ಕಾಣ್ಯೆಗಾರ್:

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ವಿಮರ್ಶ್ಯಾ ಲೇಖನ್

Placeholder: the original page gave this picture no description, and none has been written yet. It came from daaiz\daaiz\articles\vim\vpk2.asp.

ಕಾಣ್ಯೆಗಾರ್: ಸುನಿಲ್ ಫೆರ್ನಾಂಡಿಸ್, ಕೋಟ

ಸುನಿಲ್ ಫೆರ್ನಾಂಡಿಸ್

ಪ್ರೀತಮ್, ಕಿರೆಂ

ಅಯ್ಲೆವಾರ್ ವಾಚ್ಲೆಲ್ಲ್ಯಾ ಥೊಡ್ಯಾಚ್ಚ್ ಮಟ್ವ್ಯಾ ಕಾಣಿಯಾಂ ಪಯ್ಕಿ ಏಕ್, ತಿ ಆಮ್ಚಾಚ್ಚ್ ಸಾಂಗೊಡ್ಯಾ ಸುನೀಲ್ ಪೆರ್ನಾಂಡಿಸಾಚ್ಯಾ ಲಿಖ್ಣೆ ಥಾವ್ನ್ ಉದೆಲ್ಲಿ "ವಾಲ್" ಏಕ್ ಬೋವ್ ಆಪುರ್ಬಾಯೆಚಿ ಕಾಣಿ.

ಏಕ್ ಮಹತ್ವಚಿ ಕಥಾವಸ್ತ್ ಸಾಧ್ಯಾ ಉತ್ರಾಂನಿ, ಗಾಂವ್ಚಾ ಪರಿಸರಾಂತ್ಲ್ಯಾನ್ ಚರವ್ನ್, ವಾಚ್ಪ್ಯಾಕ್ ತ್ಯಾಚ್ಚ್ ಪರಿಸರಾಂತ್ ಪಾಶಾರ್ ಕರುಂಕ್ ಹಿ ಕಾಣಿ ಸರ್ವಷ್ಟ್ ಸಪಳ್ ಜಾಲ್ಯಾ ಮ್ಹಣ್ ಹಾಂವ್ ಲೆಖ್ತಾಂ.

ಬಾಳ್ ನಾತ್ಲೆಲ್ಯಾ ಏಕ್ ಜೀವಿಕ್, ಬಾಳ್ ಆನಿಂ ಸಂತತೆ ವಿಶ್ಯಾಂತ್ ಕಿತ್ಲೊ ಹುಸ್ಕೊ ಆನಿಂ ಕಿತ್ಲಿ ಗರ್ಜ್ ಆಸಾ, ಆನಿಂ ಹ್ಯಾ ಉಣ್ಯಾಪಣಾಚೊ ತಾತ್ಸಾರ್, ಖರ್ಗೊಣಿ ಆನಿಂ ಮಹತ್ವ್ ಕಿತ್ಲೊ ಮ್ಹಳ್ಳೆಲೆಂ, ಲೇಖಕ್ ಸಂಪ್ಯಾ ಆನಿಂ ಹೃದಯ್‌ಸ್ಪರ್ಶಿ ಉತ್ರಾಂನಿಂ ವಾಚ್ಪ್ಯಾ ಮುಖಾರ್ ದವರ್ತಾ.

ದಾಖ್ಲ್ಯಾಕ್:
"ತಿಚ್ಯಾ ಮುಖಾಮಳಾರ್, ಪಾಟ್ಲ್ಯಾ ಥೊಡ್ಯಾ ವರ್ಸಾಂ ಆದಿಂ ದೆಖಾನಾತ್ಲೊಲೊ ತೊ ಸಂತೊಸ್ ಆಜ್ ಪಳಂವ್ಕ್ ಮೆಳ್ಳೊ".

ತಿ ತಾಕಾ ಆಪ್ಲ್ಯಾಚ್ಚ್ ಬಾಳ್ಶ್ಯಾಪರಿಂ ಪೋಸ್ ಕರ್ತಾಲಿ, ತಿಚೆ ಮುಖಾಮಳಾರ್ ಸಂತೊಸ್ ಉಟೊನ್ ದಿಸ್ತಾಲೊ.

ಆನಿಂ, ಮುಖಾರಿಂ,
"ಬಾಳ್ಶ್ಯಾ ಸಂಗಿಂ ಹಾಂವಿಯೀ ಬಾಳ್ಶೆಂ ಜಾಲೊಂ, ಖೆಳ್ಳೊಂ, ಹಾಸ್ಲೊಂ, ಗೊದ್ದ್ಯಾ-ಗೊದ್ದ್ಯಾ ಉತ್ರಾಂನಿ ಉಲಯ್ಲೊಂ, ಆನಿಂ ಮ್ಹಾಕಾಚ್ಚ್ ಹಾಂವ್ ವಿಸರ್ಲೊಂ, ಮ್ಹಜಿ ಮ್ಹತ್ ಹಾಳು ಜಾಲಿ".

ಲೇಖಕ್ ಇತ್ಲೊ ಭಾವುಕ್ ಜಾತಾಕೀ, ಕಥಾನಾಯಕಾ ಸಾಂಗಾತಾ ಖುದ್ದ್ ಆಪುಣೀಂ ಕಾಂಯ್ ತ್ಯಾಚ್ಚ್ ಪರಿಸ್ಥಿಥೆಂತ್ಲ್ಯಾನ್ ಪಾಶಾರ್ ಜಾಲಾಂಗಾಯ್!! ಅಶೆಂ ಭಗ್ತಾ.

ಹ್ಯಾ ವ್ಹಗ್ತಾ ಮ್ಹಾಕಾ, ವರ್ಸಾಂ ಆದಿಂ "ಬಾಯ್" ಕಾಣಿಂ ವಾಚ್ಲಲೊ ಉಗ್ಡಾಸ್ ಹಾಡ್ತಾ. (ಚಿಂತಾಂ ಬಾಯ್ ಕಾಣಿಯೆಚಾ, ಬಾವಾಕ್ ಬೆಜಾರ್ ಜಾಂವ್ಚೆ ನಾಂ!).

ದೋನ್ ಲಿಸಾಂವಾಂ ಹಾವೆಂ ಹ್ಯಾ ಕಾಣಿಯೆ ಥಾವ್ನ್ ವಿಂಚ್ಲೆಲಿಂ ತಿಂ :
ಏಕ್, ದು ನೋಟ್ ಟ್ರಸ್ಟ್ ದ ಪರ್ಸನ್ ವು ಆಲ್ವೇಜ್ ಪ್ರೇಯ್ಜಸ್ ಯು; ಟ್ರಸ್ಟ್ ದ ಪರ್ಸನ್ ವು ಕ್ರಿಟಿಸಯ್ಜಸ್ ಯು, ಬಿಕೋಜ್ ಹಿ ವಾಂಟ್ಸ್ ಯು ಟು ಬಿ ಇಂಪ್ರೂವ್ಡ್.
ಹೆಂ ಆಮ್ಕಾಂ ಲುಕ್ಸಾಣ್ ಹಾಡ್ತಾ. ಜಸೆಂ ಸೀನಿಯರ್ ಹೆಕ್ಟೆರಾನ್ ಹ್ಯಾ ಕಾಣಿಯೆಂತ್ ಜೂನಿಯರ್ ಹೆಕ್ಟೆರಾ ಥಂಯ್ ಕೆಲೆಂ.

ದುಸ್ರೆಂ ತಿ, ಏಕ್ ಚೇತಾವಾಣಿಂ, ತಿ ಸಬಾರಾಂನಿ ಮಾನುನ್ ಘೆತ್ಲೆಲಿ (ಚಡ್ತಾವ್ ಸಿನೆಮಾಂನಿ ಸತ್ ಜಾಲ್ಲಿ).
ದಯಾ ಕರುನ್ ಬುರ್ಗ್ಯಾಕ್ ಪೊಸ್ಕೆಂ ಕರಿನಾಕಾತ್.
ವಾಲಿಕ್ ಪಾಳಾಂ(ಕಾಂ) ಫುಟ್ತಿತ್!!!

ಕಥಾ ನಾಯಕಾಚೆಂ ಅಸಹಾಯಕ್‌ಪಣ್ ದಾಖಂವ್ಕ್ ಸುನಿಲ್ ಫೆರ್ನಾಂಡಿಸ್ ಕಿತೆಂಚ್ಚ್ ದಾಖಯ್ನಾಸ್ತಾಂ, ಪಿಶೆಂ ಪಾಂಗ್ರುನ್ ಸುಡಾಳ್ ರಿತಿನ್ ಕಾಣಿಂ ಲಾಂಬಾಯ್ನಾಸ್ತಾಂ ವಾಚ್ಪ್ಯಾಚಾ ಚಿಂತ್ಪಾಕ್ ಸಾರೆಂ ದೀವ್ನ್ ಕಾಣಿ ಆಖೇರ್ ಕರ್ತಾ. ಆನಿಂ ಹೊ ಗೂಣ್ ಥೊಡ್ಯಾಚ್ಚ್ ಥೊಡ್ಯಾ ಲೇಖಕಾಂಚೊ - ಮ್ಹಾಕಾ ಪಸಂದೆಚೊ.

ಕಾಂಯ್ ಥೊಡೆ ಆಪ್ರೂಪ್‌ಶೆ ತೆ ಆಯ್ಕೊಂಕ್ ಮೆಳ್ಚೆ ಸಬ್ಚ್ "ತೋರ್ಣಾಂ, ಧಾಂವಾಟ್, ಮೆರವಣ್ಗೆ, ಕಿರಿಸ್ತಾಂವಾಚೊ ಗುರ್ಗೊಳ್ ಆನಿಂ ಹೆರ್.." ಹ್ಯಾ ಕಾಣಿಯೆಕ್ ಬ್ರಹ್ಮಾವರ್, ಕುಂದಾಪುರ್ ಆನಿಂ ಬಾರ್ಕುರ್ಚೊ ಪರ್ಮಳ್ ದಿತಾತ್ ಆನಿಂ ವಾಚ್ಪ್ಯಾಕ್ ತ್ಯಾ ಗಾಂವಾಕ್ ಪಾವ್ಲಲೊ ಅನುಭವ್ ಜಾತಾ.

ನಿಮಾಣೆಂ,
"ದಾಯ್ಜ್" ಗುರ್ಕಾರ್ ವಲ್ಲಿ ಕ್ವಾಡ್ರಸಾಚಾ ಉತ್ರಾಂನಿಂಚ್ಚ್ ಮ್ಹಜಿಂ ದೋನ್ ಉತ್ರಾಂ ಆಖೇಯ್ರ್ ಕರ್ತಾಂ:
ಸಾಮಾಜಿಕ್ ಸಂಗ್ತ್ಯಾಂಕ್ ವೊರಾವ್ನ್ ಪಳಂವ್ಚೆಂ, ತುಕ್ಚೆಂ ತಸೆಂಚ್ಚ್ ಮಾಪ್ಚೆಂ ಚಿಂತಾಪ್ ಆಸ್ಚೊ ಹೊ ಲೇಖಕ್ ಪ್ರೇತನ್ ಕರೀತ್ ತರ್, ಆಪ್ಲಿಚ್ಚ್ ಶೈಲಿ ರುತಾಂ ಕರ್ಚಾಂತ್ ಜಯ್ತೆವಂತ್ ಜಾತಲೊ.

ಆನಿಂ ಮ್ಹಜೆಂ ಬೆಸಾಂವ್:
ಸಂಪ್ಯಾ ಉತ್ರಾಂನಿಂ ಗಂಭೀರ್ ವಿಷಯ್ ಮಾರ್ಮಿಕ್ ರೀತಿನ್ ಪಿಂತ್ರ್ಯಾಯ್ಲ್ಯಾ ಹ್ಯಾ ಮಟ್ವ್ಯಾ ಕಾಣಿಯೆಕ್ ನೀಳ್ಕಾಣಿಯೆಚೆಂ ಲಾಂಬ್ ಆವ್ಕ್ ಮಾಗ್ತಾಂ.

ಲೇಖನಾಂಚಾ ಪಾನಾಕ್

ದಾಯ್ಜ್ ವಿಮರ್ಶೆ

ಪಾಟಿಂ ದಾಯ್ಜ್ ಪಾನಾಕ್

ಚರ್ಬೆಲ್ಲಿ

ಕೃತಿ

ಮುಂಗೊ!