ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಹಾಡ್ ಚೆಡ್ವಾ ಬುಡ್ಕುಲೊ
ಹ್ಯಾ ವಿಮರ್ಶ್ಯಾವಿಶಿಂ: ಚಾ.ಫ್ರಾ.ದೆ’ಕೋಸ್ತಾಚ್ಯಾ ಸಾಹಿತ್ಯಾಚೆರ್, ಪ್ರತ್ಯೇಕ್ ಜಾವ್ನ್ ಕವಿತೆಂಚೆರ್ ಮಂಗ್ಳುರಾಂತ್, ಬೊಂಬೊಯಾಂತ್, ಗೊಯಾಂತ್ ತಶೆಂ ಪರ್ಗಾಂವಾಂತ್ ಸಯ್ತ್ ಸಭಾರಾಂನಿ ಅಧ್ಯಯನ್ ಕೆಲಾಂ, ವಿಮರ್ಸೊ ಕೆಲಾ. ಪುಣ್ ಚಾ.ಫ್ರಾ.ದೆ’ಕೋಸ್ತಾಕ್ ವೆಕ್ತಿಗತ್ ಜಾವ್ನ್ ಜಿತ್ಲಿ ತಾಚಿಚ್ಚ್ ಪತಿಣ್ ವಳ್ಕತಾ/ಸಮ್ಜತಾ ತಿತ್ಲೆಂ ಹೆರ್ ಕೊಣ್ಯೀ ಸಮ್ಜೊಂಕ್ ಕಶ್ಟ್. ಆತಾಂ ನಂದಿನಿನ್ ಚಾ.ಫ್ರಾ.ದೆ’ಕೋಸ್ತಾಚ್ಯಾ ಎಕೆಕಾ ಕವಿತೆಚೆರ್ ಕೆಲ್ಲೊ ವಿಮರ್ಸೊ ಹಾಂಗಾಸರ್ ಆಮಿ ದಿತೆಲ್ಯಾಂವ್. ಎಕೆಕಾ ಆಂಕ್ಡ್ಯಾಂತ್ ಏಕ್ ಕವಿತಾ ತಶೆಂಚ್ ತ್ಯಾ ಕವಿತೆಚೆರ್ ಕೆಲ್ಲೊ ವಿಮರ್ಸೊ ಪರ್ಗಟ್ತಲೊ. ಕವಿತಾ ಸಮ್ಜೊಂಕ್ ತಶೆಂಚ್ ಬರಿಂ ಕವಿತಾ ರಚುಂಕ್ ಹೊ ವಿಮರ್ಸೊ ದಿಶ್ಟಾವೊ ಜಾತಲೊ ಮ್ಹಳ್ಳೊ ಆಮ್ಚೊ ಭರ್ವಸೊ. - ಸಂ.
ನಂದಿನಿ
ಚಾ.ಫ್ರಾ.ದೆ’ಕೋಸ್ತಾಚ್ಯಾ ’ದರ್ಯಾಕ್ ಉಜೊ ಪೆಟ್ಲಾ’ ಕವಿತೆಂಚೆರ್ ’ಕವಿತಾಪಾಠಾಚೆರ್ ಕೆಲ್ಲೆಂ ಅಧ್ಯಯನ್’
ಚಾ.ಫ್ರಾ.ದೆ’ಕೋಸ್ತಾಚ್ಯಾ ’ಪಣ್ತೆಚಿ ಪೆಲಿ’ ಬುಕಾಚೆರ್ ಕೆಲ್ಲೆಂ ಅಧ್ಯಯನ್
3. ಕಾಣಿ ಜಿಣಿ
ದೆಂವ್ಚಾರಾಚೊ ದುಡು
ದೆಂವ್ಚಾರಾಚೊ ದುಡು
ತಾಚೆಲಾಗಿಂಚ್ ಆಸೊಂ
ಸಂದಾ ಸಂದಾಂತ್ ತಾಚಾ
ಕೊಡ್ಸಾಣ್ ಆಸ್ತಾ
ದೆಂವ್ಚಾರಾಚೆಂ ಭಾಂಗಾರ್
ಥಳ್ಥಳಿತ್ ಆಸೊಂ
ಕಯ್ಲೆ ಕುಡ್ಕ್ಯಾಚೆ೦ಯ್
ತಾಕಾ ಮೋಲ್ ನಾಸ್ತಾ.
ವಾಂಕ್ಡೆವಾಟೆನ್ ಜಮಯಿಲ್ಲ್ಯಾ ದುಡ್ವಾಚೆರ್ ದೂಕ್ ಆನಿ ರಗ್ತಾಚೊ ಶಿರಾಪ್ ಆಸ್ತಾ ದೆಕುನ್ ತೊ ದೆಂವ್ಚಾರಾಚೊ ದುಡು. ತ್ಯಾ ದುಡ್ವಾಂತ್ ಕಾಂಯ್ ಬರೆಪಣ್ ನಾ. ತಾಚ್ಯಾ ಸಂದಾ ಸಂದಾಂನಿ ಕೊಡ್ಸಾಣ್ ಆಸ್ತಾ, ವಾಯ್ಟ್ ಆಸ್ತಾ.
ವಾಂಕ್ಡೆವಾಟೆನ್ ಜೊಡ್ಲ್ಲೆಂ ಭಾಂಗಾರ್, ತೆಂಯ್ ತ್ಯಾ ದುಡ್ವಾಬರಿಚ್ ದೆಂವ್ಚಾರಾಚೆಂ ಭಾಂಗಾರ್. ತಾಚೊ ಥಳ್ಥಳ್ ಕಿತ್ಲೊಯಿ ಆಸೊಂ ತಾಚೆವರ್ವಿಂ ಕೊಣಾಕ್ ಕಾಂಯ್ ಬರೆಪಣ್ ನಾ. ಎಕಾ ಕಯ್ಲೆ ಕುಡ್ಕ್ಯಾಕ್ ಆಸ್ಚೆಂ ಮೋಲ್ಯಿ ತಾಕಾ ನಾ.
ಆಟ್ವೊಳಿಂಚಿ ಧಾಕ್ಟುಲಿ ಕವಿತಾ ಏಕ್ ಲೊಕಾಮೊಗಾಳ್ ಚಿಂತಪ್ ಥೊಡ್ಯಾಚ್ ಸುಂದರ್ ಉತ್ರಾಂನಿಂ ಸಾಂಗ್ಚಿ ತಾಂಕ್ ದಾಕವ್ನ್ ದಿತಾ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications