ಕವಿತಾकविताPoem
ಧಾಂವ್!?
ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ತಿಂತೆರಾಂತ್ ಪಿಂತುರ್
ಪಿಂತುರ್ - 12
ಪಿಂತುರ್, ತಿಂತೆರ್ ಆನಿ ಪ್ರೇರಣಾಂ
ತಿಂತೆರಾಕ್ ವಿಶಯ್: ಧಾಂವ್!?
ಕವಿತಾ ಕಾಳ್ಜಾಚಿ ಭಾಸ್ ವ್ಹಯ್ ಜಾಲ್ಯಾರ್, ಜೆದ್ನಾಂ ಖಂಚೇಂಯ್ ಘಟನ್, ರುಪ್ಣೆಂ ಕಾಳ್ಜಾಕ್ ಆಪಡ್ತಾ,
ತೆದ್ನಾಂ ಥಂಯ್ಸರ್ ಕವಿತಾ ಜರೂರ್ ಉದೆತಾ. ಸರ್ವಾಂಕ್ ಹೆಂ ಕುಡಾವ್ನ್ ತಿಂತೆರಾಂತ್ ವ್ಹಾಳಂವ್ಕ್ ಅಸಾಧ್ಯ್
ತರ್ಯ್ ಥೊಡ್ಯಾಂಕ್ ಸಾಧ್ಯ್ ಜಾತಾ ಆನಿ ತೊ ಜಾಂವ್ಕ್ ಪಾವ್ತಾ
’ಕವಿ’. ದೆಕುನ್ಂಚ್ ಜಾಣಾರಿ
ಸಾಂಗ್ತಾತ್ ರವಿಕ್ ದಿಸಾನಾಸ್ಚೆಂ ಕವಿಕ್ ದಿಸ್ತಾ.
’ತಿಂತೆರಾಂತ್ ಪಿಂತುರ್’ ಏಕ್ ಅಸಲೊಚ್ ಪ್ರಯೋಗ್, ಹರ್ಯೆಕಾ
ಮಯ್ನ್ಯಾಂತ್ ಏಕ್ ಪಿಂತುರಾಚೆಂ ಪ್ರೇರಣ್ ದಿವುನ್, ತಾಚೆರ್
ವೆವೆಗ್ಳ್ಯಾ ಕವಿಂಚಾ ವೆವೆಗ್ಳ್ಯಾ ರುಪಾಚಾ ಕವಿತಾಂಕ್ ಆವ್ಕಾಸ್ ಆಸ್ತಲೊ.
ಬರ್ಯಾ ಕವಿತಾಕ್ ’ಮಯ್ನ್ಯಾಚೆಂ ಕವಿತಾ’ ಇನಾಮ್ಯ್ ಆಸ್ತೆಲೆಂ. ಎಕಾ ಪಿಂತುರಾನ್ ಅಸ್ರ್ವಾಂಕ್
ಎಕಾಚ್ ರಿತಿನ್ ಚಿಂತಿಶೆಂ ಕರಿಜಾಯ್ ಮ್ಹಣ್ ನಾ, ದೆಕುನ್ ಎಕಾ ಪಿಂತುರಾಚೆರ್ ಎಕೆಕಾ ಕವಿಂಚಾ ತಿಂತೆರಾಥಾವ್ನ್
ವ್ಹಾಳ್ಚಾ ಉತ್ರಾಂಚೊ ವ್ಹಾಳೊ ಖಂಡಿತ್ ಭೋವ್ ಸೊಭಿತ್ ಜಾತಲೊ.
ಹ್ಯಾ ಪ್ರಯೋಗಾಮುಖಾಂತ್ರ್ ಎಕಾ ಪಿಂತುರಾಚೆರ್ ಎಕಾ ಕವಿಕ್ ಕಿತ್ತುನ್
ಪರ್ಯಾಂತ್ ಚಿಂತುಂಕ್ ಸಾಧ್ಯ್ ಜಾತಾ ಮ್ಹಳ್ಳೆಂ ಅಭಿವ್ಯಕ್ತ್ ಕರುಂಕ್
ಏಕ್ ಬರೊ ಆವ್ಕಾಸ್. ಇಮಾಜ್ ಯಾ ವಿಶಯ್ ಏಕ್
ಘುರ್ತ್
ಮಾತ್ರ್, ಕವಿಚಾ ಚಿಂತ್ಪಾಕ್ ಕಸಲೆಚ್ ಬಂದಡ್ ನಾಂತ್, ಖಂಚಾಯ್
ಪ್ರಕಾರಾರ್ ಕವಿತಾ ಬರವ್ನ್ ಆಮ್ಕಾಂ ಧಾಡ್ಯೆತ್ - ಪುಣ್ ಖಂಯ್ಸರ್ಯ್ ಫಾಯ್ಸ್ ಜಾಂವ್ಕ್
ನಾತ್ಲ್ಲಿ ಆಸೊಂಕ್ ಜಾಯ್.
ದಾಯ್ಜ್ ವರ್ಸಾಚೊ ಕವಿ 2006 [7,500=00 ರುಪ್ಯಾಂಚೆಂ ಇನಾಮ್]
ತಿಂತೆರಾಂತ್ ಪಿಂತುರಾಂ ಅಂಕಣಾಂತ್ ಥೊಡ್ಯೊ
ಸಂಗ್ತ್ಯೊ ಆಮಿ ಮತಿಂತ್ ಧರ್ಲ್ಯಾತ್; ತ್ಯೊ ಜಾವ್ನಾಸಾತ್ :- ’ಮಯ್ನ್ಯಾಚೊ ಕವಿ’
ಮುಕುಟ್ ಎಕಾ ಕವಿಕ್ ಏಕ್ ಪಾವ್ಟಿಂ ಮಾತ್ರ್ ದೆಖುನ್ ತ್ಯಾಚ್ ಕವಿಚೆಂ ಅನ್ಯೇಕ್ ಕವಿತಾ
ಪರತ್ ಆಮಿಂ
ಮಯ್ನ್ಯಾಚಾ ಕವಿತಾಕ್ ಲಾಗು ಕರುಂಕ್ ನಾ. ಹೆಂ ಸಾರ್ಕೆಂ
ಮ್ಹಣ್ ಹಾಂವ್ ಸಾಂಗಾನಾ ತರ್ಯ್ ನವ್ಯಾಂಕ್ ಉತ್ತೇಜನ್ ದಿಂವ್ಚಾಕ್ ಭೋವ್ಶಾ
ಹೆಂ ಅನಿವಾರ್ಯ್ ಮ್ಹಳ್ಳೆಂ ಆಮ್ಚೆಂ ಚಿಂತಾಪ್. ತ್ಯಾ ಶಿವಾಯ್ ದಾಯ್ಜ್
ಸಂಪಾದಕ್/ಸಹ ಸಂಪಾದಕಾಕ್ ಆಮಿ ಲೆಖಾಕ್ ಧರುಂಕ್
ನಾ.
ಪುಣ್ ತಿಂತೆರಾಂತ್ ಪಿಂತುರಾಂ ಹ್ಯಾ ಅಂಕಣಾಂತ್ ಯೆಂವ್ಚಾ ದಸೆಂಬರ್
ಮಯ್ನ್ಯಾ ಪರ್ಯಾಂತ್ ಪರ್ಗಟ್ ಜಾಲ್ಲ್ಯಾ ಅತ್ತ್ಯುತ್ತಮ್ ಕವಿತೆಚಾ ಕವಿಕ್ ವಿಂಚುನ್ ಆಮಿ
’ದಾಯ್ಜ್ ವರ್ಸಾಚೊ ಕವಿ 2006’
ಮ್ಹಣ್ ವೊಲಾಯ್ತೆಲ್ಯಾಂವ್, ಇನಾಮ್ ಜಾವ್ನ್ ಲಗ್ಬಗ್
ಅಡೇಜ್ ಹಜಾರ್ ರುಪ್ಯಾಂಚೆ ಕೊಂಕ್ಣಿ ಬೂಕ್, ಪತ್ರಾಂ,
ಏಕ್ ಶಿಫಾರಸ್
ಪತ್ರ್ ಆನಿ ಪಾಂಚ್ ಹಜಾರ್ ರುಪಯ್ ನಗ್ದೆನ್ ತಾಕಾ ಆಮಿ ದಿತೆಲ್ಯಾಂವ್. ಕೊಂಕ್ಣೆಂತ್ಲೊ
ಹೊ ಪಯ್ಲೊ ಓನ್ಲಾಯ್ನ್ ಸ್ಪರ್ಧೊ ದೆಖುನ್ ಹಾಂತುಂ ಕೊಣೆಂಯ್
ಭಾಗ್ ಘೆವ್ಯೆತಾ..
ಶರೊ: ’ತಿಂತೆರಾಂತ್ ಪಿಂತುರಾಂ’ ಎಕಾ ಬುಕಾರುಪಾರ್
ಪರ್ಗಟ್ ಜಾವ್ನ್ ಯೆತಲೊ ದೆಖುನ್ ಹ್ಯಾ ಆಂಕ್ಡ್ಯಾಂತ್ಲಿಂ ವಿಂಚ್ಣಾರ್ ಕವಿತಾಂ
ಹ್ಯಾ ಬುಕಾಂತ್ ಆಟಾಪ್ತೆಲಿಂ. ಕವಿತಾರಸಿಕಾಂ ರಾಕೊನ್ ರಾವಾ!!
ಪಿಂತುರ್ - 1
ಮಯ್ನ್ಯಾಚೊ ಕವಿ - 1
ಎಚ್ಚೆಮ್, ಮುಂಬಯ್
ತಿಂತೆರಾಕ್ ವಿಶಯ್: ಭುಕ್ ಆನಿ ಸೊಧ್ನಾಂ
ವಿಂಚುನ್ ಆಯಿಲ್ಲಿಂ ವಿಂಚ್ಣಾರ್ ಕವಿತಾ
ಪಿಂತುರ್ - 2
ಮಯ್ನ್ಯಾಚೊ ಕವಿ - 2
ಅನಿಲ್ ಪೆರ್ನಾಲ್, ಮಸ್ಕತ್
ತಿಂತೆರಾಕ್ ವಿಶಯ್: ರಸ್ತೊ ಆನಿ ಮಿಸ್ತೆರ್
ವಿಂಚುನ್ ಆಯಿಲ್ಲಿಂ ವಿಂಚ್ಣಾರ್ ಕವಿತಾ
ಪಿಂತುರ್ - 3
ಮಯ್ನ್ಯಾಚೊ ಕವಿ - 3
ಮ್ಯಾಕ್ಸಿಮ್ ಲೋಬೊ, ಸ್ಪೇಯ್ನ್
ತಿಂತೆರಾಕ್ ವಿಶಯ್: ಲಜ್ ಆನಿ ಭಿರಾಂತ್
ಪಿಂತುರ್ - 4
ಮಯ್ನ್ಯಾಚೊ ಕವಿ - 4
ವಿಲ್ಸನ್, ಕಟೀಲ್
ತಿಂತೆರಾಕ್ ವಿಶಯ್: ಉಜೊ ಆನಿ ಕಾಳೊಕ್
ಪಿಂತುರ್ - 5
ಮಯ್ನ್ಯಾಚೊ ಕವಿ - 5
ಮೆಲ್ವಿನ್ ಪೆರ್ನಾಲ್
ತಿಂತೆರಾಕ್ ವಿಶಯ್: ನಾಂವ್ ಆನಿ ಹಾಂವ್
ಪಿಂತುರ್ - 6
ಮಯ್ನ್ಯಾಚೊ ಕವಿ - 6
ಪ್ರಸನ್ನ್ ನಿಡ್ಡೋಡಿ
ತಿಂತೆರಾಕ್ ವಿಶಯ್: ಪಾವ್ಸ್ ಆನಿ ಧಗ್
ಪಿಂತುರ್ - 7
ಮಯ್ನ್ಯಾಚೊ ಕವಿ - 7
ವಿಲ್ಫ್ರೆಡ್ ಲೋಬೊ, ಪಡೀಲ್
ತಿಂತೆರಾಕ್ ವಿಶಯ್: ಮ್ಹಜೊ ಮಾಂಯ್ಗಾಂವ್
ಪಿಂತುರ್ - 8
ಮಯ್ನ್ಯಾಚೊ ಕವಿ - 8
ವಿನ್ಸಿ ಪಿಂಟೊ ಆಂಜೆಲೊರ್/ದುಭಾಯ್
ತಿಂತೆರಾಕ್ ವಿಶಯ್: ಕವಿ ಆನಿ ಕವಿತಾ
ಪಿಂತುರ್ - 9
ಮಯ್ನ್ಯಾಚೊ ಕವಿ - 9
ಅವಿನಾ, ಮಿಯಾರ್
ತಿಂತೆರಾಕ್ ವಿಶಯ್: ಝುಜ್ ಆನಿ ರುದಾನ್
ಪಿಂತುರ್ - 10
ಮಯ್ನ್ಯಾಚೊ ಕವಿ - 10
ನಂದಿನಿ, ಮಂಗ್ಳುರ್
ತಿಂತೆರಾಕ್ ವಿಶಯ್: ನೀದ್ ಆನಿ ಗೀದ್
ಪಿಂತುರ್ - 11
ಮಯ್ನ್ಯಾಚೊ ಕವಿ - 11
ರೋಬರ್ಟ್ ಫೆರ್ನಾಂಡಿಸ್, ಉದ್ಯಾವರ್
ತಿಂತೆರಾಕ್ ವಿಶಯ್: ಹಿಂ ಕೊಣಾಚಿಂ ಭುರ್ಗಿಂ?
ಪಿಂತುರ್ - 12
ಮಯ್ನ್ಯಾಚೊ ಕವಿ - 12
ಆರ್ಥರ್ ರೋಶನ್ ಪಿರೇರಾ ಒಮ್ಜೂರ್, ದುಭಾಯ್
ತಿಂತೆರಾಕ್ ವಿಶಯ್: ಧಾಂವ್
ಕವಿತಾ ಆನಿ ಪ್ರೇರಣ್ [ - ವಲ್ಲಿ ವಗ್ಗ, ಮೈಸೂರ್]
ಮ್ಹಜಾ ಜಲ್ಮಾ ಗಾಂವಾಕ್ ತೀನ್ ಕಿ.ಮೀ. ಲಾಗ್ಸಾರ್, ‘ಕಾರಿಂಜ ಮ್ಹಳ್ಳೊ ಏಕ್ ಚಾರಿತ್ರಿಕ್ ಪ್ರವಾಸಿ ಕೇಂದ್ರ್ ಆಸಾ. ಹಾಂಗಾಸರ್ ಲಗ್ಭಗ್ 300 ಫಿಟಿಂಚಾಕ್ಯಾ ಉಬಾರಾಯೆಚೊ ಏಕ್ ವಿಸ್ತಾರ್ ಫಾತ್ರಾಚೊ ದೊಂಗೊರ್ ಆಸೊನ್, ಹಾಚ್ಯೆ ವಯ್ರ್ ಶಿವ ಆನಿ ಪಾರ್ವತಿಕ್ ಸಮರ್ಪಿಲ್ಲಿಂ ದೋನ್ ಹಿಂದು ದಿವ್ಳಾಂ ಆಸಾತ್. ಕಿತ್ಯಾಕ್ ಮ್ಹಣ್ ಹಾಂವ್ ನೆಣಾಂ, ಲ್ಹಾನ್ಪನಾ ಥಾವ್ನ್ ಹೊ ಫಾತ್ರಾ-ದೊಂಗೊರ್ ಆನಿ ತಾಚೆರ್ ಆಸ್ಚಿಂ ತಿ ದೋನ್ ದಿವ್ಳಾಂ ಮ್ಹಜ್ಯೆ ಮತಿಂತ್ ಭಾರಿಚ್ ಆತುರಾಯ್ ಜಳೊವ್ನ್ ಆಸಾತ್.
ಇತ್ಲೆಂಚ್ ನ್ಹಯ್, ಪಾಟ್ಲ್ಯಾ 36 ವರ್ಸಾಂ ಥಾವ್ನ್ ಹಾಂವ್ ಮೈಸೂರ್ ಶಹರಾಂತ್ ವಸ್ತಿ ಕರುನ್ ಆಸಾಂ ಆನಿ ಹ್ಯಾ ಶಹರಾಕ್ ಲಾಗ್ಸಾರ್ ಸಬಾರ್ ನಾಂವಾಡ್ದಿಕ್ ಆನಿ ಚಾರಿತ್ರಿಕ್ ಮಹತ್ವಾಚಿಂ ದಿವ್ಳಾಂ ಆಸಾತ್. ಹಾಂಚೆ ಪಯ್ಕಿ ಥೊಡ್ಯಾ ದೆವಾಳಾಂಚೊ ಉಲ್ಲೇಕ್ ಕರ್ಚೊ ತರ್, ಚಾಮುಂಡಿ ದೊಂಗ್ರಾ ವಯ್ಲೆಂ ಚಾಮುಂಡೇಶ್ವರಿ ದೀವ್ಳ್ ಶ್ರೀರಂಗ ಪಟ್ಟಣಾಚೆಂ ಶ್ರೀರಂಗ ದೀವ್ಳ್ ಆನಿ ಸೋಮನಾಥಪುರ, ಬೇಲೂರು ಹಳೇಬೀಡುಚಿಂ ನಾಂವಾಡ್ದಿಕ್ ಪುರಾತನ್ ದೆವಾಳಾಂ ಇತ್ಯಾದಿ....
ಹಾಂಕಾಂ ಹಾಂವೆಂ ಭೆಟ್ ದಿಲ್ಲ್ಯಾ ವೆಳಾ, ದಿವ್ಳಾಂ ಉಬಾರುಂಕ್ ಕಾಡ್ಲ್ಲಿ ವಾಂವ್ಟ್, ತಾಂಚೊ ಆದ್ಲೊ ವೈಭವ್ ಹ್ಯೆ ವಿಶ್ಯಾಂತ್ ತಾಂತ್ಲೆ ಏಕೆಕ್ ಫಾತೊರ್ ಆಪಾಪ್ಲಿ ಕಥಾ ಮ್ಹಜೆ ಲಾಗಿಂ ಸಾಂಗ್ತಾತ್ಶೆಂ ಮ್ಹಾಕಾ ಭಗ್ತಾ. ಅಶೆಂ ಆಸ್ತಾಂ, ಲಗ್ಭಗ್ ಸಾತ್ ವರ್ಸಾಂ ಆದಿಂ, ಹಾಂವ್ KSRTC ಸರ್ಕಾರಿ ಬಸ್ಸಾರ್ ಮೈಸೂರ್ ಥಾವ್ನ್ ತುಮ್ಕೂರ್ ಶಹರಾಕ್ ಪೈಣ್ ಕರುನ್ ಆಸ್ತಾನಾ ಬಾಸ್ಸಾಚೆಂ ಏಕ್ ಟಯರ್ ಫಂಕ್ಚರ್ ಜಾಲೆಂ ಆನಿ ವಾಟೆ ಮಧೆಗಾತ್ ಬಸ್ಸಾನ್ ಗುಡ್’ಘಾಲೊ. ಬಸ್ಸಾ ಭಿತರ್ಲೆ ಪಯ್ಣಾರಿ ಸಗ್ಳೆ ಆಮಿ ಸಕಯ್ಲ್ ದೆಂವ್ಲ್ಯಾಂವ್.
ಬಸ್ಸಾಲಾಗಿಂ ಚಡ್ತಿಕ್ ಟಯರ್
ನಾತ್ಲ್ಲ್ಯಾನ್, ತೆ ತಾಂಚೆಂ ದುಸ್ರೆಂ ಬಾಸ್ಸ್ ಯೆಂವ್ಕ್ ರಾಕೊನ್ ಆಸ್ಲ್ಲೆ.
ತೆಂ ಬಸ್ಸ್ ಪಾಡ್ ಜಾಲ್ಲ್ಯಾ ‘ಗುಬ್ಬಿ’ ಗಾಂವಾಂತ್ ಆಮ್ಚಾ ದೊಳ್ಯಾಂ ಮುಕಾರ್ಚ್ ಏಕ್ ಭೋವ್ ಪರ್ನೆಂ ಪಾಡ್ ಪಡ್ಲ್ಲೆಂ ವಡ್ಲೆಂ ಸೈತ್ ದೀವ್ಳ್ ಆಮ್ಕಾಂ
ದಿಸ್ತಾಲೆಂ. ಹಾಂವ್ ವ್ಹಡ್ಯೆ ಆತುರಾಯೆನ್ ಕೊಸ್ಳೊನ್ ಪಡ್ಲ್ಯಾರ್ಯೀ ಆಪ್ಲೆಂ ಆಸ್ಥಿತ್ವ್ ಸಂಸರಾಕ್ ಕಳಂವ್ಚಾ ತ್ಯಾ ದಿವ್ಳಾ ಲಾಗ್ಸಾರ್ ಗೆಲೊಂ.
ತೆದ್ನಾಂ ಮ್ಹಜ್ಯೆ ಮತಿಂತ್ ಖತ್ಕತೊನ್ ರೂಪಿತ್ ಜಾಲ್ಲಿ ದೇವ್ ಎಕ್ಸುರೊ ಕವಿತಾ ತಕ್ಷಣ್ ಹಾಂವೆಂ ಮ್ಹಜಾ ಬೊಲ್ಸಾಂತ್ ಆಸ್ಚಾ ಲ್ಹಾನ್
ನೋಟ್ ಬುಕಾರ್’ಬರವ್ನ್ ಕಾಡ್ಲಿ.
ದೇವ್ ಎಕ್ಸುರೊ
ತುಜ್ಯಾ ದಿವ್ಳಾ ಭಿತರ್
ಕೊಣ್ಂಚ್ ನಾ
ಫಕತ್ ಆಂಧ್ಕಾರ್
ಆನಿ ಮೌನ್
ದಿವೊ ಝಳಂವ್ಕ್
ಕಾಳೊಕ್ ಧಾಂವ್ಡಾಂವ್ಕ್
ಭಜನಾಂ ಗಾಂವ್ಕ್
ನಾಚ್ ನಾಚೊಂಕ್
ಕೊಣ್ಂಚ್ ನಾ
ನಾ ಕೊಣ್ಂಚ್ ನಾ
ಆಸಾ ಫಕತ್
ಅಂಧ್ಕಾರ್ ಆನಿ ಮೌನ್!
[ಕವಿತಾ ಆನಿ ಪ್ರೇರಣ್ ಧಾಡುಂಕ್ ಆಸ್ಚಾಂನಿ ತಿ ಕವಿತಾ ಆನಿ ಪ್ರೇರಣ್ ಬರವ್ನ್ ಆಮ್ಕಾಂ ಧಾಡ್ಚೆಂ]
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
More in Daaiz
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.