ಕವಿತಾकविताPoem
Poem - Daaiz
ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಕವಿತಾಪಾಠ್ ಪಂಗಡ್
ಅನಿಲ್ ಮಿನೇಜಸ್, ಶಿರ್ವಾಂಜಲ್ಮಾಲ್ಲಿ
ತಾರಿಕ್: 1 ಸೆಪ್ಟೆಂಬರ್ 1968
ಕೊಂಕ್ಣಿ ಸಾಹಿತ್ಯಾಚಿ ಆಸಕ್ತ್ ಆಸ್ಚೊ ಮುಖೆಲಿ, ತಾಚಾ ಲಿಖ್ಣೆ ಥಾವ್ನ್ ಉದೆಲ್ಲಿಂ ಬರ್ಪಾಂ, ಲ್ಹಾನ್ ಕಾಣ್ಯೊ ಪತ್ರಾಂನಿ ಪರ್ಗಟ್ಲ್ಯಾತ್. ಕವಿತಾಪಾಠ್ - ಹಾಂತುಂ ಭಾಗ್ ಘೆತಾ. ಅನಿಲ್ ಏಕ್ ಬರೊ ಉಲವ್ಪಿ, ನಟ್, ಸಂಯೋಜಕ್ ತಶೆಂಚ್ ಕೊಂಕ್ಣೆಚೊ ಹುಸ್ಕೊ ಆಸ್ಚೊ ಮುಖೆಲಿ.
ಆಂಟನಿ ಮಿನೇಜಸ್, ಬೊಂದೆಲ್
ಜಲ್ಮಾಲ್ಲಿ ತಾರಿಕ್: 24 ಅಕ್ಟೋಬರ್ 1972
ಕೊಂಕ್ಣಿ ಸಾಹಿತ್ಯಾಚಿ ಆಸಕ್ತ್ ಆಸ್ಚೊ ಉರ್ಭೆವಂತ್ ನಟ್, ವಿಚಾರ್ವಂತ್ ತಶೆಂಚ್ ಸಾಹಿತ್ಯಾಚೆಂ ಅಧ್ಯಯನ್ ಕರ್ಚಿ ಉರ್ಭಾ ಆಸ್ಚೊ ಕೊಂಕ್ಣಿ ಮೊಗಿ. ಕವಿತಾಪಾಠ್ - ಹಾಂತುಂ ಕಾರ್ಯಾಳ್ ರಿತಿನ್ ಭಾಗ್ ಘೆಂವ್ಚೊ ಹೊ ಏಕ್ ಕಾಣ್ಯೆಗಾರ್/ನಟ್ಯ್ ಜಾವ್ನಾಸಾ.
ಸಿರಿಲ್ ಪೆರಿಸ್, ಬೆಂದುರ್
ಜಲ್ಮಾಲ್ಲಿ ತಾರಿಕ್: 11 ಜುಲಾಯ್ 1946
ಕೊಂಕ್ಣಿ ಸಾಹಿತ್ಯಾಚೊ ಮೋಗ್ ಆಸ್ಚೊ ಸಿರಿಲ್ ಪೆರಿಸಾನ್ ದೋನ್ ನಾಟ್ಕುಳೆ ಬರಯ್ಲ್ಯಾತ್ ತಶೆಂಚ್ ಥೊಡ್ಯಾ ನಾಟಕಾಂನಿ ಅಭಿನಯ್ ಸಯ್ತ್ ಕೆಲಾಂ. ಚಡುಣೆಂ ಪಂದ್ರಾ ಪದಾಂ ಲಿಖ್ಲ್ಯಾಂತ್ ಆನಿಂ ಕೊಂಕ್ಣಿ ಕವಿತಾಚೆಂ ಅಧ್ಯಯನ್ ಕರ್ಚಿ ಉರ್ಭಾ ಆನಿ ಆಸಕ್ತ್ ತಾಕಾ ಆಸಾ. ಕವಿತಾಪಾಠ್ - ಹಾಂತುಂ ಕಾರ್ಯಾಳ್ ರಿತಿನ್ ಭಾಗ್ ಘೆತಾ.
ಹೆನ್ರಿ ಲುವಿಸ್, ಸಾಸ್ತಾನ್
ಜಲ್ಮಾಲ್ಲಿ ತಾರಿಕ್: 18 ಅಗೋಸ್ತ್ 1964
ಕೊಂಕ್ಣಿ ವಾವ್ರಾಡಿ ತಶೆಂಚ್ ಕೊಂಕ್ಣಿ ಸಾಹಿತ್ಯಾಚೆರ್ ಆಸಕ್ತ್ ಆಸ್ಚೊ ಕೊಂಕ್ಣಿ ಮೊಗಿ, ಹಾಚಿಂ ಥೊಡಿಂ ಕೊಂಕ್ಣಿ ಕವಿತಾ ಪರ್ಗಟ್ ಜಾಲ್ಯಾಂತ್. ಕೊಂಕ್ಣಿ ಅಭಿಯಾನ್ ಸಮಿತಿ 2004 ಹಾಚೊ ಸಂಪರ್ಕ್ ಪ್ರತಿನಿಧಿ ಜಾವ್ನ್ ವಾವ್ರ್ ಕೆಲಾ, ತಶೆಂಚ್ ಕೊಂಕಣ್ ಕಲಾಕಾರ್ ಮ್ಹಳ್ಳೊ ಅಂಕಣ್ ಚಲವ್ನ್ ವರ್ತಾ.
ಐಡಾ ಡಿ’ಸಿಲ್ವಾ, ಪಾಲಡ್ಕಾ
ಜಲ್ಮಾಲ್ಲಿ ತಾರಿಕ್: 4 ದಸೆಂಬರ್ 1957
ಐಡಾ ಡಿ’ಸಿಲ್ವಾ ಕುವೆಯ್ಟಾಂತ್ ಅಪ್ಲ್ಯಾ ಸಮಾಜ್ಸೆವೆಕ್ ನಾಂವಾಡ್ದಿಕ್ ತರ್ಯೀ ಕೊಂಕ್ಣಿ ಭಾಸೆಚೊ ತಶೆಂಚ್ ಸಾಹಿತ್ಯಾಚೊ ಖರೊ ಮೋಗ್ ತಿಕಾ ಆಸಾ. ಐಡಾ ಡಿ’ಸಿಲ್ವಾನ್ ಸಭಾರ್ ಕವಿತಾ ಲಿಖ್ಲ್ಯಾಂತ್. ದಾಯ್ಜ್-ದಿವೊ ವಿಶೇಷ್ ಅಂಕೊ 2005 ಹಾಚಿ ಮುಖೆಲ್ ಸಂಯೋಜಕಿ.
ಜೋನ್ ಕೊರೆಯಾ, ಬೊಂದೆಲ್
ಜಲ್ಮಾಲ್ಲಿ ತಾರಿಕ್: 8 ಜೂನ್ 1971
ಕವಿ, ಬರವ್ಪಿ ತಶೆಂಚ್ ವಿಚಾರ್ವಂತ್. ಕೊಂಕ್ಣಿ ಕವಿತಾಂಚೆರ್ ವಿಶೇಷ್ ಆಸಕ್ತ್ ಆಸ್ಚೊ ಜೋನ್ ’ಜೊಮೆಲ್’ ಮ್ಹಳ್ಳ್ಯಾ ಲಿಖ್ಣೆನಾಂವಾರ್ ಎದೊಳ್ಚ್ ವಳ್ಕಿಚೊ ಜಾಲಾ. ದಾಯ್ಜ್ ಸಾಹಿತಿಕ್ ಸ್ಪರ್ಧೊ - 2004 ಹಾಂತುಂ ಹಾಚಾ ಎಕಾ ಕವಿತಾಕ್ ತಿಸ್ರೆಂ ಇನಾಮ್ ಲಾಭ್ಲಾಂ. ಕವಿತಾಪಾಠ್ - ಹಾಚೊ ಕಾರ್ಯಾಳ್ ಸಾಂದೊ ತಶೆಂಚ್ ಕವಿತಾಪಾಠ್ ಪಯ್ಲ್ಯಾ ಬುಕಾಚೊ ಸಹ-ಸಂಪಾದಕ್.
ಲಾರೆನ್ಸ್ ಪಿಂಟೊ, ಕೆಲರಾಯ್
ಜಲ್ಮಾಲ್ಲಿ ತಾರಿಕ್: 10 ಅಗೋಸ್ತ್ 1950
ಕವಿಯ್ ನ್ಹಯ್, ಬರವ್ಪಿಯ್ ನ್ಹಯ್, ಪುಣ್ ವಾಚ್ಪಿ, ಕೊಂಕ್ಣಿ ಭಾಸೆಚೊ ತಶೆಂಚ್ ಸಾಹಿತ್ಯಾಚೊ ಮೋಗಿ, ವಿಚಾರ್ವಂತ್. ಕೊಂಕ್ಣಿ ಕವಿತಾಂಚೆರ್ ವಿಶೇಷ್ ಆಸಕ್ತ್ ಆಸ್ಚೊ ಲಾರೆನ್ಸ್ ಪಿಂಟೊ ಕುವೆಯ್ಟಾಂತ್ ಜಾಲ್ಲ್ಯಾ ಚಡ್ತಾವ್ ಮಯ್ನ್ಯಾಳ್ಯಾ ಕಾಮಾಸಾಳಾಂನಿ, ತಶೆಂಚ್ ಕೊಂಕ್ಣಿ ಅಭಿಯಾನ್ ಸಮಿತಿಂತ್ ವಾಂಟೊ ಘೆತ್ಲಾ.
ಲತಾ ಮಿನೇಜಸ್, ಬೊಂದೆಲ್
ಜಲ್ಮಾಲ್ಲಿ ತಾರಿಕ್: 23 ಅಗೋಸ್ತ್ 1976
’ದಾಯ್ಜ್’ ಸುರ್ವಾತ್ ಜಾಲ್ಲೆ ಥಾವುನ್ ಸಂಪಾದಕೀಯ್ ಮಂಡಳಿಂತ್ ಸಕ್ರಿಯ್ ವಾವ್ರ್ ಕರುನ್ ಆಸ್ಚೆಂ ಲತಾ, ಕೊಂಕ್ಣಿ ಸಾಹಿತ್ಯಾಚೆಂ ಮೊಗಿ. ಕವಿತಾ ಶಿಕ್ಚಿ ಉರ್ಭಾ, ಆಸಕ್ತ್ ಆಸ್ಚಾ ಹಾಚಿಂ ಕವಿತಾ ಎದೊಳ್ಚ್ ಪರ್ಗಟ್ಲ್ಯಾಂತ್. ಕೊಂಕ್ಣಿ ಅಭಿಯಾನ್ ಸಮಿತಿಂತ್ ಉರ್ಭೆಂತ್ ವಾವ್ರ್ ದಿತೇಚ್ಚ್ ಆಸಾ. ಕವಿತಾಪಾಠ್ - ಹಾಂತುಂ ಕಾರ್ಯಾಳ್ ರಿತಿನ್ ಭಾಗ್ ಘೆತಾ.
ಲೆಸ್ಲಿ ನೊರೊನ್ಹಾ, ಕುಲ್ಶೇಕರ್
ಜಲ್ಮಾಲ್ಲಿ ತಾರಿಕ್: 18 ಮಾಯ್ 1968
ಲೆಸ್ಲಿ ಏಕ್ ಕೊಂಕ್ಣಿ ವಾವ್ರಾಡಿ, ಮೊಗಿ ತಶೆಂಚ್ ಕೊಂಕ್ಣಿ ಭಾಸೆಚೊ ಮೋಗ್ ಆಸ್ಚೊ ಮುಖೆಲಿ. ಕೊಂಕ್ಣಿ ಅಭಿಯಾನ್ ಸಮಿತಿ 2004 ಹಾಚೊ ಸಂಯೋಜಕ್ ಜಾವ್ನ್ ವಾವ್ರ್ ದಿಲ್ಲೊ ಲೆಸ್ಲಿ ಏಕ್ ನಟ್ ತಶೆಂಚ್ ಕಾರ್ಯೆಂ ನಿರ್ವಾಹಕ್ ಸಯ್ತ್. ಕೊಂಕ್ಣಿ ಸಾಹಿತ್ಯಾಚಿ ಅಭಿರುಚ್ ಆಸ್ಚೊ ಲೆಸ್ಲಿ ಏಕ್ ಸಂಘಟಕ್ ಜಾವ್ನಾಸಾ.
ಮೆಲ್ವಿನ್ ಜೆ. ವಾಸ್, ಕೆಲರಾಯ್
ಜಲ್ಮಾಲ್ಲಿ ತಾರಿಕ್: 2 ಫೆಬ್ರೆರ್ 1969
ಸಾಹಿತಿಕ್ ಸುರ್ವಾತ್ ಜಾವ್ನ್ ಚಡುಣೆಂ ಪಂದ್ರಾ ವರ್ಸಾಂ ಜಾಲಿಂ, ಎದೊಳ್ಚ್ ವಿಸಾಂ ವಯ್ರ್ ಮಟ್ವ್ಯೊ ಕಾಣ್ಯೊ, ಏಕ್ ಕಾದಂಬರಿ ತಶೆಂಚ್ ಥೊಡಿಂ ಕವಿತಾ ಪರ್ಗಟ್ಲ್ಯಾಂತ್. ಕೊಂಕ್ಣಿ ಕವಿತಾಂಚೆರ್ ಚಡಿತ್ ಮೊಗ್ ಆಸ್ಚಾ ಮೆಲ್ವಿನಾನ್ ಎದೊಳ್ಚ್ ಪನ್ನಾಸಾಂ ವಯ್ರ್ ಕವಿತಾ ಬರಯ್ಲ್ಯಾತ್. ಕವಿತಾಂವಿಶಿಂ ಸಮೀಕ್ಶಾ ಲೇಖನಾಂ ಬರಂವ್ಚೊ ಮೆಲ್ವಿನ್ ಕವಿತಾಪಾಠ್ - ಹಾಚೊ ಕಾರ್ಯಾಳ್ ಸಾಂದೊ ತಶೆಂಚ್ ’ದಾಯ್ಜ್’ಚೊ ಸಹ-ಸಂಪಾದಕ್ ಜಾವ್ನಾಸಾ.
ಪ್ರಿಯಾ ಸಿಕ್ವೇರಾ, ಫೆರಾರ್
ಜಲ್ಮಾಲ್ಲಿ ತಾರಿಕ್: 18 ನವೆಂಬರ್ 1979
ಕೊಂಕ್ಣಿ ಸಾಹಿತ್ಯಾಂತ್ ಪ್ರಿಯಾಚಿ ಸುರ್ವಾತ್ ಜಾಲ್ಲಿ ಆಯ್ಲೆವಾರ್ ’ಆಂಕರ್’ ಮ್ಹಳ್ಳ್ಯಾ ಕವಿತಾ ಅಂಕಣಾರ್. ಕೊಂಕ್ಣಿ ಕವಿತಾಂಚೆರ್ ವಿಶೇಸ್ ಮೋಗ್ ಆನಿಂ ಆಸಕ್ತ್ ಆಸ್ಚೆಂ ಪ್ರಿಯಾ ಕವಿತಾಪಾಠ್ - ಹಾಂತುಂ ಕಾರ್ಯಾಳ್ ಭಾಗ್ ಘೆತಾ. ಕಥೊಲಿಕ್ ಯುವ ಸಂಚಾಲನಾಂತ್ ಫಿರ್ಗಜೆಹಂತಾರ್ ತಶೆಂಚ್ ವಾರಾಡ್ಯಾ ಹಂತಾರ್ ವಾವ್ರ್ ಕರ್ನ್ ಅನ್ಭೋಗ್ ಆಸ್ಚೆಂ ಪ್ರಿಯಾ ಏಕ್ ಉಲವ್ಪಿಣ್ ಸಯ್ತ್.
ರೀನಾ ಕ್ವಾಡ್ರಸ್, ಪಾಂಗ್ಳಾ
ಜಲ್ಮಾಲ್ಲಿ ತಾರಿಕ್: 8 ಎಪ್ರಿಲ್ 1983
ಕೊಂಕ್ಣಿ ಭಾಸೆಚೊ ತಶೆಂಚ್ ಕೊಂಕ್ಣಿ ಸಾಹಿತ್ಯಾಚೊ ವಿಶೇಸ್ ಮೋಗ್ ಆಸ್ಚೆಂ ರೀನಾ ಏಕ್ ವಿಚಾರ್ವಂತ್ ಬರವ್ಪಿಣ್, ಎದೊಳ್ಚ್ ತಾಚಿಂ ಸಭಾರ್ ಬರ್ಪಾಂ ’ಪಾಂಗ್ಳಾಚೊ ಪ್ರಕಾಸ್’ ಹಾಚೆರ್ ಪರ್ಗಟ್ ಜಾಲ್ಯಾಂತ್. ಕವಿತಾಪಾಠ್ ಹಾಂತುಂ ಭಾಗ್ ಘೆತಾ ತಶೆಂಚ್ ಕವಿತಾಂಚೆರ್ ಸಮೀಕ್ಶಾ ಕರ್ಚಿ ಶ್ಯಾಥಿ ಹಾಕಾ ಆಸಾ ಮ್ಹಣೊನ್ ಎದೊಳ್ಚ್ ರುಜು ಕೆಲಾಂ.
ರೋಬರ್ಟ್ ಕ್ರಾಸ್ತಾ, ಆಗ್ರಾರ್
ಜಲ್ಮಾಲ್ಲಿ ತಾರಿಕ್: 24 ನವೆಂಬರ್ 1956
ಕೊಂಕ್ಣಿ ಸಾಹಿತ್ಯಾಚೊ ಮೋಗ್ ಆಸ್ಚಾ ರೋಬರ್ಟ್ ಕ್ರಾಸ್ತಾನ್ ತವಳ್ ತವಳ್ ಕವಿತಾ, ಚುಟುಕಾಂ, ಹಾಸ್ಯ್ ಬರ್ಪಾಂ, ಲೇಕನಾಂ ಬರಯ್ಲ್ಯಾಂತ್ ಆನಿ ಕೊಂಕ್ಣಿ ಪತ್ರಾಂನಿ ತಿಂ ಪರ್ಗಟ್ಲ್ಯಾಂತ್. ಜಿಣ್ಯೆಂತ್ ಅಪ್ಣಾನ್ ಗಳ್ಸಿಲ್ಲೊ ಅನ್ಭೋಗ್ ಕವಿತಾಚಾ ರುಪಾಂನಿ ವ್ಹಾಳಂವ್ಕ್ ರೋಬರ್ಟ್ ಖಾಯ್ಸ್ ಕರ್ತಾ. ಹೊ ಕವಿತಾಪಾಠ್ ಹಾಂತ್ಲೊ ಉರ್ಭೇಸ್ತ್ ಸಾಂದೊ.
ವಲ್ಲಿ ಕ್ವಾಡ್ರಸ್, ಅಜೆಕಾರ್
ಜಲ್ಮಾಲ್ಲಿ ತಾರಿಕ್: 23 ಜುಲಾಯ್ 1967
ಬರವ್ಪಿ, ಕವಿ, ಕಾದಂಬರಿಕಾರ್, ಅಂಕಣ್ಕಾರ್, ಪ್ರಕಾಶಕ್ ತಶೆಂಚ್ ಕೊಂಕ್ಣಿ ವಾವ್ರಾಡಿ. ಚಡುಣೆಂ 175 ಮಟ್ವ್ಯೊ ಕಾಣ್ಯೊ, 250 ವಯ್ರ್ ಕವಿತಾ, ಸ ಕಾದಂಬರಿ ಲಿಖ್ಲ್ಯಾತ್. ಆಪ್ಲ್ಯಾ ಆಶಾವಾದಿ ಪ್ರಕಾಶನಾಧ್ವಾರಿಂ ಎದೊಳ್ಚ್ ಅಟ್ರಾ ಬೂಕ್ ಪರ್ಗಟ್ಲ್ಯಾತ್. ಕೊಂಕ್ಣಿ ಅಭಿಯಾನ್ ಸಮಿತಿಚೆಂ ತಶೆಂಚ್ ಕುವೆಯ್ಟಾಂತ್ ಮಯ್ನ್ಯಾಳಿಂ ಸಾಹಿತಿಕ್ ಕಾಮಾಸಾಳಾಂ ಸ್ಥಾಪನ್ ಕೆಲ್ಲೊ. ಕವಿತಾಪಾಠ್ - ಅಸಲ್ಯಾಚ್ ಪ್ರಕಾರಾಚೆಂ ಕಾಮಾಸಾಳ್.
ವೀಣಾ ಮಿನೇಜಸ್, ಬೊಂದೆಲ್
ಜಲ್ಮಾಲ್ಲಿ ತಾರಿಕ್: 18 ನವೆಂಬರ್ 1975
ಕೊಂಕ್ಣಿ ಸಾಹಿತ್ಯಾಚೆರ್ ಆಸಕ್ತ್ ಆನಿಂ ಉರ್ಭಾ ಆಸ್ಚೆಂ ವೀಣಾ, ಕೊಂಕ್ಣಿ ಕವಿತಾಂಕ್ ಚಡ್ ಖಾಯ್ಸ್ ಕರ್ತಾ. ಕವಿತಾಪಾಠ್ - ಹಾಂತುಂ ಕಾರ್ಯಾಳ್ ರಿತಿನ್ ಭಾಗ್ ಘೆಂವ್ಚೆಂ ವೀಣಾ ಏಕ್ ಉಲವ್ಪಿಣ್, ನಟಿ ಜಾವ್ನಾಸಾ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
More in Daaiz
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.