ್ಣಾಕ್ಚ್ಚ್ ಸಕ್ಲಾ ಘಾಲ್ಚೊ
ಕಸ್ಲೊ ನಾಚ್ ಹೊ...
ಜಾತ್-ಭೇದ್, ಹಗೆ೦ ಧರುನ್
ಲಡಾಯ್ ಜಗ್ಡ್ಯಾಕ್ ಹಟ್ ಕರುನ್
ಶಿರಾ೦ನಿ ಬಳ್ ನಾ೦ ಜಾಲ್ಯಾರೀ
ಸಕ್ಲಾ ಪಡ್ತಾ೦ ಪರ್ಯಾ೦ತ್ ಝುಜೊನ್-ಥಕೊನ್
ರಗ್ತಾಳೊ ಖೆಳ್ ಖೆಳ್ಚೊ.
ನಾಚ್ ಹೊ...
ಆಖ್ರೆಕ್...
ಉಸ್ವಾಸಾಚಿ ಘಡಿ ನಿಯಾಳ್ತಾನಾ
ಚಿ೦ತ್ತಾ, ಚಿ೦ತ್ತಾ ಆನಿ ಚಿ೦ತ್ತಾ ಕಿತೆ೦ ಫಾಯ್ದೊ
ಕಿತೆ೦ಚ್ ಘೆನಾಸ್ತಾ೦... ನಿಮಾಣೆ೦...
ಎಕ್ಸುರೊ ಜಾವ್ನ್ ಸ೦ಸಾರಾಕ್ ಆದೇವ್ಸ್ ಮಾಗ್ಚೊ
ಜಿವಿತಾ ನಾಚ್ ಹೊ...
ಕವಿತಾವೋಳ್ ಅಂಕಣಾಚೆರ್ ತರ್ನ್ಯಾ ತಶೆಂಚ್ ಪರ್ನ್ಯಾ ಕವಿಂಚಾ ಕವಿತಾಂಕ್, ಅನುವಾದಿತ್ ಕವಿತಾಂಕ್ ಪರ್ಗಟ್ ಕರ್ತೆಲ್ಯಾಂವ್. ಹರ್ಯೆಕಾ ಹಫ್ತ್ಯಾಕ್ ಏಕ್ ಕವಿತಾ ಹ್ಯಾ ಅಂಕಣಾಚೆರ್ ಪರ್ಗಟ್ ಜಾತೆಲೆಂ. ತುಮ್ಚಿಂ ಕವಿತಾ ಧಾಡುಂಕ್ ವಿಳಾಸ್: info@daaiz.com
23. ನಾಚ್
ವಿನ್ಸಿ ಮೆಲ್ಕಾರ್
ಕವಿವಿಶಿಂ: ಕೊಂಕ್ಣೆಂತ್ ಆಯ್ಲೆವಾರ್ ಕವಿತಾಶೆತಾಂತ್ ಭರ್ವಶ್ಯಾಚಿಂ ಪಾವ್ಲಾಂ ಕಾಡುನ್ ಆಸ್ಚೊ ವಿನ್ಸಿ ಮೆಲ್ಕಾರ್ ದಾಯ್ಜ್ ಮಯ್ನ್ಯಾಚೊ ಕವಿ ಜಾವ್ನ್ ವಿಂಚೊನ್ ಆಯ್ಲಾ ಸಯ್ತ್. ಕವಿತಾ ವಾಚುಂಕ್, ಶಿಕೊಂಕ್, ಸಮ್ಜೊಂಕ್ ಆನಿ ಉಪ್ರಾಂತ್ ಬರಂವ್ಕ್ ಹಾಣೆಂ ಕರ್ಚಿಂ ಪ್ರಾಮಾಣಿಕ್ ಪ್ರೇತನಾಂ ಖರಿಂಚ್ ಜಾವ್ನ್ ವಾಖಣ್ಣೆಕ್ ಫಾವೊ. ಫುಡೆಂ ತಾಚೆಥಾವ್ನ್ ಬರಿಂ ಬರಿಂ ಕವಿತಾ ಯೇಂವ್ದಿತ್ ಮ್ಹಣ್ ಮಾಗ್ತಾಂ.
ಕವಿತೆಂಚಿಂ ಹೆರ್ ಅಂಕಣಾಂ
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
More in Daaiz
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.