ಜಾಗತೀಕರಣ್

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ವಿಶೇಸ್ ಲೇಖನ್:

ಮೊಂತಿ ಫೆಸ್ತ್ ಆನಿ ಜಾಗತೀಕರಣ್

Placeholder: the original page gave this picture no description, and none has been written yet. It came from daaiz\daaiz\articles\go1.asp.

ಮಾ|ಜೋರ್ಜ್ ಒಲಿವೇರಾ

ನವೆ೦ ಏಕ್ ಸ೦ಕೇತ್:

ಮೊ೦ತಿ ಸಾಯ್ಬಿಣಿಚೆ೦ ಫೆಸ್ತ್ ಮಣ್ತಾನಾ ಅಮ್ಚ್ಯಾ ಕೊ೦ಕ್ಣಿ ಸಮಾಜೆಕ್ ಚಡ್ ದಾದೊಸ್ಕಾಯೆಚೊ ದೀಸ್. ಪವಿತ್ರ್ ಸಭೆಕ್ ಮರಿ ಜನಿತ್ ಜಾಲ್ಲೆ೦ ಫೆಸ್ತ್-ಸ೦ಭ್ರಮ್ ಜಾಲ್ಯಾರ್, ಅಮ್ಚ್ಯಾ ಕೊ೦ಕ್ಣಿ ಕುಟ್ಮಾ೦ಕ್ ಸಕ್ಕಡ್ ಸಾ೦ಗಾತಾ೦ ಮೆಳೊನ್ ಮಾತೆ ಮರಿಯೆಕ್ ಫುಲಾ೦ ಘೆವುನ್ ಸನ್ಮಾನ್ ಕರುನ್, ನವೆಂ ಭೆಟವ್ನ್, ಅಶಿರ್ವಾದಿತ್ ನವೆ೦ ಘರಾ೦ ಹಾಡುನ್, ಕುಟ್ಮಾ೦ ಸ೦ಗಿ೦ ಜೆವ್ಚೆ೦ ಫೆಸ್ತ್.

ಅಜ್ ಕಾಲ್ಚ್ಯಾ ಸ೦ಸಾರಾ೦ತ್, ಜಾಗತೀಕರಣ್ ಶಾಸ್ತಿರ್ ಪ್ರಸ್ತುತ್ ಜಾಲ್ಯಾ ಪರಿಸರಾ೦ತ್ ಮೊ೦ತಿ ಫೆಸ್ತ್ ಕಸೆ೦ ಅಚರಣ್ ಕರ್ಚೆ೦, ಆಸಲೆ೦ ಏಕ್ ಸವಾಲ್ ಅಮ್ಚ್ಯಾ ಮತಿ೦ತ್ ಉದೆಜಾಯ್.

ಸಬಾರ್ ಶೆ೦ಬೊರಾ ಸಾಳಾ೦ ಅದ್ಲೆ೦ ಸ೦ಕೇತ್ ನವೆಂ, ಜಾಗತೀಕರಣ್ ಪರಿಸರಾ೦ತ್ ಪ್ರಕಾಶ್ಚ್ಯಾ ಕೋಕಾ ಕೋಲಾ ಸ೦ಕೇತಾಕ್ ಸರಿಸಟ್ ಜಾವ್ನ್ ರಾವತ್!

ಕೊ೦ಕ್ಣಿ ಲೊಕಾಕ್ ವರ್ಸಾಕ್ ಏಕ್ ಪಾವ್ಟಿ ಸಾ೦ಗಾತಾ ಹಾಡ್ಚೆ೦ ನವೆಂ, ನಿಜಾಯ್ಕಿ ಏಕ್ ಪ್ರಬಲ್ ಸ೦ಕೇತ್ ಜಾವ್ನ್ ಸ೦ಸಾರಾರ್ ಅಮ್ಚಿ ಸ೦ಸ್ಕ್ರತಿ ಜೀವಾಳ್ ದವ್ರು೦ಕ್ ಸಕಾತ್. ಟಿಪ್ಪುಚ್ಯಾ ಕ್ರಿಸ್ತಾ೦ವ್ ಬ೦ಧಡೆಚ್ಯಾ ಕಾಳಾರ್ ನವೆಂ ಕೊ೦ಕ್ಣಿ ಕ್ರಿಸ್ತಾ೦ವಾಚೆ೦ ಭವಾರ್ಥಾ೦ಚೆ೦ ಥೀಕ್ ಜಾವ್ನ್ ಪರ್ಜಳ್ಳೆ೦. ಆನಿ ಕಾಳಾ ತೆಕಿದ್ ಸ೦ಸಾರ್ ಬದಲ್ತಾನಾ, ನವೆಂ ಕೊ೦ಕ್ಣಿ ಕ್ರಿಸ್ತಾ೦ವಾಚ್ಯಾ ಚರಿತ್ರೆ೦ತ್ ವಿಶೇಷ್ ಸ್ಥಾನ್ ಮಾನ್ ಅಪ್ಣಾ೦ವ್ಕ್ ಸಕ್ಲೆಂ.
ಜಾಗತೀಕರಣಾಚ್ಯಾ ಕಾಳಾರ್, ಪಾಕ್ಸ್ ಅಮೇರಿಕನ್ (ಆಮೇರಿಕನ್ ಶಾ೦ತಿ) ತತ್ವ್ ಸರ್ವ್ ಪಾಳ್ಚ್ಯಾ ಸ೦ಸಾರಾ೦ತ್, ಕೊ೦ಕ್ಣಿ ಸಮಾಜೆಕ್ ಲಾಗಿ೦ ಹಾಡ್ಚೆ೦ ಮಾಲ್ಘಡ್ಯಾಚೆ೦ ದಾಯ್ಜ್ ಜಾವ್ನಾಸಾ ನವೆಂ, ತ್ಯಾ ದೆಕುನ್ ಖ೦ಯ್ಸರ್ ಕೊ೦ಕ್ಣಿ ಸಮಾಜ್ ಚಡೀತ್ ಮಾಪಾನ್ ಜಿಯೆತಾ, ತ್ಯಾ ಜಾಗ್ಯಾನಿ, ಆಮೇರಿಕಾ, ಆಸ್ಟ್ರೇಲಿಯ, ಕೆನಾಡಾ, ರೋಮ್, ಲ೦ಡನ್, ಗಲ್ಫ್ ರಾಷ್ಟ್ರಾನಿ ಮೊ೦ತಿ ಫೆಸ್ತ್ ಅರ್ಥಾಭರಿತ್ ರಿತಿನ್ ಅಚರಣ್ ಕರ್ತಾತ್. ಕೋಕಾ ಕೋಲಾ ಕ೦ಪನಿಚೆ೦ ಸದರ್ ಜಾ೦ವ್ಚೆ೦ ಅಸೆಯ್ ಏಕ್ ಜಾಹೀರತ್: ಜಾಗತೀಕ್ ಜಾವ್ನ್ ಚಿ೦ತ್, ಪೂಣ್ ಸ್ಥಳೀಯ್ ಪರಿಸರಾ೦ತ್ ವಾವ್ರ್ ಕರ್. ತ್ಯಾಚ್ ಪರಿ೦ ಅಮಿ ಕೊ೦ಕ್ಣಿ ಭಾವ್-ಭಾ೦ವ್ಡಾನಿ೦ ಜಾಗತೀಕ್ ಜಾವ್ನ್ ಚಿ೦ತಾನಾ, ಮೊ೦ತಿ ಫೆಸ್ತಾ ಸ೦ದರ್ಭಿ ಅಮ್ಚ್ಯಾ ಮಾಯ್‌ಗಾ೦ವಾ ವಿಷ್ಯಾ೦ತ್ ಹುಸ್ಕೊ ದಾಕವ್ನ್, ಅಮ್ಚಿ ಅಮರ್ ಸ೦ಸ್ಕ್ರತಿ ಜೀವಾಳ್ ದವ್ರು೦ಕ್ ಪ್ರಯತ್ನ್ ಕರಿಜಾಯ್.

ಮರಿ: ಬಾಗೆವ೦ತ್ ತ್ರಿದಾ೦ದೆಚಿ ಏಕ್ ಪ್ರತಿರೂಪ್:-

ಬಾಗೆವ೦ತ್ ಬಾಪ್ ಜುವಾ೦ವ್ ಪಾವ್ಲ್ ಹಾ೦ಚ್ಯಾ ಲಿಖ್ಣೆಧ್ವಾರಿ೦ ಪ್ರಗಟ್ ಜಾಲ್ಲೆ೦ ಏಕ್ ವಿ೦ಚ್ಣಾರ್ ಸತ್ ಶಿಕೊಣ್: ಮರಿ ಭಾಗೆವಂತ್ ತ್ರಿದಾ೦ದೆಚಿ ಏಕ್ ಪ್ರತಿರೂಪ್. ಭಾಗೆವ೦ತ್ ತ್ರಿದಾ೦ದ್ ಏಕ್ ಸಾಸಣ್ ಪವಿತ್ರ್ ಸ೦ಬಧ್: ಬಾಪ್, ಪೂತ್ರ್ ಅನಿ ಪವಿತ್ರ್ ಅತ್ಮೊ. ಮರಿ ದೆವಾಚ್ಯಾ ಖುಶೆಕ್ ಸ೦ಪೂರ್ಣ್ ವಿದೇಯ್ ಜಾವ್ನ್ ಬಾಪಾಚಿ ಧುವ್ ಜಾವ್ನ್ ಪವಿತ್ರ್ ಪುಸ್ತಕಾಚ್ಯಾ ಪಾನಾಂನಿ ತಿ ಅಮರ್ ಜಾತಾ. ಬೆತ್ಲೆಹೆಮ್ ಶೆರಾ೦ತ್ ಜೆಜುಕ್ ಹ್ಯಾ ಸ೦ಸಾರಾ೦ತ್ ಕಾಣಿಕ್ ಜಾವ್ನ್ ದೀವ್ನ್ ಸೊಮಿ ಜೆಜು ಕ್ರಿಸ್ತಾಚಿ ಅವಯ್ ಜಾವ್ನ್ ವಾ೦ಜೆಲಾಚ್ಯಾ ವಾಟೆನ್ ಚಮ್ಕಾತಾ. ಭಡ್ವ್ಯಾ ಮಾರಿಫತ್ ಇಜ್ಭಿ ಹಾಡುನ್ ಪವಿತ್ರ್ ಆತ್ಮ್ಯಾಚಿ ವೊಕಾಲ್ ಜಾವ್ನ್ ತಿ ಸೊಭ್ತಾ. ದೇವ್-ಮಾಯೆಚಿ ಭುರ್ಗಿ೦ ಜಾಲ್ಲ್ಯಾ ಅಮಿ ಸರ್ವ್ ಕೊ೦ಕ್ಣಿ ಸಮಾಜೆಚ್ಯಾ ಭಾವ್-ಭಾ೦ವ್ಡ್ಯಾನಿ, ನವೆಂ, ಫುಲ್- ಫಳಾ೦ ಸ೦ಗಿ೦ ಮರಿಯೆಚ್ಯಾ ಪಾಯಾಥಳಾ೦ ಯೇವ್ನ್ ಮರಿಯೆಕ್ ನಮಾನ್ ಕರುನ್, ಎಕಾಮೆಕಾಕ್ ಮಿಲಗತ್ ಕರುನ್ ಬಾಗಿ೦ ಮೊ೦ತಿ ಫೆಸ್ತ್ ಮಾಗೊಂಕ್ ಜಾಯ್.

ಜಾಗತೀಕರಣಾ೦ಚಿ ಏಕ್ ತ್ರಿದಾ೦ದ್:-

ಆಜ್‌ಕಾಳ್ಚ್ಯಾ ಜಾಗತೀಕರಣಾಚಿ ತ್ರಿದಾ೦ದ್ ಜಾವ್ನಾಸಾ: ವರ್ಲ್ಡ್ ಭೆ೦ಕ್, ಅ೦ತರಾಷ್ಟ್ರಿಯ್ ಅರ್ಥಿಕ್ ಸ೦ಸ್ಥೊ ಅನಿ ಅ೦ತರಾಷ್ಟ್ರಿಯ್ ಅರ್ಥಿಕ್ ಮಾರ್ಕೆಟ್. ಹ್ಯಾ ತೀನ್ ಸ೦ಸ್ಥ್ಯಾಧ್ವಾರಿ೦ ಸ೦ಸಾರಾಚೊ ಸರ್ವ್ ಅರ್ಥಿಕ್ ವ್ಯವಸ್ಥೊ ಸರಾಗ್ ಚಲ್ತಾ. ಮೊ೦ತಿ ಫೆಸ್ತ್ ಭಾಗೆವ೦ತ್ ತ್ರಿದಾ೦ದೆಚಿ ಏಕ್ ಮೊಲ್ ಬಾ೦ದುಕ್ ಅಸಾಧ್ಯ್ ಜಾಲ್ಲಿ ವಿ೦ಚ್ಣಾರ್ ಕಾಣಿಕ್ ಜಾಲ್ಯಾರ್, ಜಾಗತೀಕರಣ್ ಅಜ್‌ಕಾಲ್ಚ್ಯಾ ಅಧಿಕಾರ್ ಚಲೊ೦ವ್ಚ್ಯಾ ಗ್ರೇಸ್ತ್ ದೇಶಾ೦ಚ್ಯಾ ಸರ್ಕಾರಾ೦ಚಿ ದವ್ಲೊತ್ ಜಾವ್ನಾಸಾ. ಅಸ್‌ಲ್ಯಾಕ್ ಅನ್ಕೂಲ್ ಜಾಲ್ಯಾರ್, ದುಬ್ಳ್ಯಾಕ್ ಏಕ್ ಮಾರೆಕಾರ್ ಖರ್ಗ್ ಜಾ೦ವ್ಕ್ ಸಕ್ತಾ. ನವೆಂ ಏಕ್ ಸ೦ಕೇತ್ ಸಕ್ಕಡ್ – ಗ್ರೇಸ್ತ್ ಅನಿ ದುಬ್ಳ್ಯಾಂನಿ ಸಾ೦ಗಾತಾ ಮೆಳೊನ್ ವಾ೦ಟುನ್ ಜೆವ್ಚೊ ಸ೦ಕೇತ್. ಕುಟ್ಮಾ-ಕುಟ್ಮಾ ಸಕ್ಕಡ್ ಸಾ೦ಗಾತಾ ಮೆಳೊನ್ ಜೆವ್ತಾನಾ, ವರ್ಸಾ೦ಚ್ಯಾ ಎಕಾ ದಿಸಾಕ್ ಕೊ೦ಕ್ಣೆ ಸಮಾಜೆ೦ತ್ ಗ್ರೇಸ್ತ್ ಅನಿ ದುಬ್ಳೊ ಬೇದ್ ಭಾವ್ ಉಣೊ ಜಾತಲೊ ಅನಿ ಅಮಿ ಎಕಾಮೆಕಾಕ್ ಭಾವ್-ಭಯ್ಣ್ ಮನೋಬಾವ್ ಜಿವಾಳ್ ಕರ್ತಲೊ.

ಲೇಖನಾಂಚಾ ಪಾನಾಕ್

ದಾಯ್ಜ್ ಪಾನಾಕ್

ಸಜ್ಜಿಗೆ

ವಿಚಾರ್-ಉಚಾರ್

ಫ್ಲಾಯ್ಟ್!?