ಖುಬೆ

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ರಾಂದ್ಪಾವೋಳ್

ದಾಯ್ಜ್ ಕುಜ್ನ್:ದಾಯ್ಜ್‌ಚೊ

ಪ್ರಮುಖ್ ಇರಾದೊ ಕೊಂಕ್ಣಿ ಸಾಹಿತ್ಯಾಚೊ ತರ್‌ಯ್ ವಾಚ್ಪ್ಯಾಂಚಾ ಪಸಂದೆಖಾತಿರ್ ಆಸಾ ಕೆಲ್ಲ್ಯಾ ದಾಯ್ಜ್ ಕುಜ್ನಾಂತ್ ಆಮ್ಚಾ ಮಾಂಯ್‌ಗಾಂವ್ಚಾ ಎಕೆಕಾಚ್ ಖಾಣಾ-ರಾಂದ್ಪಾಚೊ, ತಾಚಾ ತಯಾರಾಯೆಕ್ ಗರ್ಜೆಚ್ಯೊ ವಸ್ತು ತಶೆಂಚ್ ತೆಂ ಕಶೆಂ ರಾಂದ್ಚೆಂ ಮ್ಹಳ್ಳೆಂ ವಿವರ್ಚಾ ಇರಾದ್ಯಾನ್ ಹಿ ವೋಳ್ ಆಸಾ ಕೆಲ್ಯಾ,

ರಾಂದ್ಪಿಣ್: ಹರ್‍ಯೆಕಾ ಮಯ್ನ್ಯಾಂತ್, ತಿಚೆಂ ತಶೆಂಚ್ ಸಂಪಾದನ್ ಕೆಲ್ಲೆಂ ಹೆರಾಂಚೆಂ ಎಕೆಕ್ ನವೆಂ ರಾಂದಾಪ್ ತುಮ್ಚೆಮುಖಾರ್ ಹಾಡ್ನ್ ಯೆತೆಲೆಂ ಫೆರಾರ್ ಫಿರ್ಗಜೆಚೆಂ ಬಾಯ್ ಪ್ರಿಯಾ ಸಿಕ್ವೇರಾ. ತುಮ್ಕಾಂಯ್ ಹಾಂತುಂ ತುಮ್ಚಿಂ ರಾಂದ್ಪಾಂ ಧಾಡುಂಕ್ ಆಸಾತ್ ತರ್ ತಿಂ ತುಮಿಂ priya@daaiz.com ವಿಳಾಸಾಕ್ ಧಾಡ್ಯೆತಾ. ವಿಂಚ್ಣಾರ್ ಬರ್ಪಾಂಕ್ ಎಕ್ಟಾಂವ್ನ್ ಎಕಾ ಬುಕಾರುಪಾರ್ ಪರ್ಗಟ್ ಕರ್ಚೆಂ ಯೋಜನ್‌ಯ್ ಆಸ್ತೆಲೆಂ.

Placeholder: the original page gave this picture no description, and none has been written yet. It came from daaiz\daaiz\column\rv\rv1.asp.

ರಾಂದ್ಪಾವೋಳ್ - 1. ಖುಬೆ ಆನಿಂ ಮುಟ್ಲಿಂ [- ಪ್ರಿಯಾ ಸಿಕ್ವೇರಾ, ಫೆರಾರ್]

ಜಾಯ್ ಪಡ್ಚ್ಯೊ ವಸ್ತು:

1. 50 ಖುಬೆ
2. 1/2 ಶೇರ್ ಉಕ್ಡೊ ತಾಂದುಳ್

ಆಳೆನಾಕ್:

1. 9 ಸುಕ್ಯೊ ಮಿರ್ಸಾಂಗೊ
2. 1- 1/2 ಕುಲೆರ್ ಕನ್ಪಿರ್
3. 1/2 ಚ್ಯಾಯೆಚೆಂ ಕುಲೆರ್ ಜಿರೆಂ
4. 1/2 ಚ್ಯಾಯೆಚೆಂ ಕುಲೆರ್ ಸಾಸಾಂವ್
5. 5 ಮಿರಿಯಾಂ
6. 1/2 ಚ್ಯಾಯೆಚೆಂ ಕುಲೆರ್ ಹಳ್ದಿಚೊ ಪಿಟೊ
7. 3 ಲೊಸ್ಣಿಚ್ಯೊ ಬಿಯೊ
8. ಹಳ್ತಾಚೆ ದೋನ್ ಪಿಯಾವ್
9. ಏಕ್ ನಾರ್ಲ್

ತಯಾರ್ ಕರ್ಚಿ ರೀತ್:

ಖುಬೆ ಧುವ್ನ್, ಉಕಡ್ನ್ ಭುಂಯ್ ದವರ್. ತಾಂದುಳ್ ಧುವ್ನ್, ಏಕ್ ವೋರ್ ಬಿಜಾತ್ ಘಾಲ್ನ್ ಸುಕೆಂಚ್ ವಾಟ್. ಎಕಾದಾವೆಳಾ ಪೀಟ್ ಪಾತಾಳ್ ಜಾಲೆಂ ತರ್ ತೊಪ್ಲ್ಯಾಂತ್ ರಾಂದ್ಣಿರ್ ದವರ್ನ್ ಚಾಳ್ನ್ ಚಾಳ್ನ್ ಊಬ್ ಮಾರ್. ಭುಂಯ್ ದವರ್ನ್ ಲ್ಹಾನ್ ಮುಟ್ಲಿಂ ಕರ್.

ಉಪ್ರಾಂತ್ ತೊಂದ್ರಾಂತ್, ಮುಟ್ಲಿಂ ಉಕೊಡ್.

ಆಳೆನಾಚ್ಯೊ ವಸ್ತು ತೊವ್ಯಾರ್ ವಿಂಗಡ್ ವಿಂಗಡ್ ಘಾಲ್ನ್ ಬಾಜ್(ಏಕ್ ಪಿಯಾವ್) ಆನಿಂ ಹೆಂ ಸಗ್ಳೆಂ ಆಳೆನ್ ಗಂದ್ ವಾಟ್. ತೊಪ್ಲ್ಯಾಂತ್ ತೇಲ್ ವಾ ತೂಪ್ ರಾಂದ್ಣಿರ್ ದವರ್ನ್ ಪಿಯಾವ್ ಶಿಂದುನ್ ಘಾಲ್ನ್, ಬಾಜ್‌ಲ್ಲ್ಯಾ ಉಪ್ರಾಂತ್, ಆಳೆನ್ ಘಾಲ್ನ್, ಉದಾಕ್ ಘಾಲ್ನ್ ಆಟಾತಿ ಕಡಿ ಕರ್ನ್ ಬರೋ ಖತ್ಕತೊ ಕಾಡ್. ಮಾಗಿರ್ ಉಕೊಡ್ಲೆಲೆಂ ಮುಟ್ಲಿಂ ಘಾಲ್. ಪಾಂಚ್ ಮಿನುಟಾಂ ಉಪ್ರಾಂತ್ ಉಕೊಡ್ಲೆಲೆ ಖುಬೆ ಘಾಲ್ನ್, ರುಚಿ ತೆಕಿದ್ ಮೀಟ್ ಘಾಲ್ನ್ ಖತ್ಕತೊ ಕಾಡ್ನ್ ಭುಂಯ್ ದವರ್.

ರಾಂದ್ಪಾವೋಳ್

ದಾಯ್ಜ್ ಪಾನಾಕ್

[ಮಿಕ್‌ಮ್ಯಾಕ್ಸ್]

[8. ವಲ್ಲಿ]

[7. ಮಾನೆಸ್ತ್]