[ಖಬರ್] ಅಂತರ್ರಾಶ್ಟ್ರೀಯ್ ಕಥಾ ಅಧ್ಯಯನಾಚಿ ಕಥಾಪಾಠ್ ಶಿಂಕಳ್ 5
ಅಂತರ್ರಾಶ್ಟ್ರೀಯ್ ಕಥಾ ಅಧ್ಯಯನಾಚಿ ಕಥಾಪಾಠ್ ಶಿಂಕಳ್ 5
ಆಶಾವಾದಿ ಪ್ರಕಾಶನಾನ್ ವರ್ಸಾನ್ ವರಸ್ ಮಾಂಡುನ್ ಹಾಡ್ಚೆಂ ಅಂತರ್ರಾಶ್ಟ್ರೀಯ್ ಮಟ್ಟಾಚೆಂ ಕೊಂಕಣಿ ಕಥೆಂಚೆಂ ಆಧ್ಯಯನ್; (ವೆಬಿನಾರ್ ಶಿಂಕಳ್) ’ಕಥಾಪಾಠ್’ ಸನ್ವಾರಾ, ಜುಲಾಯ್ 6 ತಾರಿಕೆರ್ ಸಾಂಜೆರ್ 4 ಥಾವ್ನ್ 6 ವೊರಾಂ ಪರ್ಯಾಂತ್ ಚಲ್ತಲೆಂ. ಗೊಂಯ್ಚ್ಯಾ ಧೆಂಪೆ ಕೊಲೆಜಿಚ್ಯಾ ಜೋಡ್ ಆಯೋಗಾಖಾಲ್, ಶ್ರೀ ಮಲ್ಲಿಕಾರ್ಜುನ ಕೊಲೆಜ್ ಕಾಣ್ಕೊಣ್, ಫಾ.ಆಗ್ನೆಲ್ ಕೊಲೆಜ್ ಪಿಲಾರ್, ಕಾರ್ಮೆಲ್ ಕೊಲೆಜ್ ನುವೆಂ, ರೋಸರಿ ಕೊಲೆಜ್ ನವೆಲಿಂ, ಸೈಂಟ್ ಝೇವಿಯರ್ಸ್ ಕೊಲೆಜ್ ಮಾಪ್ಸಾ, ಸರ್ಕಾರಿ ಕೊಲೆಜ್ ಪೆರ್ನೆಂ, ಕೊಲೆಜ್ ಆಫ್ ಆರ್ಟ್ಸ್ ದೆಲೆಂ, ಗೊವಾ ಕೊಲೆಜ್ ಆಫ್ ಆರ್ಟ್ಸ್ ಅಲ್ಟಿನೊ ಆನಿ ದಲ್ಗಾದೊ ಕೊಂಕಣಿ ಅಕಡೆಮಿಚ್ಯಾ ಸಹಭಾಗಿತ್ವಾಂತ್ ಚಲ್ತಲೆಂ.
ಉಗ್ತಾವಣ್ ವೆಬಿನಾರ್: 6 ಜುಲಾಯ್ 2024
ಉಗ್ತಾವಣ್: ಡೊ. ಸ್ವಾತಿ ಪವಾರ್ (ಧೆಂಪೆ ಕೊಲೆಜಿಚಿ ಪ್ರಿನ್ಸಿಪಾಲ್)
ಪ್ರಸ್ತಾವಿಕ್ ಉಲವ್ಪ್: ಬಾಲಜಿ ಸುತಾರ್ (ನಾಮ್ನೆಚೊ ಮರಾಠಿ ಯುವ ಕಥಾಕಾರ್)
ಮುಖೆಲ್ ಸಯ್ರೆ: ಮಾ. ಬಾ. ಮಾಯ್ರನ್ ಬಾರೆಟ್ಟೊ, ವಿಲ್ಲಿ ಗೋಯೆಸ್, ಪ್ರಕಾಶ್ ದಾ. ನಾಯ್ಕ್, ಡೊ. ಆಸ್ಟಿನ್ ಡಿಸೋಜ ಪ್ರಭು, ಡೊ. ಜಯವಂತ ನಾಯ್ಕ್, ಸೋನಿಯಾ ದೆಕೊಸ್ತಾ ಆನಿ ಡೊ. ಎಡ್ವರ್ಡ್ ಎಲ್. ನಜ್ರೆತ್.
ವೆಬಿನಾರ್ 2: (ಜುಲಾಯ್ 13):
ಸಂಚಾಲಕ್:
ಮಾ. ಲೂವಿಸ್ ಗೋಮ್ಸ್ ಆನಿ
ಡೊ. ಆಸ್ಟಿನ್ ಡಿಸೋಜ್ ಫ್ರಭು
ಪೇಪರ್ - 1:
ಡೊ.ಎಡ್ವರ್ಡ್ ನಜ್ರೆತಾಚ್ಯಾ ಕಥೆಂತ್ಲಿಂ ಮನ್ಶಾ
ಮೌಲ್ಯಾಂ - ಶೈಲೇಂದ್ರ ಮೆಹ್ತಾ
ವೆಬಿನಾರ್ 3: (ಜುಲಾಯ್ 20):
ಸಂಚಾಲಕ್: ಕಿಶೋರ್ ಗೊನ್ಸಾಲ್ವಿಸ್ (ನಾಮ್ನೆಚೊ ಕಥಾಕಾರ್, ತರ್ಜಣ್ಕಾರ್)
ಪೇಪರ್ - 1: ಡೊ.ಎಡ್ವರ್ಡ್ ನಜ್ರೆತಾಚ್ಯಾ ಕಥೆಂತ್ಲೆಂ ಸಮಾಜಿಕ್ ದರ್ಶನ್ - ಮಾನ್ಸಿ ಧವುಸ್ಕರ್
ಪೇಪರ್ - 2 : ಡೊ.ಎಡ್ವರ್ಡ್ ನಜ್ರೆತಾಚ್ಯಾ ಕಥೆಂತ್ಲೆ ಸಂಬಂಧ್ - ಡೊ. ರೇಶ್ಮಾ ಅಮಿತ್ ಖೋಲ್ಕರ್
ವೆಬಿನಾರ್ 4: (ಅಗೋಸ್ತ್ 3):
ಸಂಚಾಲಕ್:
ಡೊ. ಜೂಡಿ ಪಿಂಟೊ ಆನಿ
ಎಡ್ನಾ ವಾಸ್
ಪೇಪರ್ - 1:
ಡೊ.ಎಡ್ವರ್ಡ್ ನಜ್ರೆತಾಚ್ಯಾ ಕಥೆಂತ್ ಧರ್ಮ್ ಆನಿ ಸಮಾಜ್ -
ಮೆಗಾನ್ ದೆ ಸೋಜ ಪೇಪರ್ - 2 : ಡೊ. ಎಡ್ವರ್ಡ್ ಎಲ್.
ನಜ್ರೆತಾಚ್ಯೊ ಕಥೆಂಚೆರ್ ಅಧ್ಯಯನ್ - ರಿಯಾ ವೆರೊನಿಕಾ
ಸಿಕ್ವೇರಾ ಕಥಾಪಾಠ್ ಪಾಂಚ್ವ್ಯಾ ಶಿಂಕಳೆಚೆಂ
ಅಖೇರಿಚೆಂ ಕಾರ್ಯೆಂ ಅಗೋಸ್ತಾಚ್ಯಾ 18 ತಾರಿಕೆರ್ ಗೋವಾ
ಕೊಲೆಜ್ ಆಫ್ ಆರ್ಟ್ಸ್ ಕೊಲೆಜಿಂತ್ ಚಲುಂಕ್ ಆಸ್ತೆಲೆಂ.
ಹ್ಯಾ ಕಾರ್ಯಾಂತ್ ಕಥಾಪಾಠಾಚೆರ್ ಸಾದರ್ ಜಾಲ್ಲ್ಯಾ
ಪೇಪರಾಂಚೆಂ ಸಂಕಲನ್ ಉಸ್ತಕಾಚೆಂ ತಶೆಂಚೆರ್ ಡಿಜಿಟಲ್
ಉಸ್ತಕಾಂಚೆಂ ವಿಮೋಚನ್ ತಶೆಂಚ್ ಡೊ. ಎಡ್ವರ್ಡ್ ಎಲ್.
ನಜ್ರೆತಾಸವೆಂ ’ಕಥಾಸಂಧಿ’ ಆಸ್ತಲಿ. ಚಡ್ತಿಕ್ ವಿವರ್
ತುಮ್ಕಾಂ ಪಯ್ಣಾರಿ.ಕೊಮ್ ವ ವೀಸ್ ಇ-ಪತ್ರಾಚೆರ್ ಮೆಳ್ತಲೊ. ಕಥಾಪಾಠ್: ೨೦೦೬ ಇಸ್ವೆಂತ್ ಕುವೆಯ್ಟಾಂತ್ ಸುರು
ಜಾಲ್ಲೆಂ ಕಥಾ ಅಧ್ಯಯನಾಚೆಂ ಕಾಮಾಸಾಳ್ ಶಿಂಕಳ್, ಪಾಟ್ಲ್ಯಾ
ಚ್ಯಾರ್ ವರ್ಸಾಂನಿ ಅಂತರ್ರಾಶ್ಟ್ರೀಯ್ ಮಟ್ಟಾಚ್ಯೊ
ವೆಬಿನಾರ್ ಶಿಂಕಳ್ಯೊ ಆಶಾವಾದಿ ಪ್ರಕಾಶನಾನ್ ಮಾಂಡುನ್
ಹಾಡ್ಲ್ಯಾತ್. ಕಥಾಪಾಠ್ ಶಿಂಕಳ್ 1 (2020):
ಕೊಂಕಣಿಂತ್ಲೆ ಕಥಾ ಪ್ರಕಾರ್ (ಗ್ರಾಮೀಣ್,
ಘಾಟಾಚ್ಯೊ, ಮುಂಬಯ್, ಗಲ್ಫ್/ಪರ್ಗಾಂವ್..) ಕಥಾಪಾಠ್
ಶಿಂಕಳ್ 2 (2021): ವಿಲ್ಫಿ ರೆಬಿಂಬಸಾಚ್ಯಾ
ಕಥೆಂಚೆಂ ಅಧ್ಯಯನ್. ಕಥಾಪಾಠ್ ಶಿಂಕಳ್ 3
(2022): ಸಮಕಾಳೀನ್ ಕಥಾಕಾರಾಂಚ್ಯಾ ಕಥೆಂಚೆಂ
ತುಲನಾತ್ಮಕ್ ಅಧ್ಯಯನ್. ಕಥಾಪಾಠ್ ಶಿಂಕಳ್ 4
(2023): ಸಾಳಕಾಚ್ಯಾ ಸಿರಿವಂತಾಚ್ಯಾ ಕಥೆಂಚೆರ್
ಅಧ್ಯಯನ್. [ಕಥಾಪಾಠ್ 3 ಚೊ ಪೋಷಕ್:
ಮಾನೆಸ್ತ್ ಮಾಯ್ಕಲ್ ಡಿಸೋಜ್ ಆನಿ ಕುಟಾಮ್, ದುಭಯ್] [ಕಥಾಪಾಠ್ 4 ಚೆ ಪೋಷಕ್: ಮಾನೆಸ್ತ್ ಮಾಯ್ಕಲ್ ಡಿಸೋಜ್ ಆನಿ
ಡೊ. ಆಸ್ಟಿನ್ ಡಿಸೋಜ್ ಪ್ರಭು] [ಕಥಾಪಾಠ್ 5 ಚೆ
ಪೋಷಕ್: ಮಾನೆಸ್ತ್ ಮಾಯ್ಕಲ್ ಡಿಸೋಜ್ ಆನಿ ಡೊ. ಆಸ್ಟಿನ್
ಡಿಸೋಜ್ ಪ್ರಭು]
