ಕೊಲೊ

Placeholder: the original page gave this picture no description, and none has been written yet. It came from daaiz\daaiz\column\sk\sk31.asp.

ಸತಾಂ ಆನಿ ಖತಾಂ - 31. ಕೊಲೊ ಆನಿ ಭೊಕ್ರೊ

ಹೆಂ ಅಂಕಣ್ ’ರಾಕ್ಣೊ’ ಚೆರ್ ತಶೆಂಚ್ ಆಶಾವಾದಿ ಪ್ರಕಾಶನಾಚಾ ಬುಕಾರುಪಾರ್ ಪರ್ಗಟ್ ಜಾಲಾಂ.

ಎಕಾ ಸಾಂಜೆರ್ ಗಾಂವಾಕ್ ಆಯಿಲ್ಲೊ ಏಕ್ ಕೊಲೊ ಅಪ್ಣಾಕ್ ಚೋರ್ನ್ ಖಾಂವ್ಕ್ ಕಿತೆಂಯ್ ಮೆಳ್ತಾಗಾಯ್ ಮ್ಹಣೊನ್ ಸೊಧುನ್ ಆಸ್ತಾನಾಂಚ್ ಎಕಾ ಫೊಂಡಾಕ್ ಪಡ್ಲೊ. ತೊ ಫೊಂಡ್ ಹಳ್ತ್ ಗೂಂಡ್ ಆಸ್‌ಲ್ಲೊ ದೆಕುನ್ ವೆಗ್ಗಿಂ ವಯ್ರ್ ಯೇಂವ್ಕ್ ತಾಕಾ ಜಾಲೆಂನಾ. ತ್ಯಾ ಭಾಯ್ರ್ ರಾತ್ ಜೂನ್ ಜಾವ್ನ್ ಆಯಿಲಿ ಆನಿಂ ಕೊಲೊ ಫೊಂಡಾಂತ್‌ಚ್ ಉರ್ಚೆಂ ಶಾಬೀತ್ ಮ್ಹಣ್ ಲೆಕುನ್ ಥಂಯ್ಂಚ್ ಉರ್ಲೊ.

ರಾತ್ ಪಾಶಾರ್ ಜಾಲಿ ಆನಿಂ ಫಾಂತೆಂ ಜೂನ್ ಜಾವ್ನ್ ಯೆತಾನಾ ಥೊಡೆ ಬೊಕ್ರೆ ಚರೊಂಕ್ ಮ್ಹಣ್ ತ್ಯಾ ಫೊಂಡಾಲಾಗಿಂ ಆಯ್ಲೆ. ತಾಂತ್ಲೊ ಏಕ್ ಬೊಕ್ರೊ ಫೊಂಡಾಕ್ ನದರ್ ಭಂವ್ಡಾಯ್ತಾನಾ ತಾಕಾ ತೊ ಕೊಲೊ ದಿಸ್ಲೊ ಆನಿಂ ಕೊಲೊ ಬೊಕ್ರ್ಯಾಕ್ ಉದ್ದೇಶುನ್ ಮ್ಹಣಾಲೊ;

"ಬೊಕ್ರ್ಯಾ ಮಾಮಾ, ತುಕಾ ನಿಜಾಯ್ಕೀ ದೆವಾನ್ಂಚ್ ಮ್ಹಜೆಲಾಗಿಂ ಧಾಡ್ಲಾ ಎಕಾ ಆಂಜ್ ಭಡ್ವ್ಯಾಪರಿಂ, ಹಾಂವ್ ಸಗ್ಳಿ ರಾತ್ ಹಾಂಗಾಸರ್ ಸಂತೊಸಾನ್ ರಾವೊನ್ ಆಸ್ತಾನಾ ಹೊ ಸಂತೊಸ್ ವಾಂಟುನ್ ಘೆಂವ್ಕ್ ತುಜೆತಸಲ್ಯಾ ಎಕಾ ಬರ್‍ಯಾ ಮನಾಚಾಕ್ ರಾಕೊನ್ ಆಸ್‌ಲ್ಲೊಂ. ದೆಕುನ್ ಆತಾಂ ತುಂ ಆಸಾಯ್, ಯೇ, ಸಕ್ಲಾ ದೇಂವ್ ಆನಿಂ ಪಳೆ ಹಾಂಗಾ ಕಿತ್ಲೊ ಸಂತೊಸ್ ಆಸಾ ಮ್ಹಣೊನ್"

ಕೊಲ್ಯಾಚಿಂ ಉತ್ರಾಂ ಆಯ್ಕೊನ್ ಸತ್ತಿ ಬೊಕ್ರ್ಯಾಕ್ ಸಂತೊಸ್ ಜಾಲೊ, ತ್ಯಾ ಶಿವಾಯ್ ಕೊಲೊ ಎದೊಳ್ ಪರ್‍ಯಾಂತ್ ಇತ್ಲ್ಯಾ ಬರ್‍ಯಾ ಉತ್ರಾಂನಿ ಉಲಯಿಲ್ಲೊ ನಾ. ಭೋವ್ಶಾ ಕೊಲೊ ಸುಧ್ರಾಲಾ ಜಾವ್ಯೆತ್ ಮ್ಹಣೊನ್ ಬೊಕ್ರೊ ಫೊಂಡಾಕ್ ಉಡ್ಲೊ.

ಕೊಲೊ ಮುಖಾರುನ್ ಮ್ಹಣಾಲಾಗ್ಲೊ, "ಮ್ಹಕಾಯ್ ತುಜೆಪರಿಂಚ್ ಬೊಳೊ ಆನಿಂ ಖಾಲ್ತೊ ಜಾಂವ್ಕ್ ಆಶಾ ಆಸಾ, ದೆಕುನ್ ಏಕ್ ಪಾವ್ಟಿಂ ತುಜಾ ಪಾಟಿಚೆರ್ ಮ್ಹಾಕಾ ಉಭೆಂ ರಾವೊಂಕ್ ಸೊಡ್". ಬೊಕ್ರ್ಯಾನ್ ತಶೆಂಚ್ ಕೆಲೆಂ.

ಕೊಲೊ ಬೊಕ್ರ್ಯಾಚಾ ಪಾಟಿಚೆರ್ ಚಡೊನ್, ಎಕಾಚ್ ಫರಾಂ ಭಾಯ್ರ್ ಉಡಿ ಮಾರುನ್ ಧಾಂವಾಲಾಗ್ಲೊ.

ಸಂದೇಶ್: ಸಂಸಾರಾಂತ್ ಜಿಯೆಂವ್ಕ್ ಫಕತ್ತ್ ’ಸತ್’ ಆಸ್ಲ್ಯಾರ್ ಪಾವಾನಾ, ತೇಂಯ್ ಹ್ಯಾ ಕಾಳಾರ್ ಸಾಧ್ಯ್‌ಚ್ ನಾ. ಸತಾಕ್ ಜಾಯ್ ಪುರ್ತಿ ಬುಧ್ವಂತ್‌ಕಾಯ್ ಸಯ್ತ್ ಗರ್ಜೆಚಿ. ಕಿತ್ಯಾಕ್ ಮ್ಹಳ್ಯಾ ಗರ್ಜ್ ಆಸ್ತಾನಾ ಹ್ಯಾಚ್ ಕೊಲ್ಯಾಪರಿಂ ಗೊಡ್ಶಿಂ ಮೊಂವಾಚಿಂ ಉತ್ರಾಂ ಉಲಂವ್ನ್ ಗರ್ಜ್ ಜಾತೆಚ್ಚ್ ಖಚ್ರ್ಯಾಪರಿಂ ಕೊನ್ಶಾಕ್ ಲೊಟ್ಚೆ ಕೊಲೆ ಕಾಂಯ್ ಆಮ್ಚಾ ಸಮಾಜೆಂತ್ ಉಣೆಂ ನಾಂತ್.

ಆಧ್ಲ್ಯೊ ನೈತಿಕ್ ಕಾಣ್ಯೊ

ದಾಯ್ಜ್ ಪಾನಾಕ್

[ಮಿಕ್‌ಮ್ಯಾಕ್ಸ್]

[8. ವಲ್ಲಿ]

[7. ಮಾನೆಸ್ತ್]