ಕೆಲೆಂಡರಾಂ:-

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

"ಆಧ್ಯಾತ್ಮಿಕ್ ಚಿಂತಾಪ್ ಖಂಚ್ಯಾಯ್ ಧರ್ಮಾಕ್ ಲಗ್ತಿ ಜಾಲ್ಲೆಂ ನ್ಹಯ್ ಪುಣ್ ಸರ್ವ್ ಧರ್ಮಾಂಚೆಂ ಮೂಳ್" - ಆವಾ

ಭಾವಾಡ್ತಾ ದಾಯ್ಜ್[ಕೊಂಕ್ಣೆಂತ್

ಮಾ|ಜೋರ್ಜ್ ಒಲಿವೆರಾಚಿ ವಳೊಕ್ ಚಡ್ತಾವಾಂಕ್ ಆಸ್ಚಿನಾ. ಸೆವಕ್ ಪತ್ರಾಚೊ ಆಧ್ಲೊ ಸಂಪಾದಕ್ ಜಾವ್ನ್ ವಾವ್ರ್ ಕೆಲ್ಲೊ ಹೊ ಪ್ರಸ್ತುತ್ ಕಾಪುಚಿನ್ ಮೆಳಾಚ್ಯಾ ಇಂಗ್ಲಿಶ್ ಪತ್ರಾಚೊ ಸಂಪಾದಕ್ ಜಾವ್ನಾಸಾ. ಸದ್ದ್ಯಾಕ್ ಮಯ್ಸೂರಾಂತ್ ಯಾಜಕೀ ಸೆವಾ ಭೆಟವ್ನ್ ಆಸ್ಚೊ ಹೊ ಏಕ್ ಕೊಂಕ್ಣಿ ಬರವ್ಪಿ, ಕವಿ ಆನಿ ಚಿಂತ್ಪಿ. ಸಭಾರ್ ಸಾಹಿತಿಕ್ ಸ್ಪರ್ಧ್ಯಾಂನಿ ಇನಾಮಾಂ ಜೊಡ್‌ಲ್ಲೊ, ಹ್ಯಾ ಅಂಕಣಾಂತ್ ತವಳ್ ತವಳ್ ಆಧ್ಯಾತ್ಮಿಕ್ ಚಿಂತ್ಪಾಚ್ಯಾ/ಭಾವಾಡ್ತಾಕ್ ಲಗ್ತಿ ಜಾಲ್ಲ್ಯಾ ವಿಚಾರಾಂಕ್ ಆಟಾಪ್ಚಿಂ ಲೇಖನಾಂ ಬರಯ್ತಲೊ - ಪುಣ್ ಹೆಂ ಅಂಕಣ್ ಶೆರ್ಮಾಂವಾಂಚೆಂ ಭಿಲ್ಕುಲ್ ನ್ಹಯ್ ಮ್ಹಳ್ಳೆಂ ಆಧ್ಯಾತ್ಮಿಕ್ ಸಾಹಿತ್ಯಾಕ್ ವಳ್ಕತೆಲ್ಯಾಂಕ್ ಜರೂರ್ ಸಮ್ಜಾತೆಲೆಂ.]

Placeholder: the original page gave this picture no description, and none has been written yet. It came from daaiz\daaiz\column\bvd\bvd10.asp.

ತುಮ್ಚಿಂ ಸವಾಲಾಂ/ವಿಚಾರ್ ಧಾಡುಂಕ್ ವಿಳಾಸ್: info@daaiz.com

ಮಾ|ಜೋರ್ಜ್ ಒಲಿವೆರಾ

ನವ್ಯಾ ವರ್ಸಾಕ್ ನವಿಂ ಪ್ರೇರಣಾಂ

ನವ್ಯಾ ವರ್ಸಾಕ್ ನವಿಂ ಕೆಲೆಂಡರಾಂ:-

ಅದ್ಲೆಂ ಕೆಲೆಂಡರ್ ಕಾಡುನ್ ಅಮಿ ನವಿಂ ಕೆಲೆಂಡರಾಂ ವಾಪರುಂಕ್ ಅಮಿ ತಯಾರ್ ಜಾಲ್ಯಾಂವ್. ನವಿ ಡಾಯ್ರಿ ವಾಪರುಂಕ್ ಅಯ್ತೆ ಜಾತಾನಾ, ಪರ್ನ್ಯೊ ಡಾಯ್ರಿ ಅಮಿ ಮೆಜಾ ಯಾ ಬೂಕಾ ಫಾಯ್ಲಾ ಮಧೆಂ ದವರ್ಲ್ಯಾತ್. ಅನಿ ಪರ್ತ್ಯಾನ್ ತ್ಯೊ ವಾಪರ್ಚೊ ಗರ್ಜೆ ವೆಳಾರ್ ಮಾತ್ರ್. ಪರ್ನಿ ಪ್ಲ್ಯಾನರಾ ಭಿತರ್ ದವ್ರುನ್ ಅಮಿ ನವೆಂ ಪ್ಲ್ಯಾನರ್ ಮೆಜಾರ್ ದವ್ರುನ್ ಟೈಮ್-ಮ್ಯಾನಜ್ಮೆಂಟ್ ತಯಾರ್ ಕರುಂಕ್ ಅಯ್ತೆಂ ಜಾಲ್ಯಾಂವ್. ನವಿ ವೇಳ್-ಘಡಿ, ನವೊ ದೀಸ್, ನವೊ ಹಪ್ತೊ, ನವೆಂ ವರ್ಸ್ ಸರ್ವ್ ಅಮ್ಚೆಂ ಜೀವನ್ ನವೊ ಕರುಂಕ್ ದೆವಾನ್ ದಿಲ್ಲೊ ಏಕ್ ಬರೊ ಅವ್ಕಾಸ್.

ವೇಳ್ ವಿವಿಧ್ ಅರ್ಥ್:-

ವಿವಿಧ್ ಅರ್ಥಾನ್ ವಿವಿಧ್ ಧರ್ಮ್ ವೇಳ್-ಕಾಳ್ ಉಲ್ಲೇಖ್ ಕರ್ತಾ. ಹಿಂದು, ಜೈನ್, ಬೌಧ ಧರ್ಮಾಂತ್ ವೇಳ್ ಎಕ್ ರೊಧಾ ಬಾಶೆನ್ ಘುಂವೊನ್ ಅಸಾ. ವೇಳಾಕ್ ಸುರು ನಾ, ಅಕೇರ್ ನಾ. ಸಂಸಾರಾಚೆಂ ಸುರು ಸೃಷ್ಟಿ, ಅನಿ ಸಂಸಾರಾಚೆಂ ಅಂತ್ಯ್ ಪ್ರಳಯ್ ಮ್ಹಣ್ ಉಲ್ಲೇಖ್ ಕರ್ತಾತ್. ಅಸಲೊ ಸಬಾರ್ ಸಂಸಾರ್ ಯೇವ್ನ್-ವೆತಾ. ವೇಳಾಕ್ ಸುರು ಯಾ ಅಂತ್ಯ್ ನಾ, ತೆಂ ರೊಧಾ ಬಾಸೆನ್ ಘುಂವೊನ್ ಅಸಾ. ಸರ್ವ್ ಲೊಕಾಂಕ್ ಹೊ ಸಂಸಾರ್ ಏಕ್ ಬಂಧಡ್ ಜಾವ್ನಾಸಾ. ಬರೆಂ ಕರುನ್ ಅನಿ ವಾಯ್ಟ್ ಸಾಂಡುಕ್ ಸದಾಂ ಪ್ರಯತ್ಯ್ ಕೆಲ್ಯಾರ್, ಹಿಂದು, ಜೈನ್ ಅನಿ ಬೌಧ ಲೊಕಾಂಕ್ ಹ್ಯಾ ಸಂಸಾರಾ ಥಾವ್ನ್, ಮುಕ್ತ್, ನಿರ್ವಾಣ, ಅರಿಹಂತ್ ಅಸಾ. ವೇಳಾ-ಕಾಳಾ ರೊಧಾ ಥಾವ್ನ್ ಸುಟ್ಕಾ ತಾಂಕಾಂ ಜಿವಿತಾಚಿ ಸುಟ್ಕಾ ಜಾವ್ನಾಸಾ.

ಕ್ರಿಸ್ತಾಂವ್, ಜುದೆವ್ ಅನಿ ಮುಸ್ಲಿಮ್ ಲೊಕಾಂಕ್ ವೇಳ್ ಏಕ್ ಲಾಂಬ್ ಲಾಯ್ನಾ ಬಾಶೆನ್. ವೇಳಾ-ಕಾಳಾಚೊ ಸುರ್ವಾತ್ ದೇವ್ ಅನಿ ವೇಳಾ-ಕಾಳಾಚೊ ಅಂತ್ಯ್ ದೇವ್. ಸಂಸಾರಾಚಿಂ ಪಯಿಲ್ಲಿ ಘಡಿ, ಸಂಸಾರಾಚೆಂ ರಚನ್, ದೇವಾಚ್ಯಾ ಸ್ವಂತ್ ಖುಶೆ ವರ್ವಿಂ, ಸಂಸಾರ್ ದೇವ್ ಸಾಂಬಾಳುನ್ ವರ್ತಾ, ಸಂಸಾರ್ ತೊ ರಾಕ್ತಾ, ಸಂಸಾರ್ ದೆವಾಚೆರ್ ಹೊಂದೊನ್ ಅಸಾ. ಸಂಸಾರಾಚೊ ಶೆವೊಟ್ ದೇವ್ ಜಾವ್ನಾಸಾ. ಕ್ರಿಸ್ತಾಂವ್ ಸಮ್ಜೊಣಿ ಪ್ರಕಾರ್ ವೇಳ್-ಕಾಳ್ ಭರುನ್ ಯೆತಾನಾ, ಸೊಮಿ ಜೆಜು ಹ್ಯಾ ಸಂಸಾರಾಂತ್ ಮನ್ಶ್ಯಾರೂಪಿ ಅಯ್ಲೊ. ತಾಚ್ಯಾ ಜನನಾ-ವರ್ವಿಂ ಚರಿತ್ರಾ ಕ್ರಿಸ್ತಾಪೂರ್ವ ಅನಿ ಕ್ರಿಸ್ತಾಶಕ ಅಸೆಂ ದೊನ್ ಭಾಗ್ ಜಾವ್ನ್ ವಿಂಗಡ್ ಜಾಲಿ, ಜೆಜು ಜನನ ಪಯಿಲ್ಲೊ ಕಾಳ್, ಕ್ರಿಸ್ತ್ ಪೂರ್ವ್ ಕಾಳ್, ಕ್ರಿಸ್ತ್ ಜನನ ಉಪ್ರಾಂತ್ಲೊ ಕಾಳ್ ಕ್ರಿಸ್ತ್ ಶಕ್ ಕಾಳ್. ಅಮ್ಚ್ಯಾ ಚರಿತ್ರೆಂತ್ ದೆವಾಕ್ ಹುಸ್ಕೊ ಅಸಾ, ತೊ ಅಮ್ಚ್ಯಾ ಚರಿತ್ರೆಕ್ ಅರ್ಥ್ ದಿತಾ, ಅಮ್ಚ್ಯಾ ಚರಿತ್ರೆಂತ್ ಬರೆಂಪಣ್, ಅಧಾರ್, ಮಜತ್, ಸಸಾಯ್, ಸೊಡ್ವಣ್ ಪಾಟಯ್ತಾ. ಇಸ್ಲಾಂ ಚರಿತ್ರಾ ಸುರು ಜಾಂವ್ಚಿ ಪ್ರವಾದಿ ಮಹಮ್ಮದ್ ಮೆಕ್ಕಾ ಥಾವ್ನ್ ಮೆದಿನಾಕ್ ಪಯ್ಣ್ ಅರಂಭ್ ಕೆಲ್ಲ್ಯಾ ಮುಖಾಂತ್ರ್. ಹೆಂ ಘಡಿತ್ ಘಡುಲ್ಲೆಂ ಜುಲೈ 16, ಕ್ರಿಸ್ತ್ ಶಕ್ 622 ಇಸ್ವೆಂತ್. ತಾಂಚ್ಯಾ ಕೆಲೆಂಡರಾಕ್ ಲ್ಯಾಟಿನ್ ಬಾಶೆಂತ್ ಅನ್ನೊ ಹಜಿರೆ ಮ್ಹಣ್ ಉತ್ರಾಯ್ತಾತ್. ಹಾಚೊ ಅರ್ಥ್ ಯಾತ್ರ್ ಅರಂಭ್ ಜಾಲ್ಲೆಂ ವರಸ್. ಜುದೆವಾಚ್ಯಾ ಸಮ್ಚಣೆಂ ಪ್ರಕಾರ್ ದೊನ್ ಕಾಳ್ ಅಸಾತ್. ಅತಾಂಚೊ ಕಾಳ್ ಅನಿ ಮುಕ್ಲೊ ಕಾಳ್. ಅತಾಂಚೊ ಕಾಳ್ ರಚನೆವರ್ವಿಂ ಸುರು ಜಾಲಾ. ಅತಾಂಚ್ಯಾ ಕಾಳಾ ಅನಿ ಮುಕ್ಲ್ಯಾ ಕಾಳಾ ಮಧೆಂ ಏಕ್ ಸೊಮ್ಯಾಚೊ ದೀಸ್ ಅಸಾ. ತೊ ಜಾವ್ನಾಸಾ ಸೊಮಿ ಅಮ್ಚ್ಯಾ ಮದೆಂ ಯೆಂವ್ಚೊ ದೀಸ್. ಅಮ್ಚ್ಯಾ ಝಡ್ತೆಚೊ ದೀಸ್. ತಾಚ್ಯಾ ನಂತರ್ ಮುಕ್ಲೊ ಕಾಳ್ ಸುರು ಜಾತಾ.

ಸಂಸಾರಾಚೆಂ ವರ್ತೆಂ ನವಾಲ್:-

ಸಂಸಾರಾಚ್ಯಾ ಸರ್ವ್ ಸಂಗ್ತಿಂ ಮದೆಂ: ಚಡ್ ಲಾಂಬ್ ತಸೆಂ ಚಡ್ ಮಟ್ವೆಂ; ಚಡ್ ವೇಗಾನ್ ತಸೆಂ ಚಡ್ ನಿಧಾನ್; ಚಡ್ ವಿಭಾಗ್ ಕರುಂಕ್ ಸಕ್ಚಿ ಪೂಣ್ ಅನಿಕೀ ಚಡ್ ಲಾಂಬ್ ಅಸ್ಚಿ; ಸಕ್ಟಾನೀ ನೆಗಾರ್ ಕರ್ಚಿ, ನಂತರ್ ಸಕ್ಟಾನೀ ವಿಷಾಧ್ ಪಾಂವ್ಚಿ; ಹೆಂ ಸಂಗ್ತಿಂ ವಿಣೆಂ ಕಾಯಿಂಚ್ ಕರುಂಕ್ ಅಸಾಧ್ಯ್; ಹ್ಯಾ ಸಂಗ್ತೆಂ ಮಧೆಂ ಸರ್ವ್ ಲ್ಹಾನ್ ಅನಿ ವರ್ತೆಂ ಲಿಪೊನ್ ವೆತಾ. ತರ್ ಹಾಂವ್ ಕೊಣ್? ಅಸಲೆಂ ಸವಾಲ್ ವಿಚಾರ್‌ಲ್ಲೆಂ ವೊಲ್ಟೆರ್ ಪ್ರೆಂಚ್ ಸಾಹಿತಿನ್, ಅನಿ ತೊಚ್ ಹ್ಯಾ ಲಾಂಬ್ ಸವಾಲಾಕ್ ಹ್ಯಾ ಪರಿಂ ಜಾಪ್ ದಿತಾ: ವೇಳ್-ಘಡಿ. ಕಾಯಿಂಚ್ ಲಾಂಭ್ ನ್ಹಯ್ ಸಾಸಣ್ ದೆಕ್ತಾನಾ; ಕಾಯಿಂಚ್ ಮಟ್ವೆಂ ನ್ಹಯ್ ತುಜೆ ಜಿವಿತಾಚೆಂ ಪ್ಲ್ಯಾನ್ ಸಂಪೂರ್ಣ್ ಕರುಂಕ್ ಅಶೆತಾನಾ; ಕೊಣ್ ಹರ್ಯೆಕ್ ಘಡಿ ಅಶೆನಾ, ತಾಕಾ ವೇಳ್ ನಿಧಾನ್ ದಾಂವ್ತಾ; ಪೂಣ್ ಕೊಣ್ ವೇಳ್ ಸಂತೊಸಾನ್ ಖರ್ಚಿತಾ, ತಾಕಾ ವೇಳ್ ವೆಗ್ಗಿಂ ದಾಂವ್ತಾ. ವರ್ತೆಂಪಣಾಂತ್ ವೇಳ್-ಘಡಿ ಸಾಸಣ್ ಉಗ್ಡಾಪೆ ಕರ್ತಾ, ಮೆಜುಂಕ್ ಗೆಲ್ಯಾರ್ ತೆಂ ವಿಭಾಗ್ ಕರುಂಕ್ ಅಸಾಧ್ಯ್. ಸಕ್ಕಡ್ ವೇಳ್-ಕಾಳಾ ವಿಷಿಂ ಬೆಪರ್ವಾ ಕರ್ತಾತ್, ವಿಷಾದ್ ಪಾವ್ತಾತ್, ವೇಳಾ ವಿಣೆಂ ಅಮ್ಕಾ ಕಿತೆಂಚ್ ಕರುಂಕ್ ಅಸಾಧ್ಯ್. ಅಮ್ಚ್ಯಿ ವಾಯ್ಟ್ ಕರ್ನ್ಯೊ ರೆಂವೆಚ್ಯಾ ಪರಿಸರಾಂತ್ ನಪಂಯ್ಚ್ ಕರ್ತಾತ್, ಪೂಣ್ ಬರೆಂ ಕರ್ಣ್ಯೊ ಅಮರ್ ಕರ್ತಾತ್. ಹಾಂವ್ ಜಾವ್ನಾಸಾ ವೇಳ್.

ಅಮಿ ಜಿಯೆಂವ್ಚೊ 24 x 7 ಕಾಳ್. ಅಮಿ ಸುರು ಕೆಲ್ಲೆಂ ವರಸ್ 2009 ವರಸ್. ನವೆಂ ವರಸ್ ಸುರು ಕರುನ್ ಏಕ್ ಹಪ್ತೊ ಜಾಲೊ. ಅಸೆಂಯೀ ಏಕ್ ಲೇಕ್-ಪಾಕ್, ಅಮಿ 75 ವರ್ಸಾ ಜಿಯೆತಾಂವ್ ಜಾಲ್ಯಾರ್ ಅಮಿ ತೊ ವೇಳ್ ಕಸೊ ಖರ್ಚಿತಾಂವ್. ಅಸೆಯೀ ಏಕ್ ಚಿಂತಾಪ್. ಅಮ್ಕಾ ಉಪ್ಕಾರಾಕ್ ಪಡೊಂಕ್ ಪುರೊ. ಅಮ್ಕಾಂ ಲಾಭ್‌ಲ್ಲ್ಯಾ 75 ವರ್ಸಾಂತ್ ಅಮಿ ಹ್ಯಾ ರಿತಿನ್ ಖರ್ಚಿತಾಂವ್. 23 ವರ್ಸಾ ಅಮಿ ನಿದೊನ್ ಖರ್ಚಿತಾಂವ್. ಅಸೆಂ ಮ್ಹಳ್ಯಾರ್ 31% ವರ್ಸಾಂ ಅಮಿ ನಿದೊನ್ ಖರ್ಚಿತಾಂವ್. 19 ವರ್ಸಾಂ ಅಮಿ ವಾವ್ರ್ ಕರುನ್ ಖರ್ಚಿತಾಂವ್. ಅಸೆಂ ಅಮಿಂ 25% ವರ್ಸಾಂ ಅಮಿಂ ಕಾಮ್ ಕರುನ್ ಖರ್ಚಿತಾಂವ್.

9 ವರ್ಸಾಂ ಅಮಿ ಟಿ.ವಿ. ಅನಿ ಹೆರ್ ಮನೊರಂಜನ್ ಕಾರ್ಯಿಂ ಪಳೆವ್ನ್ ಖರ್ಚಿತಾಂವ್. ಅಸೆಂ 12% ಹ್ಯಾ ಪರಿಂ ಅಮ್ಚಿ ಜಿಣಿ ಖರ್ಚಿತಾಂವ್. 7.5 ವರ್ಸಾಂ ಅಮಿ ಅಮ್ಕಾಂಚ್ ಅಮಿ ನೆಟೊವ್ನ್, ವಸ್ತುರ್ ನೆಸೊನ್ ಖರ್ಚಿತಾಂವ್. ಅಸೆಂ 10% ಜಿಣಿ ಅಮಿ ನೆಸೊನ್ ಹೆರ್ ವ್ಯಕ್ತಿತ್ವ್ ಕಾರ್ಯಾನಿಂ ಖರ್ಚಿತಾಂವ್. 6 ವರ್ಸಾಂ ಖಾವ್ಕ್-ಪಿಯೆಂವ್ಕ್ ಅಮಿ ಖರ್ಚಿತಾಂವ್. ಹೆಂ 8% ಜಿಣಿ ಖರ್ಚುಂಕ್ ಕಾರಣ್ ಜಾತಾ. 6 ವರ್ಸಾಂ ಪಯ್ಣ್ ಕರುಂಕ್, ಹೆಂ ಪರ್ತ್ಯಾನ್ 8% ಜಿಣಿ ಜಾತಾ. ಅಮಿ 0.5 ವರ್ಸಾಂ ಮಾಗ್ಣೆಂ-ರಜಾರ್ ಕರುಂಕ್ ಖರ್ಚಿತಾಂವ್. ಹೆಂ ಪಕ್ಕಾತ್ತ್ 0.7% ಜಿಣಿ ಜಾತಾ. ದೆವಾಚ್ಯಾ ಘರಾ ಪಯ್ಣಾರ್ ಅಸ್ಚ್ಯಾ ಸರ್ವ್ ಮನ್ಶ್ಯಾಕುಳಾಕ್ ಹೆಂ ಥೊಡ್ಯೊ ಘಡಿಯೊ ಬರಿಚ್ಚ್ ಉಣ್ಯೊ ಜಾಲ್ಯೊ ಮ್ಹಣ್ ಮಾಕಾ ಭಗ್ತಾ. ಉಪ್ಕಾರಿ ಮನಾನ್ ದೆವಾನ್ ದಿಲ್ಲೆಂ ನವೆಂ ವರಸ್ ದೊನಿ ಹಾತಾನಿ ಅಮಿ ಸ್ವೀಕಾರ್ ಕರುನ್ ತಾಚ್ಯಾ ಮಾನಾಕ್ ಹೆ ವರಸ್ ಅಮಿ ಘಡ್ಯೆನ್-ಘಡಿ, ಹರ್ಯೆಕಾ ದೀಸಾ ದೆವಾಚೊ ಉಡಾಸ್ ಕಾಡುನ್ ಖರ್ಚುಯಾಂ.

ತುಮ್ಕಾಂ ಬರೆಂ ನವೆಂ ವರಸ್ ಮಾಗ್ತಾಂ.

ಭಾವಾಡ್ತಾ ದಾಯ್ಜ್ 1: ಜಿವಿತಾ ಉಪ್ರಾಂತ್ ಜಿವಿತ್.

ಭಾವಾಡ್ತಾ ದಾಯ್ಜ್ 2: ಪಾಕ್ಸ್ ಅಮೇರಿಕನಾ ಕ್ರಿಸ್ಮಸ್.

ಭಾವಾಡ್ತಾ ದಾಯ್ಜ್ 3: ನವ್ಯಾ ವರ್ಸಾಕ್ ನವೆಂ ಚಿಂತಾಪ್.

ಭಾವಾಡ್ತಾ ದಾಯ್ಜ್ 4: ಜಿವಿತಾಚೆ ಚಾಳೀಸ್ ವಿಂಚ್ಣಾರ್ ದೀಸ್.

ಭಾವಾಡ್ತಾ ದಾಯ್ಜ್ 5: ತುಂ ಕಾಳ್ಜಾಚ್ಯಾ ಗೊಂಡ್ಯಾ ಮ್ಹಜ್ಯಾ.

ಭಾವಾಡ್ತಾ ದಾಯ್ಜ್ 6: ಸ್ವಾತಂತ್ರ್ ಭಾರತಾಂತ್ ಆಮಿ ಕಿತ್ಲೆ ಸ್ವಾತಂತ್ರ್?.

ಭಾವಾಡ್ತಾ ದಾಯ್ಜ್ 7: ಸಕ್ಕಡ್ ಸಾಂಗಾತಾ ಮೆಳ್ಯಾಂ.

ಭಾವಾಡ್ತಾ ದಾಯ್ಜ್ 8: ಧರ್ಮಾ ವಿರೋಧಿ ರಾತಿಂ ನಿದಾನಾಂತ್?.

ಭಾವಾಡ್ತಾ ದಾಯ್ಜ್ 9: ಕ್ರಿಸ್ಮಸ್ ಪ್ರೇರಣ್.

ದಾಯ್ಜ್ ಅಂಕಣಾಂ

ದಾಯ್ಜ್ ಲೇಖನಾಂ