ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಆಯ್ಚೊ ಕೊಂಕ್ಣಿ ಲೋಕ್ ಆನಿ ಕೊಂಕ್ಣೆಚಿ ಪರಿಗತ್
ದಾಯ್ಜ್ ಸಾಹಿತಿಕ್ ಸ್ಪರ್ಧ್ಯಾಂತ್ ಶಿಫಾರಾಸಾಕ್ ಪಾತ್ರ್ ಜಾಲ್ಲೆಂ ಲೇಖನ್
ಎ.ಎಫ್.ಡಿ’ಸೋಜ್ ದುಭಾಯ್
INDO - ARYAN ಭಾಷಾ ಪರಿವಾರಾಂತ್ ಯೆಂವ್ಚಿ ಭಾಸ್ ಕೊಂಕ್ಣಿ. ಕೊಂಕ್ಣಿ ಲೋಕ್ ದ. ಕನ್ನಡ ಜಿಲ್ಲ್ಯಾಂತ್ ಆನಿಂ ಕರಾವಳಿ ಪ್ರದೇಶಾಂತ್ ಹಜಾರೊಂ ಸಂಖ್ಯಾನಿಂ ವಸ್ತಿ ಕರ್ತಾ. ಪುಣ್, ಕೊಂಕ್ಣಿ ಕ್ರಿಸ್ತಾಂವ್ ಲೊಕಾಕ್ ಆಪ್ಲಿ ಮುಳಾವಿ ಸಂಸ್ಕ್ರತಿ ಸಾಂಬಾಳ್ನ್ ವರ್ಚಾಂತ್ ಕಸಲಿಚ್ಚ್ ಆಸಕ್ತ್ ನಾಂ. ಸರ್ವಾಂಕ್ ಪಾಶ್ಚಾತ್ಯ್ ಸಂಸ್ಕ್ರತಿಚೆಂ ಪಿಶೆಂ ಲಾಗ್ಲಾಂ. ಗೊಂಯ್ಕಾರ್ ಜಾಂವ್, ಮಂಗ್ಳುರ್ಗಾರ್ ಜಾಂವ್, ಬೊಲಿಂತ್ ವ್ಯತ್ಯಾಸ್ ಜರೂರ್ ಆಸೊಂ, ಪುಣ್ ಕೊಂಕ್ಣಿ ಮಾಂಯ್ಭಾಸ್ ಸರ್ವಾಂಚಿ.
ಕೊಂಕ್ಣಿ ಭಾಸ್ - ತುಜಿಂ - ತಾಂಚಿಂ ಮ್ಹಳ್ಳ್ಯಾ ಹಿಶ್ಸಾಂನಿಂ ವಾಂಟ್ಲ್ಯಾ. ಆಶೆಂ ಕೊಂಕ್ಣೆಚೆ ಸತ್ತ್ಯಾನಾಸ್ ಜಾಲಾಂ. ಆಶಿ ಗತ್ ಆಯ್ಲ್ಯಾಗಿ ಕೊಂಕ್ಣಿ ಇಂಗ್ಲಿಶ್ ಲಿಪಿನ್ ಬರಯ್ತಾತ್. ಕೊಂಗ್ಲಿಶಾಂಕ್ ಚಡ್ ಪಸಂದ್ ಕರ್ತಾತ್. ಕೊಂಕ್ಣೆಚೆ ’ನಾಗರಿ’ ಲಿಪಿ ಪಸಂದ್ಚ್ಚ್ ನಾ. ಮಾಲ್ಗಡೆ ಼ಸಾಹಿತಿ ಲೇಖಕ್ ಹ್ಯಾ ಲಿಪಿಕ್ ಪಾಟಿಂಬೊ ದೀನಾಂತ್. ಪುಣ್ ಕೇಂದ್ರಿಯ ಹಂತಾರ್ ಹ್ಯಾ ಲಿಪಿಕ್ ಪ್ರಮಾಣೀಕರಣ್ ಕರ್ನ್ OFFICIAL SCRIPT ಜಾವ್ನ್ ಮಾಂದುನ್ ಘೆತ್ಲ್ಯಾ.
ಕೊಂಕ್ಣಿ ಭಾಶೆಚಿ ಪರಿಸ್ಥಿತಿ ಬಿಗ್ಡಾಂವ್ಕ್ ಸೊಡ್ಚಾ ಬದ್ಲಾಕ್ ಆನಿಂ ಭಾಶೆಚಿ ವಳಕ್ ಕರ್ನ್ ದೀಂವ್ಕ್, ಇಸ್ಕೊಲಾಂನಿ ಲ್ಹಾನ್ ಕ್ಲಾಸಿ ಥಾವ್ನ್ಚ್ಚ್ ಕೊಂಕ್ಣಿ ಶಿಕಂವ್ಕ್ ಪ್ರಾರಂಭ್ ಕರಿಜಯ್. ಪುಣ್, ಥೊಡ್ಯಾ ಇಸ್ಕೊಲಾಂನಿ ದೊತೊರ್ನ್ ಮಾತ್ರ್ ಕೊಂಕ್ಣೆಂತ್ ಶಿಕಯ್ತಾತ್. ಹೆಂ ಸಮಾ ನ್ಹಂಯ್. ಹಾಂತುನ್ ಜಾತಿ ರಾಜಕೀಯ್ ಯೆತಾ. ಹಿಂದೂ ಕೊಂಕ್ಣಿ ಲೋಕ್ ಕ್ರಿಸ್ತಾವಾಂಚಿ ದೊತೊರ್ನ್ ಶಿಕಂವ್ಕ್ ತಯಾರ್ ನಾಂತ್! ಸರ್ವ್ ಕೊಂಕ್ಣ್ಯಾಂಕ್ ಐಚ್ಚಿಕ್ ಪೇಪರಾಂ ಬದ್ಲಾಕ್ compulsory paper ಆರಂಭ್ ಕರಿಜಾಯ್. ಹಾಂತುನ್ ಇತಿಹಾಸ್, ಸಾಹಿತ್ಯ್, criticism , ಕವನಾಂ, ನಾಟಕ್, ಪ್ರಬಂಧ್, ಕಾದಂಬರಿ, ಮಟ್ವ್ಯೊ ಕಾಣಿಯೊ ಇತ್ಯಾದಿ ಆಟಾಪುಂವ್ಕ್ ಜಾಯ್.
ಆಯ್ಚ್ಯಾ ಕೊಂಕ್ಣಿ ಕ್ರಿಸ್ತಾಂಚ್ ಲೊಕಾಂಕ್ ಭಾಶೆ ವಯ್ರ್ ಕಸಲೊಚ್ಚ್ ಗೌರವ್ ಯಾ ಅಬಿಮಾನ್ ನಾಂ. ಕಿತ್ಯಾಕ್ ಕೊಂಕ್ಣಿ ಉಪ್ಕಾರ್ತಾ ಮ್ಹಳ್ಳಿಂ ಸವಲಾಂ ಉಟಯ್ತಾತ್. ಅಂತರಾಷ್ಟ್ರೀಯ್ ಮಟ್ಟಾರ್ ಸ್ಪರ್ದೊಂ ಕರ್ತಾನಾಂ, ಕೊಂಕ್ಣೆಕ್ ಕೋಣ್ಚ್ಚ್ ವಿಚಾರಿನಾಂತ್. ಮಾನ್ಂಯೀ ದೀನಾಂತ್. ಹೆಂ ಚಿಂತಾಪ್ ಸಾರ್ಕೆಂ ಮ್ಹಣೊಂಕ್ ಜಾಯ್ನಾ. ವಿದೇಶಾಂತ್, ಪ್ರಮುಕ್ ಜಾವ್ನ್ ಗಲ್ಫ್ ರಾಷ್ಟ್ರಾಂತ್ ಕೊಂಕ್ಣಿ ಸಂಘ್ ವ್ಹಡಾ ಹುಮೆದಿನ್ ಕಾಮಾಂ ಕರ್ತಾತ್. ಸ್ಫರ್ದೆ, ಮನೋರಂಜನಾತ್ಮಕ್ ಕಾರ್ಯೆಂ, sports ಚಲಯ್ತಾತ್. ಆಮೇರಿಕಾ ತಸಲ್ಯಾ ಅಭಿವ್ರದ್ಧಿ ಘೆತ್ಲ್ಲ್ಯಾ ಗಾಂವಾಂತ್ ಕೊಂಕ್ಣಿ ಸಾಹಿತಿ ಆನಿಂ ಲೋಕ್ ವಾವ್ರ್ ದಿತಾತ್. ಆಶೆಲ್ಲ್ಯಾ ತಿತ್ಲೊ ಫಳ್ ನಾ ತರೀ, ಇತ್ಲೆಂ ಕರ್ಚೆಂಚ್ಚ್ ವ್ಹಡ್.
ಕೆನರಾ ಕ್ರಿಸ್ತಾಂವಾಂನಿಂ ಜಾಗತಿಕ್ ಸಮ್ಮೇಳ್ ಆಯೋಜನ್ ಕೆಲಾ. ಹಾಚೊ ಫಾಯ್ದೊ ಜೊಡುಂಕ್ ಹರ್ಯೇಕ್ಲ್ಯಾಕ್ ಭರ್ಪೂರ್ ಅವ್ಕಾಸ್ ಆಸಾ. ಹರ್ಯೇಕಾ ಫಿರ್ಗಜೆಚ್ಯಾ ಲಾಯಿಕಾಂನಿಂ ಅರ್ಥಿಕ್ ಸಹಾಯ್ ದಿಲಾ. ಅಸಲೆಂ ಸಮ್ಮೇಳ್ ಕೊಂಕ್ಣಿ ಸಂಸ್ಕ್ರತಿಚಿ ವಳಕ್ ಕರ್ನ್ ದೀಂವ್ಕ್ ಮಸ್ತು ಉಪ್ಕಾರಾಕ್ ಪಡ್ತಾತ್. ಠರಾಯಿಲ್ಲ್ಯೆಂ
resolutions ಕಾರ್ಯವಳಿಂಕ್ ಹಾಡ್ತಿತ್ ತರ್, ಭಾರಿ ಖರೆಂ. ಕೇವಲ್ ಕಾಗ್ದಾಂನಿಂ ಉರ್ಲೆಂಗಿ ಕೊಣಾಕ್ ಫಾಯ್ದೊ?
ಕೊಂಕ್ಣಿ ಕ್ರಿಸ್ತಾಂವ್ ಲೋಕ್ ತಿಕ್ಕೆ ಆಳ್ಶಿ. ಕೊಣೆಂಯ್ ಭಾಯ್ಲ್ಯಾ ಮನ್ಶಾನ್ ಜಾಗಯ್ಲ್ಯಾರ್ ಮಾತ್ರ್ ಉಟ್ತಾತ್. ಕೊಂಕ್ಣಿ ಸಂಸ್ಥೆ, ಸಂಘ್, ಭಾಶಾಮಂಡಳ್ ಇತ್ಯಾದಿ ಆಸಾತ್. ಪುಣ್.....ಆಪ್ರೂಪ್ ಅವಾಜ್ ಕರ್ನ್ ಬಂಧ್ ಪಡ್ತಾತ್.
ಸಾಹಿತಿ - ಲೇಖಕ್ ಸಬಾರ್ ಆಸಾತ್. ಕೋಣ್ಚ್ಚ್
risk ಕಾಣ್ಘೆಂವ್ಕ್ ತಯಾರ್ ನಾಂತ್. ಪುಸ್ತಕಾಂ ಛಾಪ್ಲ್ಯಾರ್ ಮೊಲಾಕ್ ಘೆವ್ನ್ ವಾಚ್ತೆಲ್ಯಾಂಚಿ ಗತ್ ನಾಂ. ಪುಕ್ಕಟ್ಟಾಕ್ ದಿಲ್ಯಾರ್ ಘರ್ಚಾ ಶೆಲ್ಪಾಂನಿ ವಾಳಯ್ ಖಾಂವ್ಕ್ ಸೊಡ್ತಾತ್. ಕೊಂಕ್ಣಿ
ಲೈಬ್ರೆರಿಂತ್ ವರ್ಸಾಕ್ ಏಕ್ ಪಾವ್ಟಿಂ ಧುಳ್ ಮಾರಿಜಾಯ್ ಪಡ್ತಾ.
ನೃತ್ಯ್ - ನಾಟಕ್ ಶಿಕಂವ್ಚೆಂ ಧಾರ್ಮಿಕ್ ಆನಿ
ಲಾಯಿಕಾಂನಿ ಚಲಂವ್ಚೆಂ ಸಂಸ್ಥೆ ಆಸಾತ್. ಪುಣ್, ಕೊಂಕ್ಣೆಚ್ಯಾ ಕಾರ್ಯಕ್ರಮಾಂತ್ ಚಡ್ ಖಾಯ್ಸ್ ನಾ. ಉದಾ: ಸಂದೇಶ, ಕಲಾಂಗಣ್ ಇತ್ಯಾದಿ.
ಫಾಮಾದ್ ರಾಜಕೀಯ್ ಫುಡಾರಿ ಜಾರ್ಜ್ ಫೆರ್ನಾಂಡಿಸ್ ಕೊಂಕ್ಣೆ ಖಾತಿರ್ ಕಿತೆಂ ಕರ್ತಾಂ? ಕಾಂಚಿ ವಚೊನ್ ಸ್ವಾಮೀಜಿಕ್ ಮೆಳೊಂಕ್ ಪುರ್ಸೊತ್ ಆಸಾ, ಪುಣ್, ಕೊಂಕ್ಣಿ ಕ್ರಿಸ್ತಾಂವಾಂ ಖಾತಿರ್ ಖಂಯ್ ಪುಣಿ ಆವಾಜ್ ಉಟ್ಲ್ಲೊ ಆಸಾಗಿ? ಕೊಂಕ್ಣಿ ಲೋಕ್ ಶೆಳೆಲಾ ಮ್ಹಣ್ಚಾಕ್ ಕಸಲೊಚ್ಚ್ ದುಬಾವ್ ನಾಂ.
ಕೊಂಕ್ಣೆಕ್ ಫುಡಾರ್ ಬರೊ ಆಸಾ ಮ್ಹಣೊನ್. ಸರ್ವಾಂನಿ ಹಾತಾಕ್ ಹಾತ್ ದಿಲ್ಲ್ಯಾಕ್ ಮಾತ್ರ್ ಜಾಯ್ತ್. ದಿವ್ಯಾಂ ಕೊಂಕ್ಣಿಮಾಯೆಕ್ ಸಾಂಗಾಂತ್,
ಭಾಂಧ್ಯಾಂ ಕೊಂಕ್ಣಿ ಸಾಂಖೊವ್ ಸಗ್ಳ್ಯಾ
ವಿಶ್ಯಾಂತ್.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications