ಭರ್‌ಲ್ಲೆಂ

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

"ಆಧ್ಯಾತ್ಮಿಕ್ ಚಿಂತಾಪ್ ಖಂಚ್ಯಾಯ್ ಧರ್ಮಾಕ್ ಲಗ್ತಿ ಜಾಲ್ಲೆಂ ನ್ಹಯ್ ಪುಣ್ ಸರ್ವ್ ಧರ್ಮಾಂಚೆಂ ಮೂಳ್" - ಆವಾ

ಭಾವಾಡ್ತಾ ದಾಯ್ಜ್[ಕೊಂಕ್ಣೆಂತ್

ಮಾ|ಜೋರ್ಜ್ ಒಲಿವೆರಾಚಿ ವಳೊಕ್ ಚಡ್ತಾವಾಂಕ್ ಆಸ್ಚಿನಾ. ಸೆವಕ್ ಪತ್ರಾಚೊ ಆಧ್ಲೊ ಸಂಪಾದಕ್ ಜಾವ್ನ್ ವಾವ್ರ್ ಕೆಲ್ಲೊ ಹೊ ಪ್ರಸ್ತುತ್ ಕಾಪುಚಿನ್ ಮೆಳಾಚ್ಯಾ ಇಂಗ್ಲಿಶ್ ಪತ್ರಾಚೊ ಸಂಪಾದಕ್ ಜಾವ್ನಾಸಾ. ಸದ್ದ್ಯಾಕ್ ಮಯ್ಸೂರಾಂತ್ ಯಾಜಕೀ ಸೆವಾ ಭೆಟವ್ನ್ ಆಸ್ಚೊ ಹೊ ಏಕ್ ಕೊಂಕ್ಣಿ ಬರವ್ಪಿ, ಕವಿ ಆನಿ ಚಿಂತ್ಪಿ. ಸಭಾರ್ ಸಾಹಿತಿಕ್ ಸ್ಪರ್ಧ್ಯಾಂನಿ ಇನಾಮಾಂ ಜೊಡ್‌ಲ್ಲೊ, ಹ್ಯಾ ಅಂಕಣಾಂತ್ ತವಳ್ ತವಳ್ ಆಧ್ಯಾತ್ಮಿಕ್ ಚಿಂತ್ಪಾಚ್ಯಾ/ಭಾವಾಡ್ತಾಕ್ ಲಗ್ತಿ ಜಾಲ್ಲ್ಯಾ ವಿಚಾರಾಂಕ್ ಆಟಾಪ್ಚಿಂ ಲೇಖನಾಂ ಬರಯ್ತಲೊ - ಪುಣ್ ಹೆಂ ಅಂಕಣ್ ಶೆರ್ಮಾಂವಾಂಚೆಂ ಭಿಲ್ಕುಲ್ ನ್ಹಯ್ ಮ್ಹಳ್ಳೆಂ ಆಧ್ಯಾತ್ಮಿಕ್ ಸಾಹಿತ್ಯಾಕ್ ವಳ್ಕತೆಲ್ಯಾಂಕ್ ಜರೂರ್ ಸಮ್ಜಾತೆಲೆಂ.]

Placeholder: the original page gave this picture no description, and none has been written yet. It came from daaiz\daaiz\column\bvd\bvd11.asp.

ತುಮ್ಚಿಂ ಸವಾಲಾಂ/ವಿಚಾರ್ ಧಾಡುಂಕ್ ವಿಳಾಸ್: info@daaiz.com

ಮಾ|ಜೋರ್ಜ್ ಒಲಿವೆರಾ

ಘರ್ ಭರ್‌ಲ್ಲೆಂ ಗೀತ್

ಘರ್ ಭರ್‌ಲ್ಲೆಂ ಗೀತ್:-

1960 ಇಸ್ವೆಂತ್ ಘರ್ ಭರ್‌ಲ್ಲೆಂ ಗೀತ್, ’ಸೌಂಡ್ ಓಫ್ ಮ್ಯೂಸಿಕ್’ ಚಲನ್ ಚಿತ್ರ್ ಲೊಕಾಮೊಗಾಳ್ ಜಾಲೆಂ. ಹ್ಯಾ ಚಲನ್ ಪಿಂತುರಾಕ್ ಸಬಾರ್ ಒಸ್ಕರ್ ಪ್ರಶಸ್ತಿ ಲಾಭ್ಲ್ಯೊ. ಹೆಂ ಪಿಂತುರ್ ಎಕಾ ಕ್ಯಾಪ್ಟನಾಚ್ಯಾ ಕುಟ್ಮಾ ಭಂವಾರಿ ಘುಂತುನ್ ಹಾಡ್ಲಾಂ. ತಾಚ್ಯಾ ಕುಟ್ಮಾಂತ್ ಸ ಜಣಾಂ ಭುರ್ಗಿಂ, ತಾಚಿ ಪತಿಣ್ ಅಕಾಲಿಕ್ ಥರಾನ್ ದೆವಾಧಿನ್ ಜಾತಾ. ಭುರ್ಗ್ಯಾ ಪಳೆಂವ್ಕ್ ಸಬಾರ್ ಶಿಕ್ಷಕಿಂಕ್ ನೇಮಕ್ ಕರ್ತಾ ತರೀ ಕೋಣೀ ತ್ಯಾ ಭುರ್ಗ್ಯಾಂ ಸಂಗಿಂ ಚಡ್ ಕಾಳ್ ಕಾಡಿನಾ. ಅಖೇರಿಕ್ ಮರಿಯಾ ಕೊಂವೆತಾಚೆಂ ಜೀವನ್ ಸರಿ ಜಾಯ್ನಾಸ್ತಾನಾ, ದೆವಾಚಿ ಖುಶಿ ಕಿತೆಂ ತೆಂ ಜಾಣಾ ಜಾಂವ್ಕ್ ಕ್ಯಾಪ್ಟನಾಚಾ ಕುಟ್ಮಾಂತ್ ಶಿಕ್ಷಕಿ ಜಾವ್ನ್ ನೇಮಕ್ ಜಾತಾ. ಥಂಯ್ಸರ್ ಅಪ್ಲ್ಯಾ ಬರೆಂ ಮನಾನ್ ತಸೆಂಚ್ ಮಯಾಮೊಗಾನ್ ಸಂಗೀತ್ ಕಲಾ ಮುಖಾಂತ್ರ್ ತ್ಯಾ ಭುರ್ಗ್ಯಾಂಚಿ ಮನಾಂ ಜಿಕ್ತಾ, ಕ್ಯಾಪ್ಟನಾಚಿ ಜಿವಿತ್ ಸಾಂಗಾತಿಣ್ ಜಾವ್ನ್, ತ್ಯಾ ಭುರ್ಗ್ಯಾಂಕ್ ಅವಯ್ ಜಾವ್ನ್, ದೆವಾಚಿ ಖುಶಿ ಪಾಳ್ತಾ. ಸಾಹಿತಿ ವಿಲ್ಲಿ ಡಿ’ಸಿಲ್ವಾನ್ ಹ್ಯಾ ಫಿಲ್ಮಾಚಿ ಕಾಣಿ ಕೊಂಕ್ಣೆಂತ್ ತರ್ಜುಮೊ ಕರ್ನ್ ರಾಕ್ಣೊ ಪತ್ರಾರ್ ಸಾಂಕಳ್ ಕಾಣಿ ಜಾವ್ನ್ 1970 ಇಸ್ವೆಂತ್ ಮುದ್ರಿತ್ ಜಾಲ್ಯಾ.
ಸಂವಾದ್ ದೆವಾ - ಮನ್ಶ್ಯಾ ಸಂಗಿಂ:-

ಹೊ ಸಂವಾದ್ ಕೊಣಾಯ್ಚ್ಯಾ ಜಿವಿತಾಂತ್ ಘಡೊಂಕ್ ಸಾಧ್ಯ್ ಅಸಾ. ತುಜ್ಯಾ ಜಿವಿತಾಂತ್ ಅಜ್ ದೆವಾ ಸಂಗಿಂ ಜಾಂವ್ಕ್ ಸಾಧ್ಯ್ ಅಸಾ!. ಹಾಂವೆಂ ದೆವಾಕ್ ಸಾಂಗ್ಲೆಂ: ದೆವಾ ಮ್ಹಾಕಾ ಘಾಯ್ ಜಾಲೊ. ದೆವಾನ್ ಮ್ಹಾಕಾ ಸಾಂಗ್ಲೆಂ: ಮ್ಹಾಕಾ ಕಳಿತ್ ಅಸಾ. ಹಾಂವೆಂ ಸಾಂಗ್ಲೆಂ: ದೆವಾ ಹಾಂವ್ ದೂಕಿನ್ ಜಾಯಿತ್ತೊ ರಡ್ಲೊ: ದೇವ್: ತ್ಯಾ ದೆಕುನ್ ಹಾಂವೆಂ ತುಕಾ ದೂಖ್ ದಿಲಿ. ದೆವಾ ಹಾಂವ್ ನಿರಾಶಿ ಜಾಲೊಂ. ದೇವ್: ತ್ಯಾ ದೆಕುನ್ ಹಾಂವೆಂ ತುಜ್ಯಾ ಜಿವಿತಾಕ್ ಸುರ್ಯೊ ಪ್ರಕಾಸ್ ದಿಲೊ. ಹಾಂವೆಂ ದೆವಾಕ್ ಸಾಂಗ್ಲೆಂ: ಜಿವಿತ್ ಏಕ್ ವಜನ್; ದೆವಾನ್ ಜಾಪ್ ದಿಲಿ: ತ್ಯಾ ದೆಕುನ್ ಹಾಂವೆಂ ತುಕಾ ಮೊಗಾಚ್ಯಾ ವ್ಯಕ್ತಿಂಕ್ ತುಜ್ಯಾ ಜಿವಿತಾತ್ ದಿಲೆಂ. ಹಾಂವೆಂ ಸಾಂಗ್ಲೆಂ: ದೆವಾ ಮೊಗಾಚ್ಯಾ ಮನ್ಶ್ಯಾಂಕ್ ತುವೆಂ ತುಜ್ಯಾ ಗೊಪಾಂತ್ ಸ್ವೀಕಾರ್ ಕೆಲೆಂ. ದೇವ್: ಮ್ಹಾಕಾ ಮೊಗಾಚೊ ಪೂತ್ ತುಜ್ಯಾ ಮೊಗಾಚ್ಯಾ ಪರಿಂ ದೆವಾದೀನ್ ಜಾಲೊ. ಹಾಂವೆಂ ಸಾಂಗ್ಲೆಂ ಹ್ಯಾ ವರ್ವಿಂ ಮ್ಹಾಕಾ ಲುಕ್ಸಾಣ್ ಜಾಲೆಂ. ದೇವ್: ತ್ಯಾಚ್ ಪರಿಂ ಮ್ಹಜೊ ಪೂತ್ ಖುರ್ಸಾರ್ ಅಪ್ಣಾಕ್ ತಾಣೆಂ ಖಾಲಿ ಕೆಲೊ. ಹಾಂವೆಂ ಸಾಂಗ್ಲೆಂ: ತುಜೊ ಪೂತ್ ಪುನರ್ಜಿವಿತ್ ಜಾಲೊ. ದೇವ್: ತಸೆಂಚ್ ತುಜಿಂ ಮೊಗಾಚಿ ಸಾಸ್ಣಕ್ ಜಿಯೆತೆಲಿಂ. ಹಾಂವೆಂ ವಿಚಾರ್ಲೆಂ: ತರ್ ಅತಾ ತಿಂ ಖಂಯ್ಸರ್ ಅಸಾತ್. ದೆವಾನ್ ಸಾಂಗ್ಲೆಂ: ಜೆಜು ಉಜ್ವ್ಯಾ ಬಸ್ಕಾರ್ ವಸ್ತಿ ಕೆಲ್ಯಾರ್, ತುಜಿ ಸುರ್ಯಾ ಕಿರ್ಣಾಂ ಪರಿಂ ಪ್ರಕಾಶುನ್ ಸರ್ಗಾರ್ ವಸ್ತಿ ಕರ್ತೆಲಿ.

ಪಾಸ್ಕಾಚ್ಯಾ ಕಾಳಾರ್ ಎಕ್ ವಿಂಚ್ಣಾರ್ ಚಿಂತಾಪ್ ಹೆಂ ಜಾವ್ನಾಸಾ.

ಅಮ್ಚೆಂ ಜಿವಿತಾಂತ್ ಅಮ್ಚ್ಯಾ ಮತಿಕ್ ಶಾಂತ್ ಸಮಾಧಾನ್ ಜಾಯ್ಜಾಯ್ ಜಾಲ್ಯಾರ್ ಹೆಂ ಸಕಯ್ಲೆಂ ಪಾಂಚ್ ಸಂಗ್ತಿಂ ಗಮನಾಂತ್ ದವ್ರಿಜಾಯ್:
1. ಅಮ್ಚ್ಯಾ ಕಾಳ್ಜಾ ಥಾವ್ನ್ ಕೊಡ್ಸಾಣ್ ಅನಿ ವಿಷಾದ್ ಉಣೊ ಕರಿಜಾಯ್.
2. ಅಮ್ಚ್ಯಾ ಮನಾಂತ್ ಅಸ್ಚೊ ರಾಟಾವಳ್ ಖಂತ್-ಬೆಜಾರಾಯ್ ಉಣಿ ಕರಿಜಾಯ್.
3. ಸಾದೆಂಪಣಿ ತಸೆಂಚ್ ಖಾಲ್ತ್ಯಾ ಮನಾನ್ ಜಿಯೆಜಾಯ್.
4. ಚಡಿತ್ ದೀಂವ್ಕ್ ತಸೆಂಚ್ ಉಣೆಂ ಸ್ವೀಕಾರ್ ಕರುಂಕ್ ಶಿಕಾಜಾಯ್.
5. ಚಡ್ ಅಪೇಕ್ಷಾ ಕರಿನಾಸ್ತಾನಾ, ಜಿವಿತಾಕ್ ಚಡ್ ದೀಂವ್ಕ್ ಶಿಕಾಜಾಯ್.

ದೆವಾಚೆಂ ಹೆರ್ ದಾ ಉಪದೆಸ್:-

1. ಚಿಂತಾ ಕರಿನಾಕಾ, ಚಿಂತಾ ಜಿವಿತಾಚೆಂ ಮಾರಕ್ ಹಾತೆರ್ ಜಾವ್ನಾಸಾ;
2. ಬಿಂಯೆನಾಕಾ. ತುವೆಂ ಬಿಂಯೆವ್ನ್ ಜಿಯೆಂವ್ಚೆಂ ಥೊಡ್ಯೊ ಸಂಗ್ತಿಂ ಜಿವಿತಾಂತ್ ತುಕಾ ಪಳೆಂವ್ಕ್ ಮೆಳಾನಾಂತ್.
3. ಹೆರಾಂವಿಷಿಂ ಚೂಕ್ ಸಮ್ಜೊಣಿ ಮನಾಂತ್ ವಾವಯ್ನಾಕಾ. ಮನ್ ಹಾಳು ಕರ್.
4. ಏಕ್ ಸಮಸ್ಸೊ ಮನಾಂತ್ ಅಟಯ್. ಸಬಾರ್ ಸಮಸ್ಸೊ ಮನಾಂತ್ ಅಟವ್ನ್ ಮನ್ ಪಿಡೆಸ್ತ್ ಕರಿನಾಕಾ.
5. ತುಜಿ ಸಮಸ್ಸೊ ಅಟವ್ನ್ ನಿದೊಂಕ್ ವಚಾನಾಕಾ. ಸಮಸ್ಸೊ ಉಶೆಂ ಕರುನ್ ಕೋಣಾಯ್ಕೀ ನಿದೊಂಕ್ ಜಾಯ್ನಾ.
6. ಹೆರಾಂಚಿಂ ಸಮಸ್ಸ್ಯಾ ತುಂ ಸ್ವೀಕಾರ್ ಕರುಂಕ್ ವ್ಹಚಾನಾಕಾ. ತಾಂಚೊ ಸಮಸ್ಸೊ ತೆಚ್ ಚಿಂತುಕ್ ಕುಮಕ್ ಕರ್.
7. ಕಾಲ್ಚೆಂ ಚಿಂತುನ್ ಮನ್ ವಿರಾರ್ ಕರುಂಕ್ ವ್ಹಚಾನಾಕಾ. ಕಾಲ್ಚೆಂ ದೆವಾಚೆಂ ಹಾತಿ ದವರ್. ಅಯ್ಚೆಂ ಕಿತೆಂ ತೆಂ ಅಜ್ ಕರ್.
8. ಪೆಲ್ಯಾ ಥಾವ್ನ್ ಚೀತ್ ದಿವ್ನ್ ಕಾನ್ ದಿ. ನವ್ಯಾ ಚಿಂತ್ನಾಂಕ್ ಗಮನ್ ದಿ.
9. ಸ್ವ-ಬಿರ್ಮೊತೆನ್ ಮನ್ ಖರ್ಗಾನಾಕಾ. ಕ್ರಿಯಾತ್ಮಕ್ ತಸೆಂಚ್ ಭರ್ವಾಶ್ಯಾನ್ ಜಿಯೆ.
10. ದೆವಾಚಿಂ ಅಶೀರ್ವಾದಾಂ ನಿಯಾಳ್ ತಸೆಂಚ್ ದೆವಾಕ್ ಅರ್ಗಾಂ ದಿ.

ಭಾವಾಡ್ತಾ ದಾಯ್ಜ್ 1: ಜಿವಿತಾ ಉಪ್ರಾಂತ್ ಜಿವಿತ್.

ಭಾವಾಡ್ತಾ ದಾಯ್ಜ್ 2: ಪಾಕ್ಸ್ ಅಮೇರಿಕನಾ ಕ್ರಿಸ್ಮಸ್.

ಭಾವಾಡ್ತಾ ದಾಯ್ಜ್ 3: ನವ್ಯಾ ವರ್ಸಾಕ್ ನವೆಂ ಚಿಂತಾಪ್.

ಭಾವಾಡ್ತಾ ದಾಯ್ಜ್ 4: ಜಿವಿತಾಚೆ ಚಾಳೀಸ್ ವಿಂಚ್ಣಾರ್ ದೀಸ್.

ಭಾವಾಡ್ತಾ ದಾಯ್ಜ್ 5: ತುಂ ಕಾಳ್ಜಾಚ್ಯಾ ಗೊಂಡ್ಯಾ ಮ್ಹಜ್ಯಾ.

ಭಾವಾಡ್ತಾ ದಾಯ್ಜ್ 6: ಸ್ವಾತಂತ್ರ್ ಭಾರತಾಂತ್ ಆಮಿ ಕಿತ್ಲೆ ಸ್ವಾತಂತ್ರ್?.

ಭಾವಾಡ್ತಾ ದಾಯ್ಜ್ 7: ಸಕ್ಕಡ್ ಸಾಂಗಾತಾ ಮೆಳ್ಯಾಂ.

ಭಾವಾಡ್ತಾ ದಾಯ್ಜ್ 8: ಧರ್ಮಾ ವಿರೋಧಿ ರಾತಿಂ ನಿದಾನಾಂತ್?.

ಭಾವಾಡ್ತಾ ದಾಯ್ಜ್ 9: ಕ್ರಿಸ್ಮಸ್ ಪ್ರೇರಣ್.

ಭಾವಾಡ್ತಾ ದಾಯ್ಜ್ 10: ನವ್ಯಾ ವರ್ಸಾಕ್ ಪ್ರೇರಣಾಂ.

ದಾಯ್ಜ್ ಅಂಕಣಾಂ

ದಾಯ್ಜ್ ಲೇಖನಾಂ