ದೀಸ್ ತೊ ಉದೆಲೊ

[ಕವಿತಾ] ದಿಸ್ ತೊ ಉದೆಲೊ

ಮನ್ಶಾಕ್ ಧರ್ಮ್, ಭಾಸ್ ಅಪ್ಲ್ಯಾ ಜಿವಾತಿತ್ಲಿಚ್ ಮೊಲಾಧಿಕ್. ಆನಿ ಮನ್ಶಾಚ್ಯಾ ಹ್ಯಾ ಭಾವನಾಂಕ್ ಬಂಡ್ವಾಳ್ ಕರುನ್ ಅಪ್ಲೆ ಗುಪಿತ್ ಅಜೆಂಡಾ, ಜಾಂವ್ ಪದ್ವೆಚೆ, ವಾ ದುಡ್ವಾಚೆ ವಾ ಹೆರ್ ರಿತಿಚೆ ಅಜೆಂಡಾ ಆಸೊನ್ ಲೊಕಾಚ್ಯಾ ಭಾವನಾಂಸವೆಂ ಖೆಳ್ಚೆ ಫುಡಾರಿ ಕಶೆಂ ಬನಾಯ್ತಾತ್ ಆನಿ ಇತ್ಲಿಂ ವರ್ಸಾಂ ಪಾಶಾರ್ ಜಾಲಿಂ ತರ್‌ಯೀ, ಏಕ್ ಬರೊ ದೀಸ್ ಉದೆತಲೊ ಮ್ಹಳ್ಳೊ ಆಶಾವಾದ್ ಘೆವ್ನ್ ರಾಕೊನ್ ರಾಂವ್ಚಿ ಕವಿತಾ ಹಿ,

ಬಾಬ್ ವಿಲ್ಲಿ ಗೊಯೆಸ್ ರೊಮಿ ಲಿಪಿಚ್ಯಾ ಕೊಂಕಣಿಂತ್ ಏಕ್ ಭಳ್ವಂತ್ ನಾಂವ್. ಕಾದಂಬರಿ, ನವಾಲಿಕಾ ಆನಿ ಅಪ್ರೂಪ್ ಕವಿತಾ ಬರಯ್ತಾ. ಮುಳಾನ್ ಏಕ್ ಕಲಾಕಾರ್ ತಶೆಂಚ್ ಭೋವ್ ಸಂವೇದನ್‌ಶೀಳ್ ಕೊಂಕಣಿ ವಾವ್ರಾಡಿ. ಹ್ಯಾ ಕವಿತೆಕ್ ವಾಚುನ್/ಆಯ್ಕೊನ್ ಹ್ಯಾ ಕವಿತೆಚೊ ಸ್ವಾದ್ ಚಾಕೊಂಕ್ ತುಕಾ ಆಪೊವ್ಣೆಂ ದಿತಾಂ.

ದೀಸ್ ತೊ ಉದೆಲೊ!

ದೀಸ್ ತೊ ಉದೆಲೊ,ಗೊಂಯ್ಚೆ ಭುಂಯ್ಚೆರ್ ಉಜ್ವಾಡ್ ಪರ್ಜಳ್ಳೊ.ದೀಸ್ ತೊ ಜಾವ್ನ್ ಆಸ್ಲೊ ತಿಸ್ವೊ ಮಾಯಾಚೊಎಕುಣ್ಶೆಂ ಸತ್ಯಾಯ್ಶಿಂ ವರ್ಸಾಚೊ.ಆಮ್ಚ್ಯಾ ಮಾಣ್ಕುಲ್ಯಾ ಗೊಂಯಾಂಕ್ ಫಾವೊ ಜಾಲೊ,ಮುಖುಟ್ ಘಟಕ್‍ರಾಜ್ಯಾಚೊ.

ಘಟಕ್‍ರಾಜ್ ಉದೆಲೆಂಪಸ್ರಾವ್ನ್ ಕಿರ್ಣಾಂಉಜ್ವಾಡಾಚಿಂ ಆನಿ ಭರ್ವಾಂಶ್ಯಾಚಿಂ.ದಾರಾಂ ಉಗಡ್ಲಿಂ ಉದರ್ಗತಿಚಿಂಸಪ್ನಾಂ ಖರಿಂ ಜಾವ್ನ್ ಉಡುಂಕ್ ಲಾಗ್ಲಿಂಭಿರಾಂಕುಳ್ ಸಾವ್ಳಿ ನಪಂಯ್ಚ್ ಜಾಲಿ.

ಕಾಳ್ಜಾಚಿ ಭಾಸ್ ಆಮ್ಚಿ ಕೊಂಕಣಿಖುಲ್ಕಾಲಾಯಚ್ಯಾ ಉಮಾಳ್ಯಾಂನಿಂ ಗಾವುಂಕ್ ಲಾಗ್ಲಿಹರ್ ಜಣಾಂಚ್ಯಾ ಘರಾಂನಿ,ಹರ್ ಜಣಾಚ್ಯಾ ವೊಂಟಾಂನಿಸಂಸ್ಕೃತಾಯೆಚಿಂ ಗಿತಾಂ ಗಾವುಂಕ್ ಲಾಗ್ಲಿಂ,ಅಸ್ಮಿತಾಯ್ ಗೊಂಯ್ಕಾರಾಂಚಿ ಥಿರ್ ಜಾಲಿ.

ಆಜ್ ಸರೊನ್ ಗೆಲಿಂ ಆಟ್ತೀಸ್ ವರ್ಸಾಂಕಿತ್ಲ್ಯಾಂನಿಂ ಭರ್ಲಿಂ ಜಾಯ್ತ್ ಆಪಾಪ್ಲಿಂ ಬೊಲ್ಸಾಂಕಿತ್ಲ್ಯಾಂಚಿಂ ಖಾಲಿ ಕೆಲಿಂ ಜಾಯ್ತ್ ಪರ್ಸಾಂಆಜ್ ಆಟ್ತೀಸ್ ವರ್ಸಾಂ ಸರೊನ್ ಗೆಲಿಂ,ಕಿತ್ಲಿಂ ನಿರಾಶಿ ಕಾಳ್ಜಾಂ ಮರೊನ್ ಗೆಲಿಂಕಿತ್ಲಿಂ ಸಪ್ಣಾಂ ತುಟೊನ್ ಪಡ್ಲಿಂ.

ಆತಾಂ ವಾಟ್ ಪಳವ್ಯಾಂ ಫುಡಲ್ಯಾ ವರ್ಸಾಚಿಘಟಕ್‍ರಾಜಾಚ್ಯಾ ಎಕುಣ್‍ಚಾಳಿಸಾವ್ಯಾ ದಿಸಾಚಿಆಮ್ಕಾಂ ಝಳಕ್ ದಿಸ್ತಲಿ ಗಾಯ್?ಭರ್ವಾಂಶ್ಯಾಚ್ಯಾ ಕಿರಣಾಂಚಿ?ಉಗಡ್ತಲಿಂ ಗಾಯ್?ದಾರಾಂ ಅರ್ಥಾಬರಿತ್ ಉದರ್ಗತಿಚಿಂ?ವಾಟ್ ಪಳಯ್ತ್ ರಾವುಯಾಂ ತ್ಯಾ ದಿಸಾಚಿಜೆದ್ನಾಂ ಚಾಕುಂಕ್ ಮೆಳ್ಟಲಿ ಗೊಡ್ಸಾಣ್,ಮೊಂವಾಳ್ ಘಟಕ್‍ರಾಜ್ಯಾಚಿ.

ವಾಟ್ ಪಳಯ್ತ್ ರಾವುಂಯಾ ಫುಡ್ಲ್ಯಾ ವರ್ಸಾಚಿಘಟಕ್‍ರಾಜಾಚ್ಯಾ ಎಕುಣ್‍ಚಾಳಿಸಾವ್ಯಾ ವರ್ಸಾಚಿ.

Play the video

Watch on YouTube