ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಭಲಾಯ್ಕೆ ದಾಯ್ಜ್[ಕೊಂಕ್ಣೆಂತ್
ಸಾಹಿತಿ ಜಾವ್ನ್ ಜಿತ್ಲೊ ಫಾಮಾದ್ಕೀ, ಹಾಡಾಂಚೊ ತಜ್ನ್ ಜಾವ್ನ್ಯೀ ತಿತ್ಲೊಚ್ ಫಾಮಾದ್. ಜಿತ್ಲ್ಯೊ ಕಾಣ್ಯಾಂನಿ ಫಾಮಾದ್ಗೀ, ತಿತ್ಲೊಚ್ಚ್ ಭಲಾಯ್ಕೆ ಲಗ್ತಿ ಜಾಲ್ಲ್ಯಾ ಲೇಖನಾಂಕ್. ಪಾಟ್ಲ್ಯಾ ವೀಸ್-ಪಂಚ್ವೀಸ್ ವರ್ಸಾಂ ಥಾವ್ನ್, ಪತ್ರಾಂನಿ ಸಭಾರ್ ಲೊಕಾಂಚ್ಯಾ ಭಲಾಯ್ಕೆಕ್ ಲಗ್ತಿ ಜಾಲ್ಲ್ಯಾ ಸವಾಲಾಂಕ್ ಪರಿಹಾರ್ ದೀವ್ನ್ ಆಯಿಲ್ಲೊ ಡಾ|ಎಡ್ವರ್ಡ್ ನಜ್ರೆತ್ ಸಾಯ್ಟಾಂನಿ ಸಯ್ತ್ ಫಾಮಾದ್. ಪ್ರಸ್ತುತ್ ಕೊಂಕ್ಣಿ ಲೇಖಕಾಂಚಾ ಎಕ್ತಾರಾಚೊ ಅಧ್ಯಕ್ಷ್ ಜಾವ್ನ್ ಕೊಂಕ್ಣಿ ವಾವ್ರ್ಯೀ ಕರುನ್ ಆಸಾ.]
ಸವಾಲಾಂ ಧಾಡುಂಕ್ ವಿಳಾಸ್: bhalaikedaaiz@gmail.com
ಡಾ|ಎಡ್ವರ್ಡ್ ನಜ್ರೆತ್
ಗುಪಿತ್ ಜಾಗ್ಯಾರ್ ಖೊರೊಜ್!
* ಹಾಂವ್ 28 ವರ್ಸಾಂ ಪ್ರಾಯೆಚಿ ಕಾಜಾರಿ ಸ್ತ್ರಿ, ಎಕಾ ಭುರ್ಗ್ಯಾಚಿ ಆವಯ್. ಮ್ಹಜೊ ಪತಿ ಪರ್ಗಾಂವಾಂತ್ ಆಸಾ. ಮ್ಹಾಕಾ ತವಳ್ ತವಳ್ ಮ್ಹಜ್ಯಾ ಲೈಂಗಿಕ್ ಭಾಗಾಂತ್ ಖೊರೊಜ್ ಸುರು ಜಾತಾ. ಹುಲೊಪ್ ವಾ ದೂಕ್ ಆಸಾನಾ. ಖೊರೊಜ್ ಮಯ್ನ್ಯಾಚ್ಯಾ ಸರ್ವ್ ದಿಸಾಂನಿ ಆಸಾನಾ. ಮಾಸಿಕ್ ಸ್ರಾವ್ ಜಾಲ್ಲೆ ವೆಳಾರ್ ಖೊರೊಜ್ ಚಡ್ ಆಸ್ತಾ. ಹಾಂವೆ ಎಕಾ ಸ್ತ್ರಿಪಿಡೆಣ್ಚ್ಯಾ ದಾಕ್ತೆರ್ನಿಕಡೆ ದಾಕಾವ್ನ್ ವಕತ್ ಹಾಡ್ಲೆಂ. ತಿಣೆಂ ಮ್ಹಜ್ಯಾ ಪತಿನ್ಯಿ ವಕತ್ ಘೆಜೆ ಮ್ಹಣ್ ಸಾಂಗ್ಲ್ಲೆಂ, ಪೂಣ್ ತೊ ಪರ್ಗಾಂವಾಂತ್ ಆಸಾ ದೆಕುನ್ ತಾಣೆಂ ವಕತ್ ಘೆಂವ್ಕ್ ನಾ. ತ್ಯಾ ವಕ್ತಾಂತ್ ಖೊರೊಜ್ ಉಣಿ ಜಾಲ್ಲಿ ನಾ. ಹಾಂವೆಂ ಕಿತೆಂ ಕರುಂಕ್ ಜಾಯ್? ಹ್ಯಾ ಖೊರ್ಜಿವರ್ವಿಂ ಕಿತೆಂಯ್ ಸಮಸ್ಸೊ ಆಸಾ? ಖೊರೊಜ್ ಆಸ್ತಾನಾ ಲೈಂಗಿಕ್ ಎಕ್ವಟ್ ಕೆಲ್ಯಾರ್ ಸಮಸ್ಸೊ ಮ್ಹಜ್ಯಾ ದಾದ್ಲ್ಯಾಕ್ ಬದ್ಲೊಂಕ್ ಸಾಧ್ಯ್ ಆಸಾ? ಹಾಂವೆಂ ಅಡೇಜ್ ವರ್ಸಾ ಪಯ್ಲೆಂ ಗರ್ಬ್ನಿರೋದಕ್ ಇಂಜೆಕ್ಷನ್ ಘೆತ್ಲ್ಲೆಂ. ತೀನ್ ಮಯ್ನ್ಯಾಂಚ್ಯಾ ಆವ್ದೆಕ್ ಮ್ಹಣ್ ದಿಲ್ಲೆಂ. ಹಿ ಖೊರೊಜ್ ತ್ಯಾ ಇಂಜೆಕ್ಶನಾವರ್ವಿಂ ನ್ಹಯ್ಮೂ?
-£ÁAªï,UÁAªï £ÁPÁ. UÁAªï £ÁPÁ
ಸ್ತ್ರಿಯಾಂ ಥಂಯ್ ಲೈಂಗಿಕ್ ಭಾಗಾಂನಿ ಖೊರೊಜ್ ಸಾಮಾನ್ಯ್ ವಿರಾರಾಯೆಚೊ ಸಮಸ್ಸೊ. ತುಜೆಪರಿಂಚ್ ಜಾಯಿತ್ತ್ಯಾಂ ಥಂಯ್ ಹೊ ಸಲೀಸಾಯೆನ್ ಗೂಣ್ ಜಾಯ್ನಾ; ಸಮಸ್ಸೊ ಆಸಾ ಮ್ಹಣ್ ಉಗ್ತ್ಯಾನ್ ಹೆರಾಂ ಕಡೆ ಉಚಾರ್ನ್, ಥೊಡೆಪಾವ್ಟಿಂ ದಾಕ್ತೆರಾಂ ಕಡೆ ಸಾಂಗೊನ್ ಸಲಹಾ ವಿಚಾರುಂಕ್ಯಿ ಬರೆಂ ಜಾಯ್ನಾ. ಅಶೆಂ ಜಾಲ್ಲ್ಯಾನ್ eನಕಾಂಗ್ ಭಾಗಾಚೆ ಭೊಂವ್ತಿಂ ಖೊರ್ಜಿಚೊ ಸಮಸ್ಸೊ ಲಾಂಬ್ಕಾಳ್ ದೊಶಿ ದೀವ್ನ್ ಉರತ್. ಜೊಕ್ತ್ಯಾ ದಾಕ್ತೆರಾಂಥಾವ್ನ್ ವೆಳಾರ್ ಚಿಕಿತ್ಸಾ ಘೆತ್ಲ್ಯಾರ್ ಸಮಸ್ಸೊ ಪರಿಯಾರ್ ಜಾವ್ಯೆತಾ.
ಚಡ್ತಾವ್ ಜಣಾಂ ಥಂಯ್ ನೆಸ್ಚ್ಯಾ ಭಿತರ್ಲ್ಯಾ ವಸ್ತ್ರಾಂಕ್ ವಾ ತ್ಯಾ ಸುವಾತೆಕ್ ಲಾಂವ್ಚ್ಯಾ ಮುಲಾಮ್, ಪೌಡರ್, ಸಾಬು ತಸಲ್ಯಾ ವಸ್ತುಂಕ್ ಎಲರ್ಜಿ ಉಬ್ಜೊನ್ ತೆಂಚ್ ಖೊರೊಜ್ ಉರೊಂಕ್ ಕಾರಣ್ ಆಸ್ಯೆತಾ. ಪರತ್ ಪರತ್ ತಸಲೆ ವಸ್ತು ಲಾಯಿಲ್ಲ್ಯಾನ್ ಕಾತಿಚೆರ್ ಶಾಶ್ವತ್ ಮ್ಹಣ್ಚೆತಸಲೆ ಬದ್ಲಾಪ್ ಜಾವ್ನ್ ಸಮಸ್ಸೊ ಪರ್ನ್ಯಾರ್ ಪಡತ್.
ಕುಡಿಚ್ಯಾ ಹೆರ್ ಖಂಚ್ಯಾಯ್ ಭಾಗಾಪರಿಂಚ್, ಲೈಂಗಿಕ್ ಭಾಗಾಂಚೆ ಕಾತಿರ್ಚ್ ಸಮಸ್ಸೊ ಆಸೊನ್ ತೆವರ್ವಿಂ ಖೊರೊಜ್ ಉಬ್ಜೊಂಚಿ ಸಾದ್ಯತಾಯ್ ಆಸಾ.
ಥೊಡ್ಯಾ ಸ್ತ್ರಿಯಾಂ ಥಂಯ್ ಜನಕಾಂಗ್ ಭಾಗಾಚೆ ಭಿತರ್ ಇಸ್ಟ್ ಜಾತಿಚ್ಯಾ ವಾ ಮೊನಿಲಿಯಾ ಜಾತಿಚ್ಯಾ ಕ್ರಿಮಿಂ ಥಾವ್ನ್ ಸಮಸ್ಸೊ ಉಬ್ಜೊನ್ ತೆವರ್ವಿಂ ಖೊರೊಜ್ ಆಸ್ಯೆತಾ. ಖೊರೊಜ್ ಆಸ್ಚೆ ಸಾಂಗಾತಾ ಜನಕಾಂಗ್ ಭಾಗಾ ಥಾವ್ನ್ ದೃವ್ಯ್ ಪಾಜಾರ್ಚೆಂ ವಾ ದೃವ್ಯಾಂತ್ ಲ್ಹಾನ್ ಲ್ಹಾನ್ ಧೊವೆ (ಪಾಡ್ ಜಾಲ್ಲ್ಯಾ ಧಂಯಾ ಸಾರ್ಕೆ) ವಸ್ತು ಆಸ್ಚೆಂ ಇಸ್ಟ್ ವಾ ಮೊನಿಲಿಯಾ ಸಮಸ್ಸ್ಯಾಚಿಂ ಖುಣಾಂ ಜಾವ್ನಾಸ್ಯೆತ್. ಅಶೆಂಚ್ ಟ್ರಯ್ಕೋಮೊನಸ್ ಮ್ಹಳ್ಯಾ ಲ್ಹಾನ್ ಜಿವಿ ಥಾವ್ನ್, ಥರಾವೋಳ್ ಬೆಕ್ಟಿರಿಯಾಂ ಥಾವ್ನ್, ಫಂಗಸ್ ಜಾತಿಚ್ಯಾ ಕ್ರಿಮಿಂ ಥಾವ್ನ್ ಜನಕಾಂಗಾಂತ್ ಹುಲೊಪ್ ಉಬ್ಜೊನ್ ಖೊರೊಜ್ ಆಸ್ಯೆತಾ. ಸ್ತ್ರಿಯೆಥಂಯ್ ಲೈಂಗಿಕ್ ಭಾಗಾಚೆ ಭಿತರ್ ಚಡ್ತಾವ್ ಭಾಗಾಂತ್ ಸ್ಪರ್ಶ್ ಸಂವೇದ್ ನಾ(ಆಪಡ್ಲೆಲೆಂ ಕಳಿತ್ ಜಾಯ್ನಾ). ತಶೆಂ ಜಾಲ್ಲ್ಯಾನ್ ಪರಿಣತ್ ದಾಕ್ತೆರಾಂನಿ ತಪಾಸ್ಣಿ ಕೆಲ್ಲೆ ಶಿವಾಯ್ ಭಿತರ್ಲ್ಯಾನ್ ಆಸ್ಚೊ ಸಮಸ್ಸೊ ಕಳಿತ್ ಜಾಯ್ನಾ.
ಮೊನಿಲಿಯಾ ವಾ ಟ್ರಯ್ಕೊಮೊನಸ್ ಸಮಸ್ಸೊ ಆಸ್ಲ್ಲ್ಯಾ ಲೈಂಗಿಕ್ ಥರಾನ್ ಕ್ರಿಯಾತ್ಮಕ್ ಸ್ತ್ರಿಯೆಥಾವ್ನ್ ಸಮಸ್ಸೊ ತಿಚ್ಯಾ ದಾದ್ಲ್ಯಾಕ್ ಲಾಗೊನ್ ತಾಕಾಯ್ ಲೈಂಗಿಕ್ ಭಾಗಾಂನಿ ಖೊರೊಜ್ ಆಸ್ಯೆತ್. ಹೆ ಪಾಸತ್ ಜೊಡ್ಯಾಂಥಂಯ್ ಕೊಣಾ ಎಕ್ಲ್ಯಾನ್ ಮಾತ್ರ್ ಚಿಕಿತ್ಸಾ ಘೆತ್ಲ್ಯಾರ್ ಸಮಸ್ಸೊ ಪರಿಯಾರ್ ಜಾಯ್ನಾ, ಪರತ್ ಪರತ್ ಯೆವ್ಯೆತಾ. ಪೂಣ್ ತುಜೆಪರಿಂ ಆಸ್ಚ್ಯಾ ದಾದ್ಲೊ ಸಾಂಗಾತಾ ನಾತ್ಲ್ಲ್ಯಾ ಜೊಡ್ಯಾಂನಿ, ದಾದ್ಲ್ಯಾನ್ ಚಿಕಿತ್ಸಾ ಘೆಂವ್ಚಿ ಗರ್ಜ್ ಆಸಾನಾ. ತುಕಾ ಖೊರೊಜ್ ಮಾತ್ರ್ ಆಸೊನ್, ದೃವ್ಯ್ ಪಾಜಾರಿನಾ ತರ್ ಮೊನಿಲಿಯಾ ವಾ ಹೆರ್ ಜಿವಿಂ ಥಾವ್ನ್ ಸಮಸ್ಸೊ ನ್ಹಯ್ ಆಸ್ಯೆತ್. ಖೊರೊಜ್ ಹೆರ್ ಕಾರಣಾಂನಿ ತರ್ಯಿ ದಾದ್ಲ್ಯಾನ್ ಚಿಕಿತ್ಸಾ ಘೆಂವ್ಚಿ ಗರ್ಜ್ ಆಸಾನಾ.
ಥೊಡ್ಯಾ ಸ್ತ್ರಿಯಾಂ ಥಂಯ್ ಅನ್ಕಿಟೆಂತ್ ವಸ್ತಿ ಕರ್ಚೆ ಸುತಾ ಕಿಡಿ (ಪಿನ್ವರ್ಮ್) ಹಾಗ್ಣೆಥಾವ್ನ್ ಜನಕಾಂಗಾಕ್ ಪ್ರವೇಶ್ ಜೊಡ್ನ್ ಥಂಯ್ ಖೊರೊಜ್ ಉಬ್ಜೊಂಕ್ ಕಾರಾಣ್ ಜಾತಿತ್.
ಅಶೆಂ ಲೈಂಗಿಕ್ ಭಾಗಾಂಚೆ ಭೊಂವ್ತಿ ಖೊರೊಜ್ ಉಬ್ಜೊಂಕ್ ಆನಿ ಉರೊಂಕ್ ಥರಾವೋಳ್ ಕಾರಣಾಂ ಆಸ್ತಾತ್. ಸ್ವಶ್ಟ್ ಕಾರಣ್ ಕಿತೆಂ ತೆಂ ಪತ್ತೊ ಕರ್ನ್ ಚಿಕಿತ್ಸಾ ದಿಲ್ಯಾರ್ ಸಮಸ್ಸೊ ಪರಿಯಾರ್ ಜಾವ್ಯೆತಾ. ಚಿಕಿತ್ಸೆ ಖಾತಿರ್ ಪಯ್ಲೆಂ ಕಾತಿಚ್ಯಾ ಪರಿಣತ್ ದಾಕ್ತೆರಾಂಚಿ ಸಲಹಾ ಘೆತ್ಲ್ಲಿ ಬರೆಂ. ಸ್ತ್ರಿಯೆಂಚ್ಯಾ ಪಿಡೆಂಚ್ಯಾ ದಾಕ್ತೆರಾ(ಗಾಯ್ನಕೊಲೊಜಿಸ್ಟಾ)ಕಡೆ ಕಾತಿಚ್ಯಾ ಸ್ಪೆಶಲಿಸ್ಟಾನ್ ಸುಚನ್ ದಿಲ್ಯಾರ್ ಸಲಹಾ ವಿಚಾರುಂಕ್ ವಚ್ಯೆತ್. ತುವೆಂ ಅಡೇಜ್ ವರ್ಸಾಂ ಪಯ್ಲೆಂ ಘೆತ್ಲ್ಲ್ಯಾ ಇಂಜೆಕ್ಷನಾಕ್ ಆನಿ ಆತಾಂ ಖೊರೊಜ್ ಆಸ್ಚ್ಯಾಕ್ ಲಗ್ತಿ ಆಸ್ಚಿ ನಾ.
ಖೊರೊಜ್ ಆಸ್ಲ್ಲ್ಯಾಂನಿ ಕೃತಕ್ ಸುತಾ ಬದ್ಲಾಕ್ ಕಾಪ್ಸಾಥಾವ್ನ್ ತಯಾರ್ ಕೆಲ್ಲಿಂ ಭಿತರ್ ನೆಸ್ಚಿಂ ವಸ್ತ್ರಾಂ ವಾಪಾರ್ಚೆಂ ಬರೆಂ. ಖೊರೊಜ್ ಆಸ್ಚ್ಯಾ ಸುವಾತೆರ್ ದಾಕ್ತೆರಾಚಿ ಸಲಹಾ ನಾಸ್ತಾಂ ಕಿತೆಂಯ್ ಕ್ರೀಮ್, ಪೌಡರ್ ಲಾಗೊಂವ್ಕ್ ನಜೊ. ಡೆಟ್ಟೊಲ್ ವಾ ಹೆರ್ ಕಿತೆಂಯ್ ವಾಪಾರ್ನ್ ಧುಂವ್ಕ್ ನಜೊ. ಖೊರೊಜ್ ಆಸ್ಲ್ಲ್ಯಾಂನಿ ಬಾತ್ಟಬ್ಬಾಂತ್ ಬಸೊನ್ ನ್ಹಾಂವ್ಚೆ ನ್ಹಯ್. ಶವರ್ ವಾಪಾರ್ನ್ (ವಾ ಉದಕ್ ಕಾಡ್ನ್) ನ್ಹಾವ್ಯೆತ್. ಜನಕಾಂಗ್ ಭಾಗಾಂಚೆ ಭೊಂವ್ತಿ ವಾಪಾರ್ಚ್ಯಾ ಸಾಬಾವಿಶಿಂ ಗುಮಾನ್ ದಿಂವ್ಚೆಂ. ಚಡ್ ರಾಸಾಯನಿಕಾಂ ನಾಸ್ಚೆ ಸಾಬು ವಾಪಾರ್ಲ್ಯಾರ್ ಬರೆಂ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
