ಅಯ್ಚೊ

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ಅಯ್ಚೊ ಕೊಂಕ್ಣಿ ಲೋಕ್ ಆನಿ ಪರಿಗತ್

Placeholder: the original page gave this picture no description, and none has been written yet. It came from daaiz\daaiz\articles\s2004-V.asp.

ದಾಯ್ಜ್ ಸಾಹಿತಿಕ್ ಸ್ಪರ್ಧ್ಯಾಂತ್ ಶಿಫಾರಾಸಾಕ್ ಪಾತ್ರ್ ಜಾಲ್ಲೆಂ ಲೇಖನ್

ಫ್ರಾನ್ಸಿಸ್ ಕ್ಯಾಸ್ತಲಿನೊ

ಉತ್ತರ್ ಭಾರತಾಚ್ಯಾ ಸರಸ್ವತಿ ನ್ಹಂಯ್ಚ್ಯಾ ತಡಿರ್ ಥಾವ್ನ್ ವ್ಹಾಳೊನ್ ಆಯಿಲ್ಲಿ ಆರ್ಯನ್ ಕೊಂಕ್ಣೆಚಿ ಸಂಸ್ಕ್ರತಿ ಸರ್ವಾಂಕ್ ಪರಿಚಿತ್ ಜಾವ್ನಾಸಾ. ಕೊಂಕ್ಣಿ ಸಂಸ್ಕ್ರತಿ ವಾಂಚವ್ನ್ ಉರೊಂವ್ಚಾಂತ್ ಸಾರಸ್ವತ್ ಲೊಕಾಂಚೊ ವಾಂಟೊ ಅಧಿಕ್. ಆನಿಂ ಕ್ರಿಸ್ತಾಂವ್ ಕೊಂಕ್ಣಿ ಲೋಕ್ ಸಂಸ್ಕ್ರತಿ ಉರೊಂವ್ಚಾ ಬದ್ಲಾಗ್ ವಿಭಾಡ್ ಕರಿತ್ತ್ ಆಸಾ ಮ್ಹಣೊಂಕ್ ಭಾರಿಚ್ಚ್ ಬೆಜಾರಾಯ್ ಭೊಗ್ತಾ.

ಮಹಾರಾಷ್ಟ್ರಚ್ಯಾ ರತ್ನಗಿತಿ ಥಾವ್ನ್ ಕೇರಳಾಚ್ಯಾ ಕೊಚ್ಚಿನ್ ವರೆಗ್ ’ಕೊಂಕಣಿ ಪ್ರದೇಶಾಂತ್’ ಸುಮಾರ್ ದೋನ್ ಲಾಖ್ ಕೊಂಕ್ಣಿ ಲೋಕ್ ವಸ್ತಿ ಕರುನ್ ಆಸಾ. ಭಾಸ್ ’ಕೊಂಕ್ಣಿ’ ತರೀ ಬರಾಪ್ (ಲಿಪಿ) ಮಾತ್ರ್ ವೆವೆಗ್ಳ್ಯಾ ರಾಜ್ಯಾಂಚ್ಯಾ ವಯ್ರ್ ಹೊಂದ್ವೊನ್ ಆಸಾ. ಕೊಂಕ್ಣಿ ಭಾಸ್ ರೋಮಿ, ದೇವನಾಗರಿ, ಕನ್ನಡ, ನವಾಯತಿ(ಉರ್ದು), ಮಲಯಾಳಂ ಲಿಪಿನ್ ಲಿಖ್ತಾತ್. ಪುಣ್ ಲಿಪಿಚೆಂ ಪ್ರಮಾಣೀಕರಣ್ ಕರ್ನ್, ಸರ್ವಾಂಕ್ ಏಕ್‌ಚ್ಚ್ ಲಿಪಿ ಜಾಯ್ಜಾಯ್ ಮ್ಹಳ್ಳ್ಯಾ ಇರಾದ್ಯಾನ್ ದೇವನಾಗರಿ ಲಿಪಿಕ್ ಆಡಳಿತ್ ಲಿಪಿ (official) ಮ್ಹಣ್ ಮಾಂದುನ್ ಘೆತ್ಲ್ಯಾ. IAS ಪರೀಕ್ಶೆಂತ್, ಕೊಂಕ್ಣಿ ಐಚ್ಚಿಕ್ ಪೇಪರ್ ಲಿಖುಂಕ್ ಆವ್ಕಾಸ್ ಆಸಾ. ಭಾರತಾಚ್ಯಾ ಸಂವಿಧಾನಾಚ್ಯಾ ಆಟ್ವ್ಯಾ ವೊಳೆರಿಂತ್ ಮಾನ್ಯತಾ ಪ್ರಾಪ್ತ್ ಜಾವ್ನ್ ಆಗಸ್ಟ್ ವೀಸ್, ದೋನ್ ಹಜಾರ್ ಸ ಇಸ್ವೆಕ್ ಭರ್ತಿ ಚೊವ್ದಾ ವರ್ಸಾಂ ಭರ್ತಾತ್. ಭಾರತಾಅಚ್ಯಾ ಖಂಚಾಯ್ ಕರೆನ್ಸಿಚ್ಯಾ ವಯ್ರ್ ನದರ್ ಮಾರ್ಲ್ಯಾರ್ ದೇವನಾಗರಿ ಲಿಪಿಂತ್ ಕೊಂಕ್ಣಿ ದಿಶ್ಟಿಕ್ ಪಡ್ತಾ.

ಹ್ಯಾ ಪ್ರಬಂಧಾಂತ್ ಕೇವಲ್ ಕೊಂಕ್ಣಿ ಕ್ರಿಸ್ತಾಂವ್ ಲೊಕಾಚ್ಯಾ ವಿಶ್ಯಾಂತ್ ಉಲಂವ್ಕ್ ಖುಶಿ ವ್ಹರಿನಾ. ಬಗಾರ್ ಕೊಂಕಣ್ ಪ್ರದೇಶಾಂತ್ ವಸ್ತಿ ಕರ್ಚಾ ಹರ್ಯೇಕ್ ಕ್ರಿಸ್ತಾಂವ್ - ಹಿಂದೂ - ಮುಸ್ಲಿಂ - ಸಿದ್ಧಿ - ಕುಡ್ಮಿ - ನವಾಯತಿ ಲೊಕಾಂಚಿ ಜಾವ್ನಾಸಾ. ಸರ್ವ್ ಎಕಾಚ್ಚ್ ಕೊಂಕ್ಣಿ ಮಾಯೆಕ್ ವೆಂಗ್ತಾತ್.

ಕೊಂಕ್ಣಿ ಭಾಸ್ ಗಳ್ಚಿ ಮುಖ್ಯ ಜಾವ್ನ್, ಸಾರಸ್ವತ್ ಹಿಂದೂ ಲೊಕಾಂಚ್ಯಾ ಜಿಬೆರ್. ಕೊಂಕ್ಣೆ - ಕೊಂಕ್ಣೆ ಬೆಟ್ತಾನಾ ಕೊಂಕ್ಣಿ ದೆಂವ್ಲ್ಯಾರ್, ಕ್ರಿಸ್ತಾಂವ್ - ಕ್ರಿಸ್ತಾಂವ್ ಭೆಟ್ತಾನಾ ಕೊಂಗ್ಲಿಶ್ ನಾ ತರ್ ಇಂಗ್ಲಿಷ್ ಗಳ್ಟಾ. ಆಪುಣ್ ಕೊಂಕ್ಣಿ ಜಾಣಾಂವ್ ಮ್ಹಣ್ ದಾಕಂವ್ಕ್ ಸಯ್ತ್ ಲಜೆತಾತ್. ಹೆಂ ಕಿತ್ಯಾಕ್? ಏಕ್ ಕಾಳ್ ಆಸ್‌ಲ್ಲೊ ಕೊಂಕ್ಣಿ ನಾಟಕ್ ಸಾಹಿತ್ಯ್, ನಾಟಕಾಂನಿ ಬೊಟ್ಲೆರಾಂಕ್ ತುಕ್ಲಾವ್ನ್, ಇಂಗ್ಲಿಶ್ ಸಮ್ಜಣಿಚ್ಚ್ ನಾ ಮ್ಹಳ್ಳ್ಯಾ ಥರಾನ್ ಪಿಂತ್ರಾವ್ಣಿ! ಆಶೆಂ ಆಶ್ತಾ ಕೊಂಕ್ಣಿ ಭಾಶೆ ವಯ್ರ್ ಗೌರವ್ ಯೇತ್‌ಗಿ?

ಪ್ರತಿಕೋದ್ಯಮ್ ಕ್ಷೇತ್ರ್: ಕೊಂಕ್ಣಿ ಕ್ರಿಸ್ತಾಂವ್ ಲೋಕ್ ಆಜ್‌ಕಾಲ್ ಜಾಗೆಂ ಜಾಲ್ಲ್ಯಾ ಬರಿ ಝಳ್ಕತಾತ್. ದಾಯ್ಜಿ ದುಬಾಯಿ - ಬೆಳ್ಳೆವಿಷನ್ ಇಂಟರ್‌ನೆಟ್ಟಾಂಚಿಂ ಸೈಟಾಂ ಹಾಕಾ ಬರಿಂ ಸಾಕ್ಸ್. ಕೊಂಕ್ಣಿ ಪತ್ರಾಂಕ್ ಖಾಯ್ಸ್ ಬಾರಿಚ್ಚ್ ಉಣೊಂ. ಧಾರ್ಮಿಕಾಂನಿ ಕನ್ನಡ್ ಪತ್ರ್ ’ಜನವಾಹಿನಿ’ ಚಲಂವ್ಕ್ ಕೆಲ್ಲೆಂ ವ್ಯರ್ಥ್ ಪ್ರಯತ್ನ್ ಪಳೆವ್ಯೆತ್. ಪುಣ್, ಹಿಂದೂ ಸಾರಸ್ವತ್ ಭಾವಾಂನಿಂ ಚಲಂವ್ಚೆಂ ’ಉದಯವಾಣಿ’ ಕೊಂಕ್ಣಿ ಲೋಕ್ ಥಂಯ್ಸರ್ ಆಸಾ ಮ್ಹಣ್ ದಾಕಯ್ತಾ. ಇತರ್ ಸಬಾರ್ ಪತ್ರಾಂ ಸಾರಸ್ವತ್ ಭಾವಾಂನಿ ಚಲಂವ್ಚಿ ಆಸಾತ್. ಉದಾ: ತರಂಗ, ಪಂಚ್ಕಾದಾಯಿ, ವಿಜಯ ಕರ್ನಾಟಕ, Vijay Times, Gulob (Goa), ಮಿತ್ರ್, ಕಾಣಿಕ್

ಶೈಕ್ಷಣಿಕ್ ಕ್ಷೇತ್ರ್: ಸಬಾರ್ ಶಿಕ್ಪಿ ಶಿಕ್ಷಕಾಂ - ಶಿಕ್ಷಕಿಂ ಆಸಾತ್. ಇಸ್ಕೊಲಾಂ - ಕಾಲೇಜಿ ಯಶಸ್ವಿ ಥರಾನ್ ಚಲವ್ನ್ ವ್ಹರ್ತೆಂ ಆಸಾತ್. ಡೊನೇಶನ್ ಫೀ ಚಡ್ ಜಾಲ್ಯಾರ್‌ಯಿ ಬರೆಂ ಶಿಕ್ಷಣ್ - ಶಿಸ್ತ್ - ಮೌಲ್ಯ್ ಮೆಳ್ತಾ. ಕೊಂಕ್ಣಿ ಬಾಶೆಕ್ ಫುಡಾರ್ ನಾ ಮ್ಹಣೊಂವ್ಕ್ ಸಾಧ್ಯ್ ನಾಂ. ಭಾಸ್ ಅಬಿವೃದ್ಧಿ ಕರ್ಚ್ಯಾ ದಿಶೆನ್ ಕೊಂಕ್ಣಿ ಲೊಕಾನ್ ಇಸ್ಕೊಲ್ - ಕಾಲೇಜಿಂತ್ ಕೊಂಕ್ಣಿ ಐಚ್ಚಿಕ್ ಪೇಪರ್ ಆರಂಭ್ ಕೆಲಾಂ. ಸಾಂ. ಲುವಿಸ್ ಕಾಲೇಜಿಂತ್ ಬಿ.ಎ. ಪದ್ವಿ ಶಿಕ್ಚಾ ವಿದ್ಯಾರ್ಥಿಂಕ್ ಹೊ ಅವ್ಕಾಸ್ ಜೊಡುಂಕ್ ಸಾಧ್ಯ್ ಆಸಾ. ತಶೆಂಚ್, ಕೆನರಾ ಇಸ್ಕೊಲಾಂತ್ ಪ್ರಥಮ್ ಕ್ಲಾಸಿ ಥಾವ್ನ್ಂಚ್ಚ್ ಕೊಂಕ್ಣಿ ಭಾಸ್ ಶಿಕಯ್ತಾತ್. PH Diploma in Konkani studies ಮ್ಹಳ್ಳೊ ಪದವಿಕಾ ಕರೆಸ್ಫಾಂಡೆನ್ಸ್ ಕೋರ್ಸ್‌ಯಿ ಸಾಂ. ಲುವಿಸ್ ಕಾಲೇಜ್ ಚಲಯ್ತಾ. ಹಾಂತುನ್, ಇತಿಹಾಸ್ - ಸಾಹಿತ್ಯ್ - ಕಲಾ - ವಿಶ್ಲೇಷಣ್ - ಪರಿಚಯ್ ಇತ್ಯಾದಿ ಆಟಾಪುನ್ ಆಸಾ.

ರಾಜಕೀಯ್ ಕ್ಷೇತ್ರ್: ದಾಕ್ತೆರ್ ಸಬಾರ್. ಪುಣ್ ಉಚಿತ್ ಆನಿಂ ಪ್ರಮಾಣಿಕ್ ಸೆವಾ ಆರ್ಪುಂಕ್ ತಯಾರ್ ಕಿತ್ಲೆ? ನಾತ್‌ಲ್ಲಿ ಪಿಡಾ ಸೃಷ್ಟಿ ಕರ್ನ್, ರಗ್ತಾ ಸಾರ್ಕೆಂ ಪೈಶೆ ಪಿಳ್ಳ್ಯಾತ್. ಸಬಾರ್ ಆಸ್ಪತ್ರ್ಯೊ - ವೈಧ್ಯಕೀಯ್ - ನರ್ಸಿಂಗ್ ಸ್ಕೂಲ್ ಕೊಂಕ್ಣಿ ಲೋಕ್ ಚಲಯ್ತಾ ಆನಿಂ ಕೊಂಕ್ಣಿ ಉಲವ್ಪಿ ಲೊಕಾಕ್ ಸೀಟ್ ಅಮಾನತ್ ದವರ್ತಾತ್. ಸಮಾಜೆಕ್ ಜಾಯ್ತೆಂ ಬರೆಂ ಕಾಮ್ ಕರ್ತಾತ್.

ಸಾಮಾಜಿಕ್ ಕ್ಷೇತ್ರ್: ಸಬಾರ್ ಸಾಮಾಜಿಕ್ ಕಾರ್ಯಕರ್ತಾಂಚೆ ಸಂಸ್ಥೆ ವಾವುರ್ತಾತ್. LINK TRADA ಮ್ಹಳ್ಳೊ ಸಂಸ್ಥೊ ಸಮಾಜೆಂತ್ಲ್ಯಾ ಅಮಾಲ್‌ಕೋರಾಕ್ ಸಾಂಗಾತಾ ಹಾಡ್ನ್, ವಕ್ತಾಂ ಮಾರಿಫಾತ್ ಸುಧಾರಣ್ ಹಾಡೊಂವ್ಕ್ ಪ್ರಯತ್ನ್ ಕರ್ತೆ ಆಸಾ ಆನಿಂ ಕೊಡಿಯಾಳಾಂತ್ ಯಶಸ್ವಿ ಜಾಲಾ ಹೊ ಸಂಸ್ಥೊ. ತಶೆಂಚ್ಚ್, CCF (Chrsitian Children Fund) ಸಂಸ್ಥೊಂ ದುಬ್ಳ್ಯಾ ಭುರ್ಗ್ಯಾಂಕ್ ಆನಿಂ ತಾಂಚ್ಯಾ ಕುಟ್ಮಾಕ್ ಶಿಕ್ಪಾಕ್ ಆರ್ಥಿಕ್ ಸಹಾಯ್ ದಿತಾ. ಸಬಾರ್ ಅನಾಥಾಶ್ರಮ್ ಲಾಯಿಕ್ ಆನಿಂ ಧಾರ್ಮಿಕ್ ಭಾವ್ ಭಯ್ಣಿಂ ಚಲೈತಾತ್. ಸಾಮಾಜಿಕ್ ಕಾರ್ಯಕರ್ತಾಂಕ್ ಶಿಕಾಪ್ ದಿಂವ್ಚೆಂ ಸಂಸ್ಥೆ ಕೊಂಕ್ಣಿ ಲೋಕ್ ಚಲೈತ್ತ್ ಆಸಾ. ಆನಿಂ ಸಾಮಾಜಿಕ್ ಕಾರ್ಯಕರ್ತಾಂಕ್ ಹಳ್ಳ್ಯಾಂಕ್ ಸೆವಾ ಅರ್ಪುಂಕ್ ದಾಡ್ತಾತ್.

ಕಲಾ ಆನಿಂ ಸಾಹಿತ್ಯ್ ಕ್ಷೇತ್ರ್: ಕೊಂಕ್ಣಿ ನ್ರತ್ಯ್ - ಸಂಗೀತ್ - ನಾಟಕ್ - ಸಾಹಿತ್ಯ್ ಯಶಸ್ವಿ ಥರಾನ್ ಚಲ್ತಾ ಮ್ಹಣೊಂಕ್ ಜಾಯ್ನಾ. ಕೊಂಕ್ಣಿ ನಾಟಕ್ ಪಳೆತೆಲ್ಯಾಂಚಿ ಗತ್‌ಚ್ಚ್ ನಾ! (ಥೊಡೆ ಪಾವ್ಟಿಂ ಅಪವಾದ್ ಆಸ್ತಾ) ಸಂಗೀತ್ - ನೃತ್ಯ್ ಶಿಕಂವ್ಚೆ ಸಂಸ್ಥೆ ಆಸಾತ್. ಕಲಾಂಗಣಾಂತ್ ಕಲಾ ವಿದ್ಯಾಲಯ್ ಸ್ಥಾಪನ್ ಕೆಲ್ಲಿ ಶ್ಯಾಥಿ ಶ್ರೀ ಎರಿಕ್ ಒಝೇರಿಯೊಚಿ. ಖುದ್ದ್ ಪದಾಂ ಯಾ ಸಾಹಿತ್ಯ್ ರಚುನ್, ತಾಳೊ ಘಾಲ್ನ್ ಸಮ್ಜೊಂವ್ಚಿ ತಾಕತ್ ಸಬಾರ್ ಕೊಂಕ್ಣಿ ಲೊಕಾಕ್ ಆಸಾ. ಪುಣ್, ಸಮಾಜೆ ಖಾತಿರ್ ಸೆವಾ ಅರ್ಪುಂಕ್ ಕೋಣ್ಂಚ್ ತಯಾರ್‌ನಾಂತ್.

ಸಾಹಿತಿ ಥೊಡೆ ಆಪ್ಣೆಂ ಬರಯಿಲ್ಲೆಂ ಸಾಹಿತ್ಯ್ ಖುದ್ದ್ ವಾಚ್ಚ್ಯಾ ಮಟ್ಟಾಕ್ ಪಾವ್ಲ್ಯಾತ್. ಕೊಂಕ್ಣಿ ಪುಸ್ತಕಾಕ್ ಖಾಯ್ಸ್ ಭಾರಿಚ್ಚ್ ಉಣೆಂ. ದೆಕುನ್, ಬರಂವ್ಕ್ ಪಾಟಿಂ ಕರ್ತಾತ್, ವಾಚ್ಪಿ ನಾಂತ್ ಮ್ಹಳ್ಳಾಂ ನಿಬಾನ್. ಆನಿಂ ಕೊಂಕ್ಣೆಂ ವಯ್ರ್ ಪಾತ್ಯೆವ್ನ್ ಬಸ್ತಿತ್ ತರ್, ಪೊಟಾಕ್ ಫಾತರ್ ಘಾಲಿಜಾಯ್ ಪಡ್ತಾತ್. ಹಿ ಏಕ್ ಕಲಾ ಮಾನ್ಯತಾ ಮೆಳಾಜಾಯ್ ಮ್ಹಣ್ ವಾಪಾರ್ಚಾ ಬದ್ಲಾಕ್, ಕೊಂಕ್ಣಿ ಮಾಯೆಚಿ ಸೆವಾ ಕರ್ಚಾ ದಿಶೆನ್, ಸಮಾಜೆಕ್ ಸಾಹಿತ್ಯ್ ದಿಂವ್ಚಾ ದೃಷ್ಟೆನ್ ವಾವ್ರ್ ಕರಿಜಾಯ್. ಹಾಕಾ ಹರ್‍ಯೇಕ್ ಕೊಂಕ್ಣಿ ಲೊಕಾಚೊ ಪಾಟಿಂಬೊ - ಸಹಕಾರ್ ಗರ್ಜೆಚೊ ಮ್ಹಳ್ಳೋ ಮ್ಹಜೊ ಅಭಿಪ್ರಾಯ್.

ಕೊಂಕ್ಣಿ ಭಾಶೆಕ್ ಅವನತಿ ನಾ. ಕೊಂಕ್ಣಿ ಲೋಕ್ ಬೆಳ್ಶೆಲಾ ತರೀ ಪಾಟಿಂಬೊ ಮೆಳ್ಳ್ಯಾರ್ ಜರೂರ್ ಆಪ್ಲಿ ಶ್ಯಾಥಿ ದಾಕಂವ್ಕ್ ಪಾಟಿಂ ಸರ್ಚೊನಾ. ಭಾಶೆಕ್ ಫುಡಾರ್ ಆಸಾ. ಪುಣ್, ದಿಂವ್ಚೆಂ ಕೊಣೆಂ? ಕಿತ್ಯಾಕ್? ಮ್ಹಳ್ಳಾ ವಯ್ರ್ ಚರ್ಚಾ ಕರ್ಚಾ ಬದ್ಲಾಕ್ ಕಮರ್ ಬಾಂಧುನ್ ಹರ್ಯೇಕ್ಲ್ಯಾನ್ ಮುಖಾರ್ ಸರುಂಕ್ ಜಾಯ್.

ಲೇಖನಾಂಚಾ ಪಾನಾಕ್

ದಾಯ್ಜ್ ಪಾನಾಕ್

ಸಜ್ಜಿಗೆ

ವಿಚಾರ್-ಉಚಾರ್

ಫ್ಲಾಯ್ಟ್!?