ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ರಾಂದ್ಪಾವೋಳ್
ದಾಯ್ಜ್ ಕುಜ್ನ್:ದಾಯ್ಜ್ಚೊ
ಪ್ರಮುಖ್ ಇರಾದೊ ಕೊಂಕ್ಣಿ ಸಾಹಿತ್ಯಾಚೊ ತರ್ಯ್ ವಾಚ್ಪ್ಯಾಂಚಾ ಪಸಂದೆಖಾತಿರ್ ಆಸಾ ಕೆಲ್ಲ್ಯಾ ದಾಯ್ಜ್ ಕುಜ್ನಾಂತ್ ಆಮ್ಚಾ ಮಾಂಯ್ಗಾಂವ್ಚಾ ಎಕೆಕಾಚ್ ಖಾಣಾ-ರಾಂದ್ಪಾಚೊ, ತಾಚಾ ತಯಾರಾಯೆಕ್ ಗರ್ಜೆಚ್ಯೊ ವಸ್ತು ತಶೆಂಚ್ ತೆಂ ಕಶೆಂ ರಾಂದ್ಚೆಂ ಮ್ಹಳ್ಳೆಂ ವಿವರ್ಚಾ ಇರಾದ್ಯಾನ್ ಹಿ ವೋಳ್ ಆಸಾ ಕೆಲ್ಯಾ,
ರಾಂದ್ಪಿಣ್: ಹರ್ಯೆಕಾ ಮಯ್ನ್ಯಾಂತ್, ತಿಚೆಂ ತಶೆಂಚ್ ಸಂಪಾದನ್ ಕೆಲ್ಲೆಂ ಹೆರಾಂಚೆಂ ಎಕೆಕ್ ನವೆಂ ರಾಂದಾಪ್ ತುಮ್ಚೆಮುಖಾರ್ ಹಾಡ್ನ್ ಯೆತೆಲೆಂ ಫೆರಾರ್ ಫಿರ್ಗಜೆಚೆಂ ಬಾಯ್ ಪ್ರಿಯಾ ಸಿಕ್ವೇರಾ. ತುಮ್ಕಾಂಯ್ ಹಾಂತುಂ ತುಮ್ಚಿಂ ರಾಂದ್ಪಾಂ ಧಾಡುಂಕ್ ಆಸಾತ್ ತರ್ ತಿಂ ತುಮಿಂ priya@daaiz.com ವಿಳಾಸಾಕ್ ಧಾಡ್ಯೆತಾ. ವಿಂಚ್ಣಾರ್ ಬರ್ಪಾಂಕ್ ಎಕ್ಟಾಂವ್ನ್ ಎಕಾ ಬುಕಾರುಪಾರ್ ಪರ್ಗಟ್ ಕರ್ಚೆಂ ಯೋಜನ್ಯ್ ಆಸ್ತೆಲೆಂ.
ಪ್ರಿಯಾ ಸಿಕ್ವೇರಾ
ರಾಂದ್ಪಾವೋಳ್ - 17. ಚಿಕನ್ ಚಕೂತಿ [- ಝೀನಾ ಆಲ್ಫೋನ್ಸೊ]
ರಾಂದ್ಪಿಣೆಚಿ ವಳೊಕ್: ಗೊಂಯ್ಚಿ ಬಾಯ್ ಝೀನಾ ಆಲ್ಫೋನ್ಸೊ ಆಪ್ಲ್ಯಾ ಕುಟ್ಮಾ ಸಾಂಗಾಂತಾ ಕುವೇಯ್ಟಾಂತ್ ವಸ್ತಿ ಕರ್ನ್ ಆಸಾ. ಸಂಗೀತ್, ವಾಚಾಪ್, ಆನಿಂ ಥರವಳ್ ರಾಂದ್ಪಾಂ ತಯಾರ್ ಕರ್ಚೆಂ ಹಿಚೆ ಪ್ರಮುಖ್ ಹವ್ಯಾಸ್.
- ಪ್ರಿಯಾ ಸಿಕ್ವೇರಾ, ಫೆರಾರ್
ಝೀನಾ ಆಲ್ಫೋನ್ಸೊ
ಗರ್ಜೆಚ್ಯೊ ವಸ್ತು:
1 ಕಿಲೊ ಕುಂಕ್ಡಾಚೆಂ ಮಾಸ್,
5 ವ್ಹಡ್ಲೆ ಪಿಂಯಾವ್,
1 ವೊಳೆಂ ನಾರ್ಲ್,
3 ಮೆಜಾಂ ಕುಲೆರಾಂ ಗರಮ್ ಮಸಾಲಾ,
1/4 ಚಾಯೆಚೆಂ ಕುಲೆರ್ಭರ್ ಹಳ್ದಿಚೊ ಪಿಟೊ,
3 ಮೆಜಾಂ ಕುಲೆರಾಂಭರ್ ಆಮ್ಸಾಣೆಚೆಂ ಉದಾಕ್,
3 ಮೆಜಾಂ ಕುಲೆರಾಂ ಕನ್ಪೀರ್ ಭಾಜಿ (ಭಾರೀಕ್ ಶಿಂದ್ಲ್ಲಿ)
2 ಮೆಜಾಂ ಕುಲೆರಾಂ ತೇಲ್,
ರುಚಿತೆಕಿದ್ ಮೀಟ್, ಇಲ್ಲೊ ಬೆವಾಚೊ ಪಾಲೊ.
ರಾಂದ್ಪಾಚಿ ರೀತ್:
ಚಿಕನ್ ಧುವ್ನ್ ಹಳ್ತಾಚೆ ಕುಡ್ಕೆ ಕರ್, ಇಲ್ಲೆಂ ಮೀಟ್ ಘಾಲ್ನ್ 1/2 ಘಂಟೊ ದವರ್.
ಪಿಯಾವ್ ಬಾರಿಕ್ ಶಿಂದ್, ತಾಂತ್ಲೆ 1/2 ಕಾಡುನ್ ಕಾಯ್ಲಿರ್ ತಾಂಬ್ಶೆ ಜಾತಾ ವರೇಗ್ ಭಾಜ್. ಸಾಂಗಾತಾ ನಾರ್ಲ್ ಭಾಜ್.
ದೊನಿ ಇಲ್ಲ್ಯಾ ಉದ್ಕಾ ಸಾಂಗಾತಾ ಮಿಕ್ಸಿಂತ್ ಘಾಲ್ನ್ ಪೇಸ್ಟ್ ಕರ್.
ಬಾಣಾಲ್ಯಾಂತ್ ತೆಲ್ ಘಾಲ್, ಉರ್ಲ್ಲೆ ಪಿಯಾವ್ ಘಾಲ್ನ್ ತಾಂಬ್ಶೆ ಜಾತಾ ವರೇಗ್ ಭಾಜ್, ಇಲ್ಲೊ ಬೆವಾಚೊ ಪಾಲೊ ಆನಿ ಹಳ್ದಿ ಪಿಟೊ ಘಾಲ್.
ತಿಕ್ಕೆಶೆಂ ಭಾಜ್. ಉಪ್ರಾಂತ್ ಚಿಕನ್ ಘಾಲ್ ಆನಿ ಧಾ ಮಿನುಟಾಂ ವರೇಗ್ ಭಾಜ್.
ಆತಾಂ ಗರಮ್ ಮಸಾಲಾ ಅನಿ ನಾರ್ಲ್ ಆನಿ ಪಿಯಾವಾಚೊ ಪೇಸ್ಟ್ ಘಾಲ್.
ರುಚಿ ತೆಕಿದ್ ಮೇಟ್ ಘಾಲ್.
15 - 20 ಮಿನುಟಾಂ ದವರ್.
ಆತಾಂ ಆಮ್ಸಾಣೆಚೆಂ ಉದಾಕ್ ಘಾಲ್ ಆನಿ 3 ಮಿನುಟಾಂ ಉಕಡ್.
ಕನ್ಪಿರ್ ಭಾಜಿ ಶಿಂಪ್ಡಾಯ್.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
